1 KHOKHAM 21:3 - Lacid Common Language Bible

³ Nabod gi «He: zabyid khyam: gi nga" phoug" phyid" byid: too" kho' da" mid danghoid. Ngoo he: ziri nang ri byid: wa akhang" Aseing toem' nyid da» ga: tid.

1 KHOKHAM 21:3 교차 참조

APOEM AYANG: 44:17

Yoseb gi «Hougsu" anghoid. Ngoo hougsu" khanham we' koid wa anghoid. Nga" goem yu too" su: ri za: nga" join dakoid nhang: wa. Deing gu dangain" gi nanu" nya: phoo jhang myen myenjham" jham" datau" loo" ge» ga: doem tid.

APOEM AYANG: 44:7

Nyangnu" gi nyang: ri «Nang hid su" re" tid zigi aseing: nang- ngoonu" ri cisu" jho: lha". Ngoonu" gi houg: te" moo" azei:- jham' yo" tang:.

1 KHOKHAM MHOOMYID: 11:19

«Ngoo khasu" nyang: ayo" shug- he: zigi kangso' ri shug byid: pyam wigi koid to" da" byu yi da" suid" ri shug yhang: ti" nghoid nyid» ga: tid. Hougsu" yoomo nyang: hau: ziri ashug nghoid da:. He: joem gi myeing gyi: da" gyizoo: soem" yug agyug avoem koid da" moo" nghoid.

YOBA 27:5

Nanu" ri jo ein: khanham we' ngoo atid wa. Ngoo gi ngoo shid: lo" nyid da" bidnyid ju" sho' ngoo yooboo ayo" khyoo: ri xo' tid nyid shi" wa.

EZEKIEL 46:18

Vhoeb khang" nyid da" khokham nu" gi byumyu" yi da" jonu" ri nyangnu" lo, mo age yu pyam byid: wa. Nya: zoo: yiri nyang: kho' gam byid: da" kha: mougmyid nghoid loug we' nyang: ri byid: to" da" mougmyid mo nghoid ca" da:. Houg: lang" nyang: gi nga" byumyu" yi da" mougmyid ri lhoid yu pyam da" khyo" nyangnu" ri adoin: zeug zoo: loo wa.

XOIN" NGEI" 25:23

Nanu" da" mougmyid ri apyaid atoo: byid: pyam khyo" age oung" zoo: wa. Ciwim gari hau: ziri nanu" seing: nyid zi anghoid. Hau: ziri Mangsoo daseing:- nanu" gi hau: ziri seing: ci: wa da" akhang" yo" da" tungbau byu yi yhang: ti" danghoid.

GYUNG: SOO" 36:7

Israela byumyu" yugkhang" moo" da" jonu" gi nyang: nya: akung: moo: jo, ca" da:.

GYUNG: SOO" 36:9

Houg: lho: jonu" ri dakung: mo zi dakung: khyoo: athoid byid: wa zi nghoid. Byumyu" kung: khang" moo" gi nyangnu" nya: jonu" ri xo' wigi seing: loo" goo" wa zi nghoid» ga: tid.

Roma 3:31

Hougsu" nghoid ri ngoo nu" gi loem" jeung" khyoo: khyo" tarha" ri she: lhei" pyam boem wa la". Ashe: lhei" tarha" ri je geing: teing nhang: wa khyoo: nghoid.

Roma 3:4

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.

Roma 3:6

Mangsoo: ri atarha" ein: cekhyo" we' ayo" tid. Gyeing" nyang: Mangsoo: atarha" nghoid rigi he: mougmyid ri khakhyo" tarha" dang: phyed wa la".

Roma 6:15

Hougsu" nghoid yoomo ngoonu" gi Moshe da tarha" vhoo moo anyid loo yoomo ngoonu" gi ciwim yooboo koid' shi" wa go" la". Hougsu" koid' wa shid' re" dangkang: ajo, loo.

Roma 6:2

Hougsu" anghoid o"- yooboo yoomo ngoonu" bain shid: bye: mo ngoonu" gi khasu" wigi yooboo khoug: moo daloung" jo, shi" wa la".

Roma 7:13

Hougsu" nghoid ri gye ge da" zi gi ngoonu" ri ciwim shid: nhang: la". Ashid: nhang: nghoid da: - ngoori shid: loo" nhang: zi gi yooboo nghoid da. Yooboo gi shid: lo" khyoo: ri kang kaid' lho: - agung yab shug loo nhang: wa shid' re" ge da" tarha" ri ci: lho: ngoori shid: nhang: da" khyoo: za nghoid. Hougsu" nghoid yoomo yoobo gi khayhi' gyoug ge da" khyoo: ri Moshe tarha" wigi toin" shid' nyid.

Roma 7:7

Hougsu" nghoid rigi ngoonu" khasu" ein: tid boem wa lha". Moshe da" tarha" gi yoobo da" tarha" ein: wa la". Hougsu" age tid. Nghoidloug we' yooboo ga: zi ri Moshe tarha" wigi ngoori si nhang:. Gyeing" nyang: Moshe da" tarha" gi myo no, vhoo: age boo ga: atid' to" nghoid rigi myo no, vhoo: bo ga: zi ci: nghoid zi ngoo si wa zi anghoid.

1Korinthians 6:15

Nanu" da" gung doem: joem gi-Khristu da" gung doem mo akung: ako'' joem nghoid ziri- nanu" si' go" la" Hougsu" nghoid ri Khristu da" ako' dakung: ri khyu, yu lho: shava myhi' da" akung: ako'' moo: xo' loo" nhang: wa la" Hougsu" we' age bui" wa.

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

YOSHU 22:29

Ngoonu" gi hau: adang moo: xoin" nghe' ngei" wa shivoo xoin" shugbyid: wa xoin" to' byid: wa shid re" phoin: ri koid khyo" gyeing" nyang: Aseing ri thougtheung gyi koid zi akhid" nya: thang: cang jang" mo theing: pyam zi anghoid. Ngoonu" gi nya: shidkhoin" Zoem" shid vhu" moo: jo, da" ngoonu" Aseing Mangso da" phoin: mo lid wigi phoin: gootu: daloem: ri we' akoid noug" ga:» phoug tid.

YOSHU 24:16

Houg: lang" byumyu" yigi «Gootu: yu phara" ri dei byid: wa shid re" ngoonu" khanham we' Aseing ri ashe: pyam too".

1 SAMUELA 12:23

Ngoo koem gi nanu" da" shid mo akyu" amho' byid: nyid loo: nghoid yoomo Aseing ri ngoo shoid bye: khyoo: ri Aseing gi khyam" sa: byid: nyid baja". Hau: gungthid nanu" cang yhi: wa shid re" kha: zigi ge ziyo' deingmain" khyoo: nghoid ga: ziri ngoo nanu" ri jhau" byid: wa zi nghoid.

1 SAMUELA 24:6

Nyang: gi nya: byu yiri «Hau: Aseing khyen: too" bye: da" khokham- nga" Aseing ri noo nhang: da" cite" moo" zoo" mo nghoid nghoid hau: Aseing ngoo ri toem pyam byid: baja" o". Nyang: gi Aseing khyen: to" da" khokham nghoid nyid yoomo ngoo nyang: ri dajhi' we' yo" noo: nhang: wa zi anghoid» ga: tid bye:.