1 SAMUELA 10:6 - Lacid Common Language Bible

⁶ Aseing da" Venyi: gi nang ri nyeigdain tung" vhoebkhang" pyam wigi nang gi nyangnu" da" noku thung" khyo" go" ziyo' nyho: goo" jang: moo bo vang lho: gooki' lid da" byu bue" loo wa zi nghoid.

1 SAMUELA 10:6 교차 참조

GYUNG: SOO" 11:17

Ngoo gyoo" re" wigi hau: joyoo moo: nang yo' dang: tid goo" wa. Nang ri ngoo byid: to" da" Venyi: dayham" ri yu wigi nyangnu" ri byid: wa. Houg: lang" nyangnu" gi he: byumyu" yiri shu" da" yoovoin ri nyangnu" yo" bo voin loo goo" wa. Houg: lang" nang gi hau: yoovoin ri dayug kyeing" avoin vu, ca" loo: wa zi nghoid.

GYUNG: SOO" 11:25

Hau: thang: Aseing gi jhoemmoug" mo gyoo" re" wigi nyang: ri dang: re" tid da:. Nyang: gi Moshe ri byid: to" da" Venyi: dayham" ri yu lho: hau: ziri vhu" shi: wa bang: nyhed xi: yug ri byid: bye:. Venyi: nyangnu" adang moo: ju" ri" lang" nyangnu" gi lapi: yo' dayhang: ti" nyho: ago". Nghoid loug amyang" nghoid da:.

GYUNG: SOO" 11:26

Vhu" shi: nyhed xi: yug mo eig yug nghoid da" Eldad yo' Medad tang: gi dab moo: nyid nyid ziyo' nya: tang: gi Zoem" khyoo: ayhe: goo" nghoid da:. Hau: dab khoug: moo: Venyi: gyoo" re" wigi nyangnu" we' Lapi: joem yhang: ti" nyho: boem bye:.

GYUNG: SOO" 11:29

Moshe phug lho: «Nga" shid re" nang myid ci' byid: rhe". Aseing gi nya: da" Venyi: ri nya: byumyu" yi dangain" ri kaid byid: wigi nyangnu" dangain" ri lapi: yhang: ti" nyhoo: nhang: wa ziri ngoo vho: ngei nyid» ga: tid.

MATHE 7:22

Hau: bidnyid moo ‹Aseing we"- Aseing we"- ngoonu" re" da" myeing yo" tarha" we' gye" kho" boem bye:- re" da" myeing yo" yu khaid pyam' ziyo' re" da" myeing mo mau" pho" moozoo" ri gye zei: boem bye: anghoid la"› ga: myoo" sho' mo, ngoori tid boem wa.

TARHA" AGYI 14:6

Aseing da" yoem: so' gi nyeigdain tung" Samson ri yoem: boo nhang: wigi nyang: gi hau: khangkhyi ri coidbaid nu" dadu: ri yhang: ti" nya: lo, cen: yo' adu du lang: kho' sain" pyam da:. Nghoid loug we' nyang: cikoid bye: ziri nya: phoo nya: myhi' tang: ri atid kyoo" nghoid da:.

TARHA" AGYI 15:14

Nyang: Lehi khyoo: ju" loo lang" Philisti byu yigi nya: jhang tang" re" lho: nyang: ri nyho: boem ago". Aseing yoem: so' gi nyang: ri nyeigdain tung" yoem: boo nhang: wigi nya: lo, pu' yo' lo, moo tei" to" da" tei" joem gi myi: zang" da" nghab khyeing: yhang: ti" byid byug da:.

TARHA" AGYI 3:10

Aseing da" Venyi: gi nya: adang moo ju" re" lho: nyang: gi Israela byumyu" yi da" vhujhung: bue" lo da:. Othniela gi gyi khaid pui" khyoo: yhe: wigi Aseing gi nyang: ri Mesopotamia khokham ri oung: pyam nhang: da:.

1 SAMUELA 10:10

Sholu yo' nya: dei zoo: gi Gebia joyoo moo ju" lo" uri lapi: daphung: yo' zheung: shoug" goo" bye:. Hau: uri Mangso Venyi gi nyeigdain tung" nyang: ri vhoebkhang" ziyo' nyang: we' nyangnu" yo' dage" nyho: wigi go" lho: lapi: pe: nyid jang: moo bo vang go" nyid bye:.

1 SAMUELA 10:9

Sholu gi Samuela jang" mo thu loo" wa ga: lheung: kaid ri Mangsoo gi Sholu ri gooki lid da" myid nheigloem: aseig ri byid: bye:. Samuela wigi nyang: ri tid gu: dangain" gi hau: nyid" moo nyang: bue" loo bye:.

1 SAMUELA 11:6

Sholu gi hau: lu dang: ri shoug" gyoo: lang" Mangsoo Venyi gi: nyang: ri vhoebkhang" nyid ziyo' nyang: gi atho' tid lo: sho' nheigloem: byo, lo" da:.

1 SAMUELA 16:13

Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.

1 SAMUELA 19:20

Nyang: ri yhe: myheig yu wa shid re" byu dayham" ri nhang: kaid bye: zi nghoid. Houg: lang" nyangnu" gi Samuela vhu" she: wigi jikhoin" khoin" wigi go" nyid da" lapi: daphung: ri yhe: myang bye:. Hau: thang: Mangso da" Venyi: Sholu da" byu yiri vhoebkhang" wigi nyangnu" we' jikhoin nyho: khoin" lho: go" shid" lo" boem ago".