1 SAMUELA 1:1 - Lacid Common Language Bible

¹ Ephrim boem moug: Rama voogung moo Ephrim kung: mo Elakana ga: myheing da" byu dayug nyid. Nyang: gi Zupha akung: ako' mo Tohu ikoin deungkhu: yo" sen: da" Elihu nya: myid: Yeroham nya: zoo: nghoid nyid da:.

1 SAMUELA 1:1 교차 참조

1 KHOKHAM 11:26

Khokham Sholumon ri thougtheung da" gootu: byu dayug gi nya: moo" voin nghoid da" Ephrim mung" Zereda mo Nebad nya: zoo: Yeroboam nghoid da:. Nya: myhi' gi Zerua ga: da" cougmoo" myhi' nghoid.

1 KHOKHAM MHOOMYID: 6:12

Zadog- Shalum-

1 KHOKHAM MHOOMYID: 6:22

Hid: bang: gi Kohad da" amyed ashen yi daxeig thang: daxeig shab gyoo" lo" zi nghoid. Houg: bang: gi Aminadab- Kora- Asira-

1 KHOKHAM MHOOMYID: 6:33

He: moo" ri yoovoin yu bang: da" yhoemkhung: byuxeig gi vhoo: moo: bo ziyo' dakhyo" nghoid. Houg: bang: gi Kohad kung:- Xang: shi" jihkoin" phung: ri shu" vhu" she: da" Heman gi Yoela da" yuggi zoo: nghoid. Nya: yhoemkhung: byuxeig ri Yaku ju" sho' doem shab tau" lo" ri vhoo: mo yo' dakhyo" nghoid da:. Houg: bang: gi Heman- Yoela- Samuela-

1 KHOKHAM MHOOMYID: 6:34

Elkana- Yeroham- Eliela- Toa-

MATHE 27:57

Akhid" myenthang: ju" loo lang" Armathi voo mo yoo" zoo: su: Yoseb ga: su: ju" re. Nyang: we' Yesu da" cangzoo: dayug nghoid.

YOSHU 24:33

Arun da" nya: yuggi zoo: Eleaza gi: shid: wigi nya: yuggi zoo: Phineha ri byid: to" da" Ephrim boem moug: mo Gibea moo: myhoeb to" ago".

TARHA" AGYI 12:5

Ephrim byu yi ayo" phang: loid goo" wa shid re" Gilead byu yigi Yodan gyid lang gu: phyid wa joyoo joem ri seing: ci: da:. Ephrim byu dayug yug phang: loid wa soin' lho: gyid gu: dab wa akhang" mho' lang" Gilead byu yigi hau: yug ri «Nang Ephrim byu nghoid rhe"» ga: myid: boem lang" nyang: gi «Anghoid» ga: tid nghoid rigi

TARHA" AGYI 17:1

Dalheing: ri Ephrim boem moug: moo Mikha ga: da" byu dayug nyid.

TARHA" AGYI 19:1

Israela byumyu" yi khokham ayoo" shi" da" pyaid moo Ephrim boem moug: moo Levi byu dayug nyid da:. Nyang: gi nya: dangcang: myhi' koid wa shid re" Yuda mung" Bedlehem voogung mo myiyi: nu" dayug ri yu da:.

TARHA" AGYI 4:5

Nyang: gi Ephrim boem moug: mo Rama yo' Bethela agyoo: moo: yug jo, da" thab gam dagam ayang: moo dang: phyed wa shid re" zhung: jo, da:. Israela byumyu" gi nyang: myid phyed ziri yu wa shid re" hau: joyoo khyoo: yhe: ago".

1 SAMUELA 1:19

Thang: nab kyoo' ri Elakana yo' nya: yhoem: byu dangain" no, re to' wigi Aseing ri akyu" bain mho' thang: ri nya: miyi gi Rama voogung mo zi nyangnu" yhoem: khyoo: doem tau" lo" boem bye:. Elakana we' nya: myi: Hana yo' zoem" yhoeb wigi Aseing gi nya: akyu" mho' dang: ri tam" gyoo: byid: bye:.

1 SAMUELA 17:12

David gi Ephrad ga: da" Yuda mung" Bedlehem voogung moo nyid da" Yese da" nya: zoo: nghoid da:. Yese gi zooshang: shid yug yo" ziyo' Sholu khokham koid nyid da" pyaid ri nyang: gi gye" mang: lo" nyid bye: zi nghoid.

1 SAMUELA 2:11

Hau: thang: ri Elakana ri Rama voogung moo jo, da" nya: yhoem: khyoo: doem loo" nghoid loug we' zooshang: Samuela gi Shilo voogung moo nyhid: kho' wigi khainjung Eli da" lo, khoug: moo nyid lho: Aseing da" moo" zoo" ri zei: nyid da:.

1 SAMUELA 7:17

Hau: thang: ri nyang: gi Rama voogung mo nya: yhoem: khyoo: lo" wigi houg: moo we' tarha" agyi moo" zoo" ri lo" zei: nyid da:. Rama voogung moo we' Aseing shid re" xoin" to' phoin: daloem: ri we' nyang: koid too" bye:.

1 SAMUELA 9:4

Houg: lang" nyang: tang: gi Ephrim boem moug: yo' Shalisha moug: thang sho' moo cang sho: yen" nghoid loug we' hau: loo zei: joem ri amyang loo: nghoid ago". Hougsu" nghoid yoomo nya: tang: gi Shalim mung" khyoo: xo' sho: yhe: loo" nghoid loug we' hau: joyoo moo we' loo zei: joem anyid nghoid da:. Hau: thang: ri Benyamin da" mougkyoo" khyoo: yhe: shoo: nghoid loug we' amyang shi" nghoid ago".

1 SAMUELA 9:5

Nya: tang: gi Zupha moug: khyoo: ju" yhe: lo" uri Sholu gi nya: dei zoo: ri «Nyha" tang: yhoem: khyoo: doem tau" loo" loo goo"- nga" phoo gi loo zei: joem tho' nyha" tang: ri seing" kho" nyid wam bye:» ga: tid.