1 KHOKHAM 3:6 - Lacid Common Language Bible

⁶ Sholumon tid zigi «Re" dei zoo: nga" phoo David gi nheig bo- dang: zung" ziyo' loem: lug khyo" nang yo' xo' go" nyid yoomo nang nyang: ri khanham we' jheddab nheigloem: ci: shug bye: zi nghoid. Nya: khokham vang" moo vhoebkhang" wa shid re" yuggi zoo: dayug ri we' akhid" nyid" nyang: ri byid: wigi re" gyi: sheung: geing: teing jheddab myid ri xo' wigi ci: shug nyid da:.

1 KHOKHAM 3:6 교차 참조

APOEM AYANG: 24:40

Nyang: gi ‹Ngoo loem khau: tam" gyo: nyid da" Aseing gi nang yo' dage" moug: lagyoo: nhang: byid: wigi nang ri oung: doid khyoo: byid: wa nghoid. Nang gi ngoo nya: byumyu"- nga" pho yhoem: byu yi mo yhoem: seing: myhi' dayug ri nga" zo: shid re" yo" shu" loo wa nghoid.

2 SAMUELA 22:21

Ngoo gi deung byeing su: nghoid yoomo Aseing gi ngoo ri ngi: shab jhungshug byid: bye:. Ngoo gi ce: yooboo adab su: nghoid yoomo nyang: gi ngoo ri mainkaid byid: bye:.

2 SAMUELA 22:25

Ngoo gi deing byeung" su: nghoid yoomo we' ngoo gi ce: yooboo ayoo" su: nghoid ziri si' yoomo we' nyang: gi ngoo ri ngi: shab jhungshug byid.

2 SAMUELA 7:5

«Yhe: wigi nga" join David ri ngoo tid ein: yhe: tid we'. Nang gi ngoo nyid wa da" nga" shid re" Noku Yhoem: Moo" ri yo" koid byid: wa su: anghoid.

1 KHOKHAM 1:48

«Akhid" nyid" nga" akung: mo byu dayug ri nga" khokham zhungtang moo: xo' zhung: nhang: lho: nga" myojid" yo' nyang: shau" myang yoomo Israela Aseing Mangsoo ri coung" nghei boem shang o"» ga: tid da:.

1 KHOKHAM 15:5

Aseing gi he: moo" zoo" ri koid bye:- ciwim gari David gi Hiti byumyu" Uria khyoo: mo lid gootu: Aseing vho: ngei khyoo: ri koid ziyo' nya: amyeing" dang: ri khanham we' atam" gyoo: akoid nghoid da:.

1 KHOKHAM 2:4

Nya: dang: ri nang tam" gyo: nghoid rigi nga" amyed ashen yi nya: da" amyeing" dang: ri loem jeing" wigi nyangnu" da" oung: khoug: nheigloem: dangain"- Venyi dangain" ziyo' loem jeing" nyid nyid gi Israela mungdain: ri shoug" vhoebkhang" nyid wa zi nghoid ga: nyang: ngoo ri tid too" bye: da" dang: theing gi Aseing pyeing byid: wa zi nghoid.

1 KHOKHAM 3:14

Re" phoo David koid yhang: ti"- nga" dang: ri tam" gyo:- nga" tarha" yo' amyeing" dang: ri cang pyeing nghoid rigi re" kangso' sheing: nhang: wa zi nghoid» ga: tid.

1 KHOKHAM 9:4

Nang gi re" phoo David koid yhang: ti" ngoo ri deungmain" ziyo' nheigloem: ge khyo" dei byid: wigi nga" tarha" joem yo' ngoo nang ri amyeing" byid: da" gu: dangain" ri koid pyeing nghoid rigi

2 KHOKHAM 20:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

2 KHOKHAM MHOOMYID: 1:8

Sholumon gi «Nang gi nga" phoo David ri gyi sheing: da" jheddab myid khanham we' ci: shoug da:. Akhid nang gi khokham khyo" nya: khoo: moo ngoo ri xo' koid nhang: abye:.

COUNG" NGHEI 116:7

Nga" da" emyed we' Aseing gi nga" da" atho' moo ge da" jeju" ri toin" shed byid: bye: yoomo loem khed" nheugshid: nyid we'.

COUNG" NGHEI 119:17

Ngoo gi kangso, dei nyid lho: re" da" jhoug" myeing" jhoug" thui: joem ri tam" gyo: cang yhi: wa zi nghoid yoomo re" da" dei zoo: nga" atho' moo: ge lhoo nhang: nyid we'.

COUNG" NGHEI 13:6

O" Aseing we" nang gi nga" tho moo: gi koid nyid yoomo Ngoo gi nang ri coung" nghei lakhyang yhang: nyid wa.

COUNG" NGHEI 15:2

Ce ja: moo" zoo" we' Mangso dang: ri tam" gyo: lho: wigi deungmain" khyo" khanham we' koid su- ung: gyeung: lho: deingmain" da" dang: ri tid su.

GYUNG: SOO" 12:7

Nga" dei zoo: Moshe yo' ngoo dang: tid zigi gootu: yo' adu goo". Ngoo gi nyang: ri nga" byumyu" Israela dangain" bang: ri vhu" shi: wa vhujhung: koid nhang: to" zi nghoid.

2~KORINTHU 9:11

Nanu" da" lo, mo nyangnu" shau: kham yu da- nanu" byid: kaid da" alu jhung: shug joem yoomo Byu myoo" sho' bang: gi Mangso da" jeju" ri coung" nghei byid: boem wa nghoid. Nanu" ayo, loem: khang" moo" - Alu jhung: shug agoin ayu: yo" byid: sho' Aseing: gi nanu' ri khanham we' yo" loo jo, loo nhang: wa zi nghoid.

2~KORINTHU 9:5

Hougsu" nghoid yoomo nanu" jheddab da" alu jhung shug dang: lang" bo jo, bye: ziyo' dakhyoo" ti" hau: ziri nyheung soin' jen" too" wa shid re" he: mang: nhung" yi ri nga" shid vho" khyoo: nhang: kaid wa ca" nyid ein: ngoo myid nyid. Ngoo ju" re" uri alu joem ri bain soin' nyheing too" gu: nghoid wa shid re" nanu" byid: ca" da alu gi agoin: za: te: koid pyam' zi anghoid loo: za: - byid: nau da" emyid, yo: byid: da: aved, thu' nyid ge'.