1 SAMUELA 11:7 - Lacid Common Language Bible

⁷ Nyang: gi nuloo: zoo: eig du: ri said wigi shoo" akhyi' khyi' yham" lho: lagyoo: yigi hau: shoo" khyi' joem ri dang ziyo' Israela damung" goin" jang" moo he: zid" nhang: da" dang: yo' dage" nhang: kaid bye:. Zid" nhang: kaid da" dang: gi «Sholu eig yug Samuela yo' dage" meing: zain: jang: khyoo: acang bang: hang" ri nghoid loug we' he: nuloo: tang: yhang: ti" bui" wa zi nghoid» ga: tid. Israela byumyu" yigi Aseing gi khasu" koid wa la" ga: gyoug: yoomo dayug we' adeung gyoo" loo za: nyangnu" gi dage" dangain" bang: thu yhe: lo" boem.

1 SAMUELA 11:7 교차 참조

APOEM AYANG: 35:5

Yaku yo' nya: zoo: tang: yi byung: thu lo" boem uri aqei: ayam voomoo" mo mung" byu yigi gyi" sho' gyoug boem wigi cang khaid myheig khyoo: ci: we' akoid boem.

2 KHOKHAM MHOOMYID: 14:14

Hau: thang: nyangnu" gi Gerara lheing khoem mo voomoo" joem ri yo' phyo' shoin' pyam ago". Ciwim ga: ri houg: moo nyid da" byu yigi Aseing wigi kyug nhain' zi shoug" ago". Gyidab gi voomoo" joem dangain" ri phyo' zo: lho: lanyhoeb myoo: sho' yo" shoem" yu ago".

2 KHOKHAM MHOOMYID: 17:10

Aseing gi: loem: lheing khab' mo mungdain: joem dangain" ri khokham Yehoshaphad yo' gyi zain: wa shid re" gyoug nhang: da:.

2 KHOKHAM MHOOMYID: 19:7

Aseing ri ngi: shab byid: lho: zid" lhid wigi nyeing" koid we'. Ciwim gari ngoonu" da" Aseing Mangsoo gi mhau' zi myonhoo: khyen: zi khougvhoid jhungshug yu ziri zeing: kham: byid: su: anghoid » ga: jhau" shid da:.

ESAIA 8:13

Myhang: thang Aseing ngoo gi gyeung" shang: yug nghoid ziri myid boin: we'. Nang gyoug ca" yug gi ngoo nghoid.

TARHA" AGYI 19:29

Nyang: gi ju" lang" yhoem: khyoo: vang lo" wigi shamcoin" dacam" lo" yu da:. Nya: dangcang: myhi' da" mang ri yu lho: daxe: eig du khyo' lho: jab phyid da:. Israela byumyu" kung: khang" moo" khyoo: dadu du foin: kaid da:.

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".