1 KHOKHAM 1:5 - Lacid Common Language Bible

^5-6 Akhid" Absalom shid: thang: ri David yo' Hagid tang: da" zoo: Adoniya gi dei nyid shi" bang: mo gyi: thang su: nghoid. Nyang: gi gye young" su: nghoid da:. Nyang: gi khokham bue" loo wa ga: myid to" ziyo' cikoid nghoid loug we' David anheig yoo: nghoid da:. Nyang: gi nya: shid re" gyi myang: rheing" joem myang: joem shid moo soo" wa shid re" byu wim: xi: yug ri we' soin' to" nyid da:.

1 KHOKHAM 1:5 교차 참조

2 SAMUELA 15:1

Hau: thang: Absalom gi nya: shid re" gyi myang: rheing" da loem: yo' myang: joem ri soin' to" wigi shid moo so" wa shid re" byu wim: xi yug ri we' khyen: too" bye:.

2 SAMUELA 3:4

Hagid da" nya: zoo: Adoniya- Abitala da" nya: zoo: Shephatia-

1 KHOKHAM 1:11

Hau: thang: Nathan gi Sholumon da" nya: yhid Bathsheba jhang khyoo: yhe: wigi Hagid da" nya: zoo: Adoniya gi nya: gung nyang: khokham ga: koid nyid ziri nang ashoug" gyoo: lha". Khokham David gi hau: khyoo: ri asi' nghoid da:.

1 KHOKHAM 1:4

Nyang: gi gye" young" ziyo' khokham ri coung: nyid da:. Nghoid loug we' khokham gi nyang: yo' gung shoo" azoem" khoug: nghoid da:.

1 KHOKHAM 2:13

Hau: thang: Hagid nya: zoo: Adoniya gi Sholumon nya: myhi' Bathsheba jhang yhi: bye:. Bathsheba gi «Bid noem khyo" agoin: re" lam" rhe"» ga: myid:. Nyang: gi «Nghoid» ga: tid wigi

1 KHOKHAM 2:15

Nyang: gi «Ngoo gi khokham bui" eung: nyid ziyo' Israela byumyu" yugkhang" moo" we' hau: ziri nheig byu nyid ziri nang si' bye: zi nghoid. Nghoid loug we' hau: moo" zoo" gi shai" lo" byug bye:. Aseing da" myid vho: khyo" nghoid yoomo nga" nhung" khokham bue" loo bye: zi nghoid.

1 KHOKHAM 2:24

Hau: Aseing gi nga" phoo David da" khokham zhungtang moo ngoo ri geing: geing: teing teing to" too" bye:. Nya: dang: theing ri nya" phoo cang pyeing bye: ziyo' dayhang: ti" ngoo yo' nga" akung: ako' lo, moo mungdain: we' ab byid: bye:. Adoniya gi akhid" nyid" nyang: shid: baja" ein: kangso' Aseing moo: ngoo dang: theing theing too" bye: zi nghoid» ga: tid.

1 KHOKHAM MHOOMYID: 28:5

Nyang: gi ngoo ri yuggi zoo: myoo: sho' byid: wigi houg: bang: dangain" mo nyang: gi Aseing da" mungdain: Israela ri vhoeb wa shid re" Sholumon ri khyen: yu da:.

1 KHOKHAM MHOOMYID: 29:1

Khokham David gi phung: shava dangain" ziri tid fu zigi «Nga" zoo: Sholumon gi Mangso wigi khyen: yu too" su: nghoid. Nghoid loug we' nyang: gi akhid" apyaid ngi shi" ziyo' thung" shau" khyoo: amyoo: shi" nghoid da:. Zei: loo" wa moo" gi gye" azhang myang: da:. Ciwim gari: he: zigi byu yi shid re" khokham kho" anghoid Aseing Mangso da" Noku Yhoem: Moo" nghoid da:.

THU' LO" MOUGSOUG" 9:17

Houg: loug nang nheigloem: thain: nyid shi" wigi nga" byu yiri nhang: kaid wa shid re" ngeug pyam da:.

DANG: ZHOEM 16:18

Nghoid boin: da" khyoo: gi byo, yoin" da" khyoo: khyoo: shu" lo" lho nghoid thui: gyo: da" khyoo: gi byo, yoin" lo" da" khyoo: nghoid.

DANG: ZHOEM 18:12

Nheigloem: akhyoo' su: ri hang" we' aphoug"- nghoid boin: mo, gi byo, yoin" lo" khyoo: moo: nyid ago".

ESAIA 2:7

Nyangnu" mungdain: gi ngei yo' sheing: byeung" jo, lho: nyangnu" jonu" atho' thang nghoid da:. Nyangnu" mungdain: gi myang: joem byeung" nyid lho: nyangnu" myang: rheing" joem athang nghoid ago".

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

LUKA 18:14

Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.

TARHA" AGYI 9:2

«Nanu" ce: ja: vhoo: nau go" lha". Gideon da" yuggi zoo: yi nyhed xi: yug wigi vhoebkhang" ziri vho: rhe". Anghoid lang" dayug wigi kyeing" vhoebkhang" ziri vho: rhe". Abimeleg gi nanu" nya: suid" shoo" nghoid ziri myid boin: ge'» ga: Shekhem voobyu yiri myid yu" wa shid re" tid da:.