1YOHAN 3:7 - Lacid Common Language Bible

⁷ Nga" zoo: yi we"- nanu" ri hang" wigi we' khyoo: ayo" shu" vhang: loo" goo" baja"- Khristu gi deing byeung" nyid ziyo' dakhyoo" ti"- deing byeung" da" moo" zei: bang: hang Nghoid loug we' deing byeung" nyid.

1YOHAN 3:7 교차 참조

COUNG" NGHEI 106:3

Nya: da" amyeing" tarha" ri tam" gyo: phau" cang nyid wigi deingmain" da" moo" ri khanham we' zei: nyid mo, gi ngilho' boem wa nghoid.

COUNG" NGHEI 45:7

nang gi deingmain" da" khyoo: ri nang jheddab nyid lho: akhyeing" ashoeb da" moo" ce" ja: ri we' ngheung" nyid. Hougsu" nghoid yoomo Mangsoo re" da" Mangsoo gi nang ri khyen: yu lho: gootu: khokham hang" tho' moo: we' je" gau yi ngei pyo: da" khyoo: nang ri: foid shoin" byid: nyid.

MATHE 5:20

Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

LUKA 1:75

Houg: su" nghoid yoomo ngoonu" dangain mo, gi nya: shid' khoin" moo gyeungshang: deungmain" nyid ca".

ACTS 10:35

Ce: noem byumyu" nghoid sho" loug we' Nyang: ri coung" nghei lho: deingmain" da" khyoo: moo cang loo su: rigi Mangsoo lhoem: kham: yu nyid.

Roma 2:13

Byu gi - lhid" to" tarha" ti" shau" gyo: ziyo' - Mangsoo: shid' moo deingbyeing" mo ayo" bui. Lhid" to" tarha" moo bo zi yo" dakhyoo" ti" cang lo" ri za: Mangso: da shid' khoin" moo deingbyeing" mo dayo" bue" lo.

1Korinthians 6:9

Akhyeing" ashoeb bang: gi Mangso mungdain ayo" vang seing: wa ziri: nanu" nyang: deing" deing se' nyid bye. Khyoo: avhang: goo"- youg: shoo: goo" mo, phara" soolhoo: no mo, sube" myi: lhoid mo, yug gi nyang: cang aved avhu: koid goo" mo

Ephesu 5:6

Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

HEBRE 1:8

Hau: lho: nya: zo: khyoo: doem tid uri gi Mangsoo gi " Phoo, Mangsoo we"- re" da" mungdain apyaid atoo: dajo, jo wa Nang gi re" da" byumyu" yi ri tarha: nyeung vheung" khyo" vhoeb, khang" nyid wa zi nghoid.

HEBRE 7:2

Abraham we' nyang: ci: lo da" zi yoo joem mo xi: boem, mo daboem gi Melkhezedeg ri byid: da. (Melkhizedeg ein: da" myeing dangkang: gi Deing byeung" da" khokham" nghoid wigi Salem Khokham" ga: zigi Ngei bu da" khokham" ein: da" dangkang: nghoid.)

YAKU 1:22

Nya: mungdang: ri houg: yhang: ti" shau" gyo: yu" khyo" nyang: nya: gung ri amhau, nyid goo. Mungdang: ri cang nyang: cang loo" mo, bue" nyid ge'.

YAKU 2:19

Mangsoo gi dayug kyeing" danyid ziri nang aloem" jeing" la". nghoid bye"- yu joem lang" hau: ziri loem" jeung" gyoug nain" nyid boem.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1YOHAN 2:1

Nga" zoo: yi we"- nanu" gi yooboo akoid loo: goo" baja" ein:- he: mougsoug" ri nanu" jhang khyoo: ngoo lhid" kaid' bye. Nghoid loug we' byu dayug yug gi yooboo doem shau" koid nghoid rigi hau: pho, da" shid khoin" moo ngoonu" shid re" mho' tung" pain: byid: su:- Yesu Khristu ein: da" deing byeung" Aseing: gi ngoonu" yoo" shi".

1YOHAN 2:26

Nanu" gi mhau' fain" vo khyo" wigi khyoo: shu" vhang: loo" wa ga: yoem: kaid' nyid mo da" khyoo: ri ngoo shaug" gyoo: yoomo lhid" kaid zi nghoid nyid.

1YOHAN 2:29

Khristu gi deing byeung" su: nghoid ziri nanu" se' nyid boem nghoid rigi houg: su" deing byeung" khyo' zei: so' nyid yab, yen" bang: gi Mangso da" nya: zoo: nghoid nyid ziri si' eung: nyid boem bye.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.