1 KHOKHAM 3:1 - Lacid Common Language Bible

¹ Sholumon gi Egutu khokham phoo da" nya: zoo: ri lo, xo' yu wigi bidnoem koid too" bye:. Khokham gi nyang: ri David da" voogung moo: nya: khokham vang" ri we' Noku Yhoem: Moo" ri we' Yerusalem ri kyam lheung to" da" vang khyam: ri we' bain kyam' da" ayo, ju" sho' nyang: ri nyid nhang: da:.

1 KHOKHAM 3:1 교차 참조

1 KHOKHAM 9:24

Sholumon gi nya: yhoem: seing: myhi' nghoid da" Egutu khokham myiyi: zoo: ri David voomoo" mo zi nya: shid re" koid too" byid: bye: da" khokham kho" khyoo: thoid lo" thang: ri voomoo" bidthu shoid moo myidzhoo" du: boem" bye:.

1 KHOKHAM 11:1

Sholumon gi tungbau myiyi: myoo" sho' ri jheddab nyid bye:. Egutu khokham da" nya: myiyi zoo: moo lid gootu: Hiti myiyi: yi yo' Moba- Amon- Edom- Sidon mung" mo myiyi: yiri nyang: lo, xo' yu bye:.

2 KHOKHAM MHOOMYID: 8:11

Sholumon gi nya: yhoem: seing: myhi'- Egutu khokham myiyi: zoo: ri David da" voomoo" mo zi nyang: shid re" koid byid: da" yhoem: khyoo: phung" yu da:. Sholumon gi «Nyang: gi Israela khokham David da" khokham kho" moo age nyid Ciwim gari Dang: Theing Kuid: jo, da" joyoo khamoo: nghoid loug we' hau: zigi gyeung" shang: da" joyoo nghoid yoomo nghoid da» ga: tid da:.

1 KHOKHAM 6:1

Israela byumyu" yi Egutu mung" mo thu lo thang: ri myid: sho: shid xi: zain zain- Israela mung" moo Sholumon Kho" zhung: zi myid: zain lhammoo" eig khyab ein: da" Ziva khyab moo Sholumon gi Noku Yhoem: Moo" koid shid" loo" bye:.

2 SAMUELA 5:7

(Nghoid loug we' David gi nyangnu" da" Ziun gyidab ri zain: oung: pyam wigi hau: ziri David da" voomoo" ga: myheing too" bye:.

EZRA 5:11

Nyangnu" doem phoug tid zigi ngoonu" gi mougkhung: yo' myidjang mo Mangso da" dei zoo: yi nghoid nyid ziyo' ngoonu" gi Israela khokham dayug da" yoem: so' khyo" wigi shid phyang" mo koid to" da" Noku Yhoem: Moo" ri doem koid zi danghoid.

2 KHOKHAM MHOOMYID: 18:1

Yuda khokham Yehoshaphad jonu" yo" wigi myeing gyi: re" wigi nyang: gi nya: yhoemkhung: byu yi yo' Israela khokham Ahab da" yhoemkhung: byu yi agyoo: moo myiyu yoobyen khyoo: ri koid da:.

1 KHOKHAM MHOOMYID: 11:7

David gi hau: gyidab voomoo" moo: yhe: nyid nyid yoomo hau ziri «David Voomoo"» ga: myheing ago".

EZRA 9:14

Hau: thang: ri khasu" wigi ngoonu" gi re" Dang: theing khoin" ri atam" gyoo: lho:. Hau: akhyeing" byumyu" yi yo' myiyu yoobyen yo" koid wa la". Ngoonu" hougsu" koid nghoid rigi dayug ri we' kangso' adei nhang: loo: za: ngoonu" dangain" bang: ri doem: loo" sho' nang koid wa anghoid la".

1 KHOKHAM 2:10

David shid: bye: yoomo David da" voogung moo: myhoeb too" bye:.

1 KHOKHAM 7:1

Sholumon gi nya: shid re" khokham kho" daloem: ri we' koid da:. Hau: ziri daxe: soem" zain myang" sho' koid da:.

1 KHOKHAM 7:8

Sholumon nyang: nyid wa yhoem: ri we' gootu: yhoem: joem yhang: ti" tarha" dang: phyed beingdo, nungthang moo: yhoem: gootu: daloem: koid bye:. Nyang: gi nya: myi: nghoid da" Egutu khokham nya: myiyi: zoo: nyid wa shid re" we' du go" da" yhoem: daloem: ri koid bye:.

1 KHOKHAM 9:10

Sholumon gi Noku Yhoem: Moo" yo' nya: khokham kho" ri eig xi: zain akhyeing: ayo, yu lho: koid too" bye:.

TARHA" TID POIN" 23:8

Byu soem" xeig mo thu: gu: moo nyangnu" amyed ashen yiri Aseing da" byumyu" phung: moo bo yo" vang da:.

1 KHOKHAM 9:1

Khokham Sholumon gi Noku Yhoem: Moo" we' khokham kho" we' nyang: koid nau da" yhoem: joem dangain" ri we' bain koid thang: ri