1YOHAN 3:12 - Lacid Common Language Bible

¹² Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.

1YOHAN 3:12 교차 참조

HEBRE 11:4

Loem" jeung" da" nheigloem: yo' Abela gi Ka-in tho' moo je" ge da" xoin" ri ngei" byid: bye. Nyang: loem" jeung" khyoo: ri yu" yu" lho: nyang: ri deing byeung" da" byu- ga: wigi Mangsoo lhoem: kham: yu byid: abye:. Khasu" wim gari nyang: to' byid: da" xoin ri Mangsoo nyang: vho: ngei nyid yoomo nghoid- Abela gi shid: byug bye: nghoid loug we' loem" jeung" khyoo: yoomo akhid" nyid ju" sho' nyang: gi dang: da tid nyid ashi.

DANG: ZHOEM 29:27

Deingmain" bang: gi akhyeing" bang: ri ngheung" lho: akhyeing" ashoeb bang: we' deingmain" bang: ri ngheung" nyid.

APOEM AYANG: 4:25

Adam yo' nya: yhoem: seing: myhi' gi gootu: yuggi zoo: doem yo" lho: yhoem: seing: myhi' gi «Mangsoo gi Ka-in wigi said pyam su: Abela da" gung khoo: yuggi zoo: dayug ngoo ri byid: bye:» ga: tid. Houg: yoomo nyang: ri Shed ga: myeing byid: bye:.

YUDA 1:11

Nyang: nu" shid' re" khayhi' gyoug pho" zi nghoid lha". nyangnu" gi Ka-in so" da: khyoo: moo cang lo" boem bye. ngei yoomo Balam shoid vhang: da" yooboo ri bo bain' shoid pyam abye: go- Ko" ra, yhang: ti" thoung" shau" yoomo byo, yoin" loo" nhang: bye.

MATHE 23:35

Houg: yoomo ce: yooboo abo da" Abela da" suid" mo wigi yung" lho' da" Noku yhoem: yo" phoin: gyoo: mo nanu" said pyam shau" da" Barakhi nya: zoo:- Zakhari da" suid" moo ju" sho' young" lhoo mo, dangain" ri suid" shoin: nhang: boem yoomo nanu" gi yooboo dang: phyed zi shau" goo" wa zi nghoid.

DANG: ZHOEM 29:10

Suid" shug wa zi gyid su" shed nyid mo, gi deingmain" bang: ri ngheung" nyid boem- nghoid loug we' deingmain" mo, koem gi houg: yhang: te" bang: da" kangso' ri goin' coung: byid: lo boem wa nghoid.

1PETERU 4:4

Akhid" koem nanu" gi nyang: nu' yo' dage" aco' ajhoid koid zoo: pyoo: shug pyo: nyid a' khyoo: moo abo cang lo' boem loo: yoomo nanu" ri nyangnu" gi gye" mau" lho: gei sang: nyid boem bye.

HEBRE 12:24

Nanu" gi dang: thang" cab, seig ri nyheing byid: da" Yesu jhang khyoo: we' Abela suid" yo' yoo" ge da" zi joem tho' moo je ge da" zi joem ri yo" byid: da" - byeung" shoin: lo" suid" jhang khyoo: we' ju" nyid boem abye: : go.

COUNG" NGHEI 38:20

Ge da" moo" zo" shid re" akhyeing" ashoeb khyo" latoo: phoug nyid mo, gi ngoo jo da" moo" zei: yoomo ngoo ri thougtheung nyid boem.

COUNG" NGHEI 37:12

Akhyeing" ashoeb da" byu yigi byu gi bi" ri age khyo" soin: lho: Nyangnu" gi anoug angei da" myojid" yo' yu" zhoug to" ago".

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

YOHAN 10:32

Yesu gi nyangnu" ri Phoo koid nhang: da" - moo" gi ri nanu" da" shig khoin" moo zei: bye. Hau: moozoo" kha: loem: yoomo nanu" ngoori luggo, yo" du" noug go" la"» ga: myid.

MATHE 27:23

Pilaid gi «nyang: gi ce: yooboo ri shoid lha"» ga: doem myid: nghoid loug we' houg: bang: gi «nyang: ri baid jen" said pyam we"» ga: kang: gyo" loo" sho' sho' yoid nho: nyid ago".

MATHE 13:38

Yoo thung" gi he: da" mougmyid nghoid ge da" myoug: shi" gi Mungdain: da" nya: zoo: yi ri tid nau zi nghoid. Myo, gam gi akhyeing" su: da" nya: zoo: yi ri tid nau zi nghoid.

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

1THESALONI 2:14

Mang nhung" yi we"- nanu" moo bue" lo da" thoung" shau" khyoo: joem gi Yuda mung" mo Mangso phung nghoid da" Khristu da" byu yi moo we' thoung" shau" nyid boem- nanu" gi nyhang" nya: moug: mo byu yi da" lo, moo shen" yhen khyoo: thoung" shau" yