1 SAMUELA 12:9 - Lacid Common Language Bible

⁹ Nghoid loug we' byumyu" yigi nyangnu" Aseing Mangsoo ri to" myhid pyam boem yoomo nyang: gi Philisti byumyu" yi lo, moo we' Moba khokham da" lo, moo we' Hazora voogung mo da" gyizoug: Sisera lo, moo we' ab byid: pyam wigi nanu" da" phoug" phyid" yiri meing: zain: lho: nyangnu" ri oung: lo" pyam nhang: boem bye:.

1 SAMUELA 12:9 교차 참조

COUNG" NGHEI 106:21

Egutu mung" moo nya: da" mau" pho" moo" zoo" joem yo' Nyangnu" ri khyoid yu to" da" Mangsoo ri nyangnu" to" myhed pyam boem bye:.

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

YEREMIA 2:32

Zoomyi: nu" gi nya: da" shoung: yhoung wa phoug" dab lug ri myhi' seig gi nya: da" lo, xo' pui" byimi ri lhoung to" myhed yu" la". Nghoid loug we' nanu" gi bidnyid atho' nghab loo sho' ngoo ri to" myhed pyam ago".

TARHA" TID POIN" 32:18

Nyangnu" gi nyangnu" da" Mangsoo nyangnu" da" myhang: thang khyoid yu Aseing nyangnu" ri kangso' byid: yug ri to" myhid pyam ago".

TARHA" TID POIN" 32:30

Ciwim yoomo dayug gi dakhyeing" yug ri oung: pyam wigi eig yug wigi damoin yug ri oung: pyam la". Nyangnu" da" Aseing Mangsoo nyangnu" ri she: pyam bye:. Nyangnu" da" myhang: thang Mangsoo gi nyangnu" ri to" pyam to" abye:.

TARHA" AGYI 10:7

Houg: yoomo Aseing gi Israela byumyu" yiri nheig yo: da:. Houg: lho: Philisti yo' Amon byumyu" yiri nyangnu" adang moo oung: pyam nhang: da:.

TARHA" AGYI 13:1

Israela byumyu" yigi Aseing ri thougtheung yooboo dalheing: doem shoid ago". Houg: yoomo nyang: gi Philisti byumyu" yi wigi nyangnu" adang moo myid: xi: zain vhoeb nhang: da:.

TARHA" AGYI 2:14

Houg: yoomo Aseing gi Israela byumyu" yiri nheig joem: yo: lho: gyivoo yiri khaid zain: nhang: wigi nyangnu" ri lhoid zoo: nhang: ago". Nyang: gi houg bang: lheing khoem mo gyivoo yiri nyangnu" ri oung: nhang: wigi Israela byumyu" yigi nyangnu" nya: gung ri ayo" goem loem loo: nghoid ago".

TARHA" AGYI 3:12

Israela byu yigi Aseing ri yooboo dalheing: doem shoid thougtheung boem ago". He: gang mo Aseing gi Moba khokham Eglon ri Israela byumyu" yi tho' yoem: je gyi: nhang: da:.

TARHA" AGYI 3:31

Hau: thang: mo vhujhung: gi Anad da" yuggi zoo: Shamgara nghoid da:. Nyang: we' pyang" coin: wigi Philisti byu khyug shoo: ri said pyam wigi hougsu" Israela byumyu" yiri khyoid yu da:.

TARHA" AGYI 4:2

Houg: yoomo Aseing gi nyangnu" ri Hozora voomoo" moo vhoeb da" Khanan khokham Yabin wigi oung: pyam ziri shoug" nhang: da:. Nya: gyizoug: phoo gi Sisera nghoid. Nyang: gi tungbau: byu yi da" voogung Haroshed moo nyid da:.

1 SAMUELA 12:15

Nghoid loug we' nanu" gi Aseing da" dang: ri atam" gyoo: Aseing theung to" dang: thang" cab ri acang yhe: boem nghoid rigi nanu" ri we' nanu" da" khokham ri we' nyang: gi nung phug pyam khari" wa zi nghoid.