1 SAMUELA 1:26 - Lacid Common Language Bible

²⁶ Hana nyang: ri «Nang ngoo ri xoem" shi" la". Ngoo gi hid: moo yab jo, wigi akyu" mho' nyid uri nang myang da" myhi' zeing nghoid bye:.

1 SAMUELA 1:26 교차 참조

APOEM AYANG: 42:15

Xo' lho: «Nanu" ri hid: su" joeb wa Ngoo deing" deing tid zigi khokham da" voolang myeing khyo" jham' tang: wigi nanu" da" nge thang da" nhung" ri hid: moo ashu" re" rigi nanu" ayo" thu loo" wa nghoid.

2 SAMUELA 11:11

Uria gi «Israela yo' Yuda byu yigi meing: zain: da" joyoo moo nyid nyid ziyo' nyangnu" yo' dage" Dang: Theing Kuid: we' jo, da:. Nga" gyizoug: Yoab yo' nya: gyizoug: yi we' pa: cang dab koid wigi nyid nyid boem zi danghoid yoomo ngoo khasu" wigi yhoem: khyoo: lo" lho: zoo: gi shug gi nga" yhoem: seing: myhi' yo' ngoo yo" lo" yhoeb wa la". Houg: yhang: te" da" moo" zoo" ri khanham we' ngoo akoid wa ein: deing byeung" da" myeing moo hau: khyoo: dangain" ziri ngoo theing too" bye: zi nghoid» ga: tid khyo" da:.

2 SAMUELA 14:19

David gi nyang: ri «He: moo" zoo" nang ri Yoab koid nhang: anghoid la"» ga: myid: bye:. Myiyi: myhi' gi «Nang myid: da" dang: khoin" ri mhau' phug tid zi anghoid ein: deing byeung" da" aseing: khokham mo dang: theing too" bye: zi nghoid. He: zigi gyeing" nyang: re" gyizoug: Yoab gi ngoo ri khasu" koid wa khasu" tid wa tid kyoo" bye: zi nghoid.

2 KHOKHAM 2:2

Khyoo: laid moo Elia gi Elisha ri «Nang hid: moo: nyid we' Aseing gi ngoo ri Bethela khyoo: yhi: wa amyeing" byid: da» ga: tid da:. Nghoid loug we' Elisha gi «Ngoo nang ri atoo" kho' wa ein: ngoo dang: zung" da" kangso' Aseing yo' nang moo jham' tang: da» ga: phug tid da:. Houg: lho: nya: eig yug gi Bethela khyoo: xo' yhe: lo" ago".

2 KHOKHAM 2:4

Hau: thang: Elia gi Elisha ri «Akhid" nang hid: moo nyid kho' we' Aseing gi ngoo ri Yerikho khyoo: yhi: wa shid re" amyeing" byid: bye:» ga: tid da:. Nghoid loug we' Eliasha gi «Ngoo nang ri atoo" kho' wa ein: ngoo dang: zung" da" kangso' Aseing yo' nang moo ngoo jham' tang: da» ga: phug tid da:. Houg: lho: nya: eig yug Yerikho khyoo: yhe: lo" ago".

2 KHOKHAM 2:6

Hau: thang: Elia gi Elisha ri «Akhid" hid moo: nyid we' Aseing gi ngoo ri Yodan gyid lang khyoo: yhi: wa amyeing" byid: da» ga: tid da:. Nghoid loug we' Elisha gi «Ngoo nang ri atoo" kho' wa ein: ngoo dang: zung" da" kangso' Aseing yo' nang moo ngoo jham' tang: da» ga: phug tid da:. Houg: yoomo nya: tang: xo' yhe: lo" ago".

2 KHOKHAM 4:30

Myiyi: myhi' gi Elisha ri «Ngoo nang mo athu loo" wa ein: da" khyoo: ri ngoo jhug zug da" kangso' Aseing yo' nang ri ngoo jham' tang: da» ga: tid da:. Houg: lang" nya: eig yug dage" za: doem tau" lo" ago".

1 KHOKHAM MHOOMYID: 4:10

Nghoid loug we' Yabed gi Israela Mangsoo ri akyu" mho' da:. Nyang: gi «Mangsoo we"- ngoo ri mainkaid byid la- ngoo ri mougmyid myoo" sho' byid: la. Ngoo yo' dage" nyid byid la- ngoo ri noo nhang: wa da" akhyeing" da" ja: khang" moo" mo we' goem loem byid: la o"» ga: akyu" mho' da:. Houg: lho: Mangsoo gi nyang: mho' ziri byid: da:.

1 SAMUELA 17:55

Sholu gi David wigi Goliad ri khaid said ziri myang lang" nya: gyidab ri vhoeb da" Abna ri «Abna we" nyang: gi hang" nya: zoo: nghoid la"» ga: myid bye:. Abna gi «aseing khokham we" ngoo ayo" tho' myid nghoid da›

1 SAMUELA 20:3

Nghoid loug we' David gi «nang ngoo ri khayhi' jheddab nyid ziri re" phoo nyeing" za: se' nyid yoomo nang moo ju" sho' anoo nhang: noug yoomo za: nyang: khasu" lheing: nyid ziri nang ri asi nhang: loo: za: nyang: myid phyed too" bye: zi nghoid. Ngoo gi shid: wa lo, mo dabyi koo: daca" lo: ein: kangso' Aseing moo: ngoo nang ri theung to" byid: zi nghoid.»

1 SAMUELA 25:26

Re" gyivoo yiri said wa ziyo' latoo: phug wa da" myid bo nyid jang" mo hau: Aseing nang ri toem too" yoomo re" gyivoo yi yo' nang ri noo nhang: nau mo, dangain" gi Nabala yhang: ti" dam byid: zi shoug baja" ein: kangso' Aseing jang" moo jham tang: bye: zi nghoid.