1 SAMUELA 10:5 - Lacid Common Language Bible

⁵ Hau: thang: ri Philisti gyidab jo, da" Gibea joyoo mo Mangso bouggung khyoo: nang do, yhi: wa zi nghoid. Vooyam khyam: khoem" nam moo jhabceing- zeing yo' teing ri baid- khalhang ri moid wigi boug goug mo xoin" to' phoin: khyo" gyoo" lo da" lapi: daphung: yo' nang shoug" goo" wa zi nghoid. Nyangnu" gi nyho: ziyo' go" gyoo" loo wa zi nghoid.

1 SAMUELA 10:5 교차 참조

1 KHOKHAM 18:29

Myen" thang: zoo" ju" sho' nyangnu" gi koo" nyhoo: nyho: ziyo' gye" myang" sho' nyho: mho' nyid boem ago". Nghoid loug we' atam" gyoo: byid:- ce: thui: we' ashau" gyoo: nghoid da:.

2 KHOKHAM 2:15

Yerikho mo Lapi: wim: xi: yug gi nyang: ri myang wigi «Elia da" yoem so' gi Elisha adang moo jo, jo, abye:» ga: tid ago". Nyangnu" gi nya: jhang yhe: wigi nya: shidkhoin" moo yhe: goeb pid lho:

2 KHOKHAM 2:3

Houg moo nyid boem da" Lapi: daphung: gi Elisha jhang yhe: wigi nyang: ri «Aseing gi akhid" nyid" re" yhoem: seing: ri nang mo shu" yu pyam wa ziri nang se' rhe"» ga: tid boem. Elisha gi «Ngoo se'- nghoid loug we' hau: khyoo: yo' sen: wigi atid goo" shang» ga: tid da:.

2 KHOKHAM 2:5

Houg moo nyid boem da" Lapi: daphung: gi Elisha jhang yhe: wigi nyang: ri «Aseing gi akhid" nyid" re" yhoem: seing: ri nang mo shu" yu pyam wa ziri nang se' rhe"» ga: tid ago". Elisha gi «Ngoo se' nghoid loug we' hau: khyoo: yo' sen: wigi ngoonu" atid gooshang» ga: tid da:.

2 KHOKHAM 2:7

Houg: lho: Lapi: wim: xi: yug we' Yodan gyid lang khyoo: nyangnu" jhang cang yhe: lo" ago". Elia yo' Elisha gi gyid yam moo yhe: theing: ago". Houg: lho: hau: Lapi: wim: xi: yug we' dajhi' ve: jang" moo yab jo, ago".

2 KHOKHAM 3:15

Akhid" ngoo ri teing baid, su: khi: byid: we'» ga: tid. Teing baid su: gi nya: teing ri baid nyid uri Aseing da" yoem: so' gi Elisha dang moo ju" re" da:.

2 KHOKHAM 4:38

Dalheing: ri mungdain: goin" moo phang" khoug gyo" uri Elisha gi Gilgala khyoo: tau" lo" da:. Nyang: gi Lapi: daphung: ri jhoug" shid' nyid uri nyang: gi nya: dei zoo: ri myikhyoem' dang moo oug" zeing dakhyab xug lho: houg bang: shid re" xoin" yeing jhau' byid: wa tid da:.

2 KHOKHAM 6:1

Danyid" gi Elisha wigi vhu" she: nyid da" Lapi: daphung: gi nyang: ri «Ngoonu" nyid da" joyoo gi sung nge da:.

1 KHOKHAM MHOOMYID: 11:16

Hau: ayo, moo: David gi bouggung mo gyidab moo: nyid da:. Philisti byu daphung: gi Bedlehem ri seing: yu pyam da:.

1 KHOKHAM MHOOMYID: 13:8

Hau: uri David yo' byumyu" yi dangain" bang: gi Mangsoo ri ngi: shab byid: khyo" nyangnu" yo" go" yhi' go" boem ago". Nyangnu" gi jikhoin" khoin"-teing joem baid- zeing joem baid- jhabceing joem baid- laboo" joem moid boem ago".

1 KHOKHAM MHOOMYID: 16:42

Heman yo' Yeduthun eig tang: gi laboo" moid- jhabceing baid- gootu: coung" nghei zi joem ri coung" nghei jikhoin" khoin" ure baid myheing jang" moo: we' yoovoin foin: too" shau" ago"- Yeduthun da" akung: ako' yigi khoem" duang: lhoug zung" jang" moo: yoovoin yu boem ago".

