1 SAMUELA 12:10 - Lacid Common Language Bible

¹⁰ Hau: thang: nyangnu" ri Aseing wigi bo pang" wa shid re" yoid mho' boem ziyo' ngoonu" gi nang ri nung phug pyam lho: Bala yo' Astarte yu phara" soolhoo: joem ri no' boem bye: yoomo yooboo yo" boem bye:. Ngoonu" da" gyivoo yi da" lo, khoug: mo khyoid yu shi" we' o". Nang ri za: ngoonu" noku boem loo: wa» ga: mho' nyid boem ago".

1 SAMUELA 12:10 교차 참조

TARHA" AGYI 10:10

Hau: thang: Israela byumyu" yigi Aseing ri mho' yoid wigi «Ngoonu" gi nang ri thougtheung yooboo shoid boem bye:. Ciwim gari ngoonu" da" Mangsoo nang ri ngoonu" too" kho' lho: Bala yu phara" joem ri no' boem bye:» ga: tid ago".

TARHA" AGYI 2:13

Nyangnu" gi Aseing ri noku ziri theing: pyam wigi Bala yu phara" joem yo' Astarte ri dei byid: ago".

TARHA" AGYI 3:9

Hau: thang: Israela byumyu" yigi Aseing ri yoid mho' boem yoomo nyangnu" ri lhoid pyoin' kaid wa da" byu dayug ri Aseing nhang: kaid byid: da:. He: yug gi Othniela nghoid. Othniela gi Khaleb da" nya: nhung" Kenaza da" nya: yuggi zoo: nghoid da:.

TARHA" AGYI 3:7

Israela byumyu" yigi nyangnu" Aseing Mangsoo ri to" myhed pyam ago". Nyangnu" gi nyang: ri yooboo shoid thougtheung wigi Bala yo' Ashera yu phara" joem ri no' ago".

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 26:16

Aseing we"- nang gi re" byumyu" ri yooboo dam byid: wigi yau: khi" moo nyangnu" nang ri akyu" mho' ago".

COUNG" NGHEI 106:44

Nghoid loug we' nyangnu" mho' yoid uri Aseing gi shoug" gyoo: byid: ziyo' Nyangnu" da" myid myoo: ung: loug da" khyoo: ri nyang: gi boin: soo" byid: nyid.

1 SAMUELA 7:2

Aseing da" Dang: Theing Kuid: gi Kiriad Yarim voogung moo eig xi: zain koo: jo, jo, da:. Hau: ayo, akhyeing: ri Israela byumyu" yi dangain" gi bo pang" wa shid re" Aseing jang" moo mho' yoid ngau nyid.

TARHA" AGYI 6:7

Hau: thang: Israela byu yigi Midian byu yiri thougtheung jang" moo pang" thoug yu wa shid re" Aseing ri yoid mho' ago".

TARHA" AGYI 4:3

Yabin gi joto' gyi myang: rheing" gau: shoo: yo" da:. Nyang: gi Israela byumyu" yiri zain loem: eig xi: nyang: gye" thain: da" khyo" athoug" akhyoug: vhoeb da:. Hau: thang: Israela byumyu" yigi Aseing ri pang" thoug yu wa shid re" yoid mho' ago".

TARHA" AGYI 3:15

Hau: thang: Israela byumyu" yigi Aseing ri yoid mho' yoomo nyangnu" ri lhoid pyoin' wa shid re" byu dayug ri nhang: kaid byid: da:. Hau: yug gi Benyamin kung: mo Bera da" nya: yuggi zoo: lo, kung" kung" yug Ehud nghoid da:. Israela byumyu" yigi Ehud ri Moba khokham Eglon jhang jhungshug joem yo' dage" nhang: kaid ago".

YOSHU 13:31

Hougmoo: Gilead mung" agung dayi"- Bashan Oga da" mungdain: mo voomoo" zeing nghoid da" Astanod yo' Edrei voomoo" we' bo da:. He: zi dangain" gi Manashe da" nya: yuggi zoo: Makhira mo nyid re" da" yhoemkhung: yi: agung dayi" ri kho' byid: da" gu: nghoid da:.

TARHA" AGYI 2:11

Israela byumyu" yigi Aseing ri yooboo shoid thougtheung wigi Bala ri dei byid: boem ago".

1 SAMUELA 7:6

Hougsu" nghoid yoomo nyangnu" dangain" mo, gi Mizpa joyoo moo zeung: foem: nyid boem ago". Gyid dajhi' ri we' nyangnu" kham: yu lho: Aseing ri xoin" to' khyo" wigi pyi: khyo' pyam ziyo' danyid" goin" zoo: noem zeung: nyid boem ago". Nyangnu" gi «Nyangnu" da" Aseing ri shoid bye: o"» ga: toungbain: nyid ago". He: zigi Mizpa joyoo moo Israela byumyu" yiri Samuela gi tarha" tid byid: da" khyoo: nghoid nyid da