1 KHOKHAM 2:10 - Lacid Common Language Bible

¹⁰ David shid: bye: yoomo David da" voogung moo: myhoeb too" bye:.

1 KHOKHAM 2:10 교차 참조

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

ACTS 13:36

David gi nyang: dei nyid da" bidnyid gu: moo Mangsoo myed soin' to" moozoo" joem ri zei: so' lho: shid: loo" bye. Nyang: gi nya: phoug" phyid" yi loeb, nam, moo myhoeb, shug: pyam' zi shau" lho: nya: manggung gi loeb, khoug: moo boeb, yoem: lo" byug bye.

1 KHOKHAM MHOOMYID: 29:28

Nyang: gi apyaid gyi:- yoo" zoo: yoo" shug wigi phau" myang: shau" kham thang: ri shid: lo" da:. Hau: thang: nya: zoo: Sholumon gi nya: khoo: moo: khokham xo' koid da:.

1 KHOKHAM 11:43

Nyang: shid: bye: ziyo' David voomoo" moo: myhoeb too" bye:. Nya: zoo: Rehoboam khokham doem koid bye:.

1 KHOKHAM 1:21

Hau: khyoo: ri nang atid loo: shid: loo" khari" nghoid rigi nga" zoo: Sholumon yo' ngoo rigi gyivoo yiri koid yhang: ti" koid pyam zi shoug" wa zi nghoid» ga: tid.

1 KHOKHAM 3:1

Sholumon gi Egutu khokham phoo da" nya: zoo: ri lo, xo' yu wigi bidnoem koid too" bye:. Khokham gi nyang: ri David da" voogung moo: nya: khokham vang" ri we' Noku Yhoem: Moo" ri we' Yerusalem ri kyam lheung to" da" vang khyam: ri we' bain kyam' da" ayo, ju" sho' nyang: ri nyid nhang: da:.

2 SAMUELA 5:7

(Nghoid loug we' David gi nyangnu" da" Ziun gyidab ri zain: oung: pyam wigi hau: ziri David da" voomoo" ga: myheing too" bye:.

1 KHOKHAM MHOOMYID: 11:7

David gi hau: gyidab voomoo" moo: yhe: nyid nyid yoomo hau ziri «David Voomoo"» ga: myheing ago".

1 KHOKHAM 11:21

David shid: bye: khyoo: yo' gyizoug: Yoab shid: shoug" bye: khyoo: ri Egutu mo Hadada jang" khyoo: lu dang: ju" lang" Hadada gi khokham ri «Ngoo ri nga" moug: khyoo: doem tau" loo" nhang: we' o"» ga: tid.

2 KHOKHAM MHOOMYID: 9:31

Nyang: shid lo" byug wigi David da" voomoo" moo myhoeb pyam ago". Houg: lho: nya: yuggi zoo: Rehoboam gi nya: khoo: moo khokham xo' koid da:.

2 SAMUELA 5:9

Hau: gyidab ri bain phyo' oung: pyam thang: ri David hougmoo: nyid wigi hau: ziri «David voomoo"» ga: myheing ago". Nyang: gi hau: voomoo" lheing khab' yo' bouggung da" bidthu shoid damung" goin" moo voomoo" de: shid" lo" nyid bye: zi nghoid.

2 SAMUELA 7:12

Nang shid: byug lang" re" phoug" phyid" yo' dage" myhoeb wigi re" yuggi zoo: dayug yug ri khokham koid nhang: lho: nya: mungdain: ri ngoo geing: teing nhang: wa zi nghoid.

1 KHOKHAM 8:1

Hau: thang: khokham Sholumon gi David voomoo" Ziun mo Aseing da" Dang: Theing Kuid: ri Noku Yhoem: Moo" khyoo: dang vang loo" wa shid re" Israela byumyu" yi yo' akung: ako'' vhujhung: yi dangain" ri Yerusalem moo nya: jang" khyoo: ri" wa shid re" amyeing" byid: kaid da:.

1 KHOKHAM 14:31

Rehoboam shid: bye: ziyo' David voomoo" mo khokham loeb yoo moo: myhoeb too" bye:. Hau: thang: nya: yuggi zoo: Abiya khokham doem koid bye:.

1 KHOKHAM 15:8

Abiya shid: bye: ziyo' David voomoo" moo: myhoeb too" bye:. Nya: zoo: Asa gi khokham doem koid nyid bye:.

1 KHOKHAM 15:24

Asa shid: bye: ziyo' David voomoo" mo khokham loeb boug moo: myhoeb too" bye:. Nya: yuggi zoo: Yehoshaphad gi nya: joyoo moo: khokham doem koid nyid bye:.

1 KHOKHAM 22:51

Yuda khokham Yehoshaphad vhoebkhang" zi daxe: nyhed zain byeung" uri Ahab nya: yuggi zoo: Ahazia gi Israela khokham bue" lo wigi nyang: gi Samari moo eig zain vhoebkhang" bye:.

2 KHOKHAM 8:24

Yehoram shid: lo" wigi David da" voomoo" khokham loeb moo myhoeb pyam ago". Houg: lho: nya: yuggi zoo: Ahazia gi nya: khoo: moo: khokham xo' koid da:.

2 KHOKHAM 9:28

Nya: gyizoug: yigi nya: manggung ri gyi myang: rheing" dang moo koid: ke" lho: Yerusalem khyoo: tho' lo" wigi David voomoo" mo khokham loeb boug moo nyang: ri myhoeb pyam ago".

2 KHOKHAM 14:20

Nya: manggung rigi myang: too: mo Yerusalem khyoo: doem tau" tho' lo lho: David voomoo" mo khokham loeb boug moo myhoeb shoung: pyam ago".

2 KHOKHAM 15:38

Yotham shid: wigi David voomoo" khokham loeb boug moo: myhoeb shoung: pyam ago". Houg: lho: nya: yuggi zoo: Ahaza gi nya: khoo: moo: khokham xo' koid da:.

2 KHOKHAM 16:20

Ahaza shid: wigi David voomoo" khokham loeb boug moo: myhoeb shoung: pyam ago". Houg: lho: nya: yuggi zoo: Hezekia gi nya: khoo: moo: khokham xo' koid da:.

2 KHOKHAM MHOOMYID: 24:16

Nyangnu" gi Israela byumyu" yi shid re" we' Mangso shid re" we' Noku Yhoem: Moo" shid re" we' nyang: koid lid lo da" moo" zoo" ri laxoem" koid byid: da" khyo" David voomoo" mo khokham loeb moo nyang: ri myhoeb to" da:.