1YOHAN 3:6 - Lacid Common Language Bible

⁶ Houg: su" nghoid yoomo Khristu moo nyid bang: hang" Nghoid loug we' yooboo ri axo, koid loo: nghoid da- yooboo ri daxo, nyhen" koid loo" su: hang" nghoid loug we' Yesu ri amyang asi shi" su: nghoid.

1YOHAN 3:6 교차 참조

2~KORINTHU 3:18

Houg: yoomo ngoonu" dangain" bang: gi myonhoo: nghoeb ziri phang pyam boem bye:. Myonhoo: yo' hau: Aseing: da" myonhoo: phung" yoeb da" alhoo: ri doem tau" pang shug nyid boem bye. Hau: myonhoo: phung" yoeb nyang: Venyi ein: da" Aseing: jang" mo ju" re" wigi Aseing: yo' jeje du go" lo da" myonhoo: phung" yoeb shoid khyoo: ngoonu" ri thed, shai" loo" nhang: nyid.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

1YOHAN 2:3

Nyang: byid: to" da" amyeing" dang: ri ngoonu" tam" gyo: lho: cang lo" boem nghoid rigi ngoonu" gi nyang: ri si' bang: nghoid da" khyoo: ri khyag nyang: yo" se' yu boem wam: bye.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

1YOHAN 3:9

Mangso da" nya: zoo: bui' bye: su: gi yooboo ri axo, koid loo- Khasu" wim gari hau: yug moo gi Mangso da" alhoo: aved, bo nyid bye. Mangso nya: zoo: bui" bye: bang: gi yooboo ri axo, koid loo nghoid da.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.

3 Yohan 1:11

Nga" da" jheddab bidnoem, phoo we"- age khyoo: ri anghoid loo: za: ge da" khyoo" ri khoo" shid' yu lho: cang nyid we' ge da" moo" ri zei: su: gi Mangsoo ri amyang asi shi" su: nghoid nyid. .