1 SAMUELA 11:6 - Lacid Common Language Bible

⁶ Sholu gi hau: lu dang: ri shoug" gyoo: lang" Mangsoo Venyi gi: nyang: ri vhoebkhang" nyid ziyo' nyang: gi atho' tid lo: sho' nheigloem: byo, lo" da:.

1 SAMUELA 11:6 교차 참조

THU' LO" MOUGSOUG" 32:19

Moshe gi nu: soolhoo: yo' byumyu" yi go" nyid ziri yo" myang sho' tab gyo" yhi: lang atho' tid loo: sho' nheigloem: yoin da:. Hau: boem khyid: moo nyang: ci: to" da" lugpyi" joem ri du" kho' pyam wigi go, byug bye: da:.

GYUNG: SOO" 12:3

Moshe gi nheigloem: nyhoem: khyoo' su: nghoid da:. Mougmyid tho' moo: gootu: bang: tho' je wigi nheigloem: nyhoem: khyoo' su: nghoid da:.)

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

Ephesu 4:26

Nanu" nheig yo: ri hau: yoo: nau da" nheigloem: yo' yooboo akoid nhang: goo"- bidvang sho' we' nheig ayo: nyid goo".

TARHA" AGYI 11:29

Hau: thang: Aseing da" Venyi: gi Yebtha jhang ju" re" da:. Nyang: gi Gilead yo' Manashe moug: khyoo: jang: sho' yhe: lho: Gilead mo Mizpa khyoo: tau" lo" lho: Amon khyoo: xo' yhe: lo" da:.

TARHA" AGYI 13:25

Zora yo' Eshtaola agyoo: mo Dan byumyu" kung: yi da" dab mo nyang: nyid uri Aseing da" yoem: so' gi nyang: ri yoem: boo nhang: da:.

TARHA" AGYI 14:6

Aseing da" yoem: so' gi nyeigdain tung" Samson ri yoem: boo nhang: wigi nyang: gi hau: khangkhyi ri coidbaid nu" dadu: ri yhang: ti" nya: lo, cen: yo' adu du lang: kho' sain" pyam da:. Nghoid loug we' nyang: cikoid bye: ziri nya: phoo nya: myhi' tang: ri atid kyoo" nghoid da:.

TARHA" AGYI 15:14

Nyang: Lehi khyoo: ju" loo lang" Philisti byu yigi nya: jhang tang" re" lho: nyang: ri nyho: boem ago". Aseing yoem: so' gi nyang: ri nyeigdain tung" yoem: boo nhang: wigi nya: lo, pu' yo' lo, moo tei" to" da" tei" joem gi myi: zang" da" nghab khyeing: yhang: ti" byid byug da:.

TARHA" AGYI 3:10

Aseing da" Venyi: gi nya: adang moo ju" re" lho: nyang: gi Israela byumyu" yi da" vhujhung: bue" lo da:. Othniela gi gyi khaid pui" khyoo: yhe: wigi Aseing gi nyang: ri Mesopotamia khokham ri oung: pyam nhang: da:.

TARHA" AGYI 6:34

Aseing da" Venyi: gi Gideon ri vhu" she: wigi Abieza da" kung: bang: nya: thang: cang goo" wa shid re" khe: da" laboo" moid kaid da:.

1 SAMUELA 10:10

Sholu yo' nya: dei zoo: gi Gebia joyoo moo ju" lo" uri lapi: daphung: yo' zheung: shoug" goo" bye:. Hau: uri Mangso Venyi gi nyeigdain tung" nyang: ri vhoebkhang" ziyo' nyang: we' nyangnu" yo' dage" nyho: wigi go" lho: lapi: pe: nyid jang: moo bo vang go" nyid bye:.

1 SAMUELA 10:6

Aseing da" Venyi: gi nang ri nyeigdain tung" vhoebkhang" pyam wigi nang gi nyangnu" da" noku thung" khyo" go" ziyo' nyho: goo" jang: moo bo vang lho: gooki' lid da" byu bue" loo wa zi nghoid.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 16:14

Aseing da" Venyi: Sholu jang" mo thu' loo" bye: yoomo hau: Aseing nhang: kaid da" akhyeing" da" yu Venyi: nyang: ri amyen akhyoid bui" nhang: nyid.