1 KHOKHAM 10:9 - Lacid Common Language Bible

⁹ Re" Aseing Mangsoo ri coung" shang o". Nyang: gi nang ri Israela khokham koid nhang: ziyo' nyang: nang yo' dage" nyid zi khayhi' yu" nheugdeug nyid ziri nyang: ci: shug bye:. Ciwim gari nyang: gi Israela byumyu" yiri apyaid atoo: jheddab nyid yoomo tarha" yo' tarha" deing byeung" khyoo: ri yo" zoem: wa shid re" nyang: nang ri nyangnu" da" khokham koid nhang: bye: zi nghoid» ga: tid.

1 KHOKHAM 10:9 교차 참조

2 SAMUELA 23:3

Israela Mangsoo dang: tid bye:. Israela ri lhoug zung" su: gi ngoo ri «Deingmain" ziyo' vhoeb khang" wigi Mangsoo ri gyoug phoug" wigi tarha" nyeung veung" khyo" vhoeb khang" da" khokham gi

2 SAMUELA 5:12

Hougsu" nghoid yoomo Aseing gi nyang: ri Israela khokham aya: byid: ziri we' nya: byumyu" yi shid re" we' nya: mung" ri yoo" zoo: yoo" shug nhang: nyid ziri we' David boin: lo nyid da:.

2 SAMUELA 8:15

David gi Israela mung" dangain" jang" moo vhoebkhang" nyid wigi nya: byumyu" yiri deingmain" tarha" ziyo' khanham we' dang: phyed byid: nyid da:.

1 KHOKHAM 3:28

Sholumon tarha" dang: phyed khyoo: ri Israela byumyu" yi shoug" gyoo: lang" nyangnu" nyang: ri je" phau" myang: lo boem bye:. Ciwim ga: ri Mangsoo nyang: ri byid: da" phajhi" yo' moo" ri jang jang tarha" jang deing byid: nyid ziri nyangnu" si' yoomo nghoid.

1 KHOKHAM 5:7

Hiram gi Sholumon da" pyeing: dang: ri shoug" yu lang" atho' tid loo sho' nheugshid: nheugdeug ziyo' nyang: «Gyi: sheing: mungdain: da" khokham khyo" wigi David khokham zhungtang ri thid wa shid re" phajhi" bo da" yuggi zoo: David ri byid: da" Aseing ri akhid" nyid" coung" nghei o"» ga: tid.

1 KHOKHAM MHOOMYID: 17:22

Nang gi Israela byumyu" yiri apyaid atoo: moo: nanya: byumyu" yi khyo" koid yu wigi nang Aseing gi nyangnu" Mangsoo bue" loo bye:.

2 KHOKHAM MHOOMYID: 2:11

Khokham Hiram gi Sholumon jhang khyoo: mougsoug" dakhyab lhid" wigi foin: kaid da:. Nyang: lhid" ziri «Aseing gi nya: byumyu" yiri jheddab yoomo nang ri nyangnu" da" khokham koid nhang: abye:.

COUNG" NGHEI 18:19

Nyang: gi ngoo ri gyoug dain khoug: mo pyoin yu bye:. Nyang: gi ngoo ri jheddab vho: ngei nyid yoomo khyoid yu bye:.

COUNG" NGHEI 22:8

Nyangnu" gi «Nang Aseing ri loem khau:» ga: lho: nyang: gi nang ri «Ciwim akhyoid yu lha". Aseing gi nang ri jheddab vho ngei nghoid rigi ciwim wigi nang ri apang" yu lha"» ga: tid nyid boem.

COUNG" NGHEI 72:2

Hougsu" nyang: gi re" da" byu yiri nyeung veung" khyoo: re" yo" vhoebkhang" wa ziyo' doin: zeig zo: zi shoug" nyid mo, ri deing byeung" khyo" yo' vhoebkhang" wa zi nghoid.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 62:4

Nang ri «She: pyam' pyam' bye:» ga: tid loo goo" wa. Re" mougmyid ri «She: pyam' too" shau" da" yhoem: seing: myhi'» ga: tid loo goo" wa. Re" myeing seig gi «Mangsoo nyang: ri vho: ngei abye:» ga: zi nghoid loo wa. Re" mougmyid gi «Ngei pyoo: tung" lo, xo' to" da» ga: myheing wa. Ciwim ga: ri Aseing gi nang ri vho: ngei wigi Nyang: gi re" mougmyid da" yhoem: seing: phoo yhang: ti" nghoid loo wa.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

YEREMIA 31:3

Ve: da" joyoo mo ngoo nyangnu" ri yhe: nyid shug bye:. Israela byumyu" yi we"- Ngoo nanu" ri khanham we' jheddab nyid. Houg: lho: xo' lho: nga" abyo, abei: da" jheddab myid nanu" ri ci: shug byid: wa.

MALAKHI 1:2

Aseing gi Israela ri hid: su" ga: tid- «Ngoo gi nanu" ri khanham we' jheddab nyid.» Hougsu" nghoid loug we' nanu" tid nyid zigi «Nang gi ngoonu" da" atho' moo re" jheddab myid khasu" toin" shed loo bye: lha"» ga: tid ago". Eso yo' Yaku gi nyang: tang: nyang: nghoid- hougsu" nghoid loug we' ngoo gi Yaku yo' nya: amyed ashen yiri jheddab nyid.

TARHA" TID POIN" 7:8

Nghoid loug we' Aseing gi nanu" ri jheddab wigi nanu" phoug" phyid" yiri byid: to" da" dangsoo" ri jhug zug yoomo nghoid da:. Houg: yoomo nyang: gi nanu" ri nya: yoem: so' moo" wigi khyoid yu lho: Egutu khokham ri join koid byid: nyid jang" mo loid byoin nhang: bye:.