1 KHOKHAM MHOOMYID: 16:5

Asab ri vhujhung: khyo" Zekharia ri gi nya: pang" thoug vhujhung: khyo" yoovoin foin: to" da:. Yeiela- Shemiramod- Yehiela- Matithia- Eliaba- Benaia- Obed- Edom yo' Yeiela bang: ri teing joem baid nhang: da:. Asab gi jhabceing baid wigi

COUNG" NGHEI 49:4

Ngoo gi phajhi" dang: moo nheigloem: kaid to" lho: hau: da" dang: joem ri teing baid thui: yo' phoid: sho' kyoo" wa nghoid.

1Korinthians 14:1

Hougsu" nghoid yoomo- jheddab da" nheigloem: ri yo" yu sho'- yoem: kaid nyid ge'. Venyi jeju" jhung" shug joem ri vho: ngei nyid ge'. Je" wigi: hau: mungdang: ri kho" kyoo" wa da" jeju" jhung: shug ri vho: ngei nyid ge'.

1 SAMUELA 10:10

Sholu yo' nya: dei zoo: gi Gebia joyoo moo ju" lo" uri lapi: daphung: yo' zheung: shoug" goo" bye:. Hau: uri Mangso Venyi gi nyeigdain tung" nyang: ri vhoebkhang" ziyo' nyang: we' nyangnu" yo' dage" nyho: wigi go" lho: lapi: pe: nyid jang: moo bo vang go" nyid bye:.

1 SAMUELA 10:4

Nyangnu" we' nang ri lhoem: tau yu wigi zooyho' eig loem: byid: wa. Hau: ziri nang lhoem: yu ca" wa zi nghoid.

1 SAMUELA 13:2

Sholu gi byu soem: khyeing" ri khe: zheing" yu wigi nyangnu" mo eig khyeing" rigi nyang: yo' dage" Mikmasha yo' Bethela boem moug: moo to" to" lho: dakhyeing" rigi nya: zoo: Yonathan yo' dage" Benyamin byumyu" yi da" moug" myid nghoid da" Gibea voogung khyo: nhang: kaid da:. Deing da" byu yi rigi nyangnu" nyang: yhoem: khyoo: Sholu nhang: kaid bye:.

1 SAMUELA 13:3

Yonathan gi Geba moo nyid da" Philisti dab phyo' pyam bye: ziyo' hau: khyoo: ri Philisti byumyu" yi dangain" shau" gyo: boem. Hau: thang: Sholu we' Hebre byumyu" yi meing bo zain: wa shid re" mungdain: dangain" jang" moo laboo" moid wa da" lagyoo: yiri nhang: kaid bye: zi nghoid.

1 SAMUELA 19:20

Nyang: ri yhe: myheig yu wa shid re" byu dayham" ri nhang: kaid bye: zi nghoid. Houg: lang" nyangnu" gi Samuela vhu" she: wigi jikhoin" khoin" wigi go" nyid da" lapi: daphung: ri yhe: myang bye:. Hau: thang: Mangso da" Venyi: Sholu da" byu yiri vhoebkhang" wigi nyangnu" we' jikhoin nyho: khoin" lho: go" shid" lo" boem ago".

1 SAMUELA 9:12

Myiyi: zoo: yigi «Nghoid bye:- nyang: nyid da:- Akhid" nyang: gi re" tang: da" shid moo za: shi" danghoid. Re" tang myab nghoid rigi nyang: ri re" tang: khaid myhi: shi" goo" wa zi nghoid. Re" tang: voogung moo ju" vang loo" yo' nyang: ri myang zi nghoid. Boug gung mo xoin" to' jang" moo byumyu" yigi xoin" ngei" byid: goo" wa ga: yoomo akhid" nyid" hau: voogung khyoo: nyang: ju" wa zi nghoid. Hau: xoin" ri nyang: xang: shi" mainkaid byid: wa zi nghoid yoomo hau: jang" moo nyang: aju" ju" gi khe: to" da" byumyu" yigi ciri we' yo" zo: shid" wa zi anghoid. Re" tang: akhid" nyang: yhe: nghoid rigi zoo: wa shid re" nyang: boem khyoo: ado, loo" shi" uri nyang: yo' re" tang: shoug" goo" wa zi nghoid» ga: wigi tid kaid ago".