1YOHAN 5:3 - Lacid Common Language Bible

³ Khasu" wim gari Mangso amyeing" tarha" ri cang zei: lo" khyoo: gi nyang: ri jheddab ein: da" khyoo: nghoid nyid. Nya: amyeing" tarha" gi ngoonu" shid' re" cang yau: nyid zi anghoid.

1YOHAN 5:3 교차 참조

2 KHOKHAM 18:6

Nyang: gi Aseing ri jhug zug wigi tid dang: agyoo: khanham we' akoid nghoid da:. Aseing wigi Moshe ri byid: to" da" amyeing" dang: joem dangain" ri goo" lhoo' za: cang da:.

COUNG" NGHEI 119:140

Re" da" dang soo" khoin" gi gye" deingmain" ngoo gi hau: ziri khayhi' mo jheddab nyid lha.

COUNG" NGHEI 119:45

Re" da" jhoug" myeing" jhoug" thui: joem ri ngoo tam" gyo: lho: yoem: kaid nyid yoomo joeb, byeung" da" loid byoin akhang" moo ngoo shoug" nyid wa zi nghoid.

THU' LO" MOUGSOUG" 20:6

Nghoid loug we' ngoo ri jheddab- nga" tarha" ri cang mo, da" byuxeig khyeing" khyeing" moin moin ju" sho' nga" jheddab khyoo: ri ci: shug wa zi nghoid.

DANG: ZHOEM 3:17

Phajhi" juyhi: gi re" da" kangso' dei khyoo: moo ngei pyoo: nhang: nyid ziyo' hau: khyoo: moo: nang ri goem loem byid: lho: shu" yhe: lo" nyid.

DANIELA 9:4

Ngoo gi Aseing nga" Mangsoo ri akyu" mho' lho: nga" byumyu" yi da" yooboo joem ri yhen: yu bye:. Ngoo mho' zigi «Aseing Mangsoo we"- nang gi gyi: sheung: wigi nang ri ngoonu" ngi: shab byid: da:. Nang gi dang: theing adang moo jhug zug zi we' nang wigi jheddab da" bang: ri jheddab myid ci: shug byid: lho: nang amyeing" khyo' to" ziri koid da:.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

MATHE 23:4

Nyangnu" nyang: gi gye" led: lho: voin yau: da" yoovoin ri subi" ri soin' foin: boem. Nyangnu" nyang: gi hau: yoovoin ri bo voin wa shid re" lo, da nyhoug" yo, we' anau tu: yu" boem.

YOHAN 14:15

Nanu" ngoori jheddab nghoid rigi Nga" tarha" ri phau" cang goo" wa nghoid.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

Roma 7:12

Houg: yoomo Moshe da" tarha" gi gyeungshang: lho: hau: dangkang: gi gye ge gyeungshang: deingbyeing.

Roma 7:22

Mangso: da" tarha" ri nga" nheigloem: gi gau yi ngei pyoo: za lhoem: yu bye.

TARHA" TID POIN" 5:10

Nghoid loug we' ngoo ri jheddab wigi nga" tarha" joem ri tam" gyo: cang yhi: bang: adang moo byuxeig khyeing" moin ju" sho' jheddab myid ri ngoo ci: shug wa.

TARHA" TID POIN" 7:9

Nanu" Aseing Mangsoo gi Mangsoo nghoid ziyo' nyang: gi dang: zung" nyid ziri boin: nyid ge'. Nyang: gi nya: dang: theing ri ci: wa nghoid wigi nyang: ri jheddab lho: nya: amyeing" dang: joem ri tam" gyo: mo, ri byuxeig khyeing" moin ju" sho' abei abyo, da" jheddab myid ri ci: shug wa zi nghoid.

HEBRE 8:10

Akhid" he: da" dang: soo" khoin" gi ju" loo wa da" bidnyid yi thang: moo Israela byumyu" yi yo' ngoo too" too" wa da" dang: soo" thang" cab, nghoid nyid. Nyang: nu" da" nheigloem: e" myed khoug: moo nga" da" tarha" kaid' byid: too" wa zi nghoid. Nyang: nu" da" Mangsoo gi ngoo koid wa nghoid wigi nyangnu" gi nga" da" byumyu" yi bue" lo boem wa nghoid.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.

2 Yohan 1:6

Akhid" ngoo tid nyid da" jheddab khyoo: ein: zigi Mangso da" amyeing" tarha" ri tam" gyo: cang yhe: lho: kangso' dei nyid khyoo: ri tid zi nghoid nanu" dangain" bang: xang: shed" ayang: mo nyang: shau" gyo; yu bye amyeing" tarha" gi nanu" dangain" mo, gi jheddab nheigloem: yo' kangso' dei nyid ca' ein: da" khyoo: nghoid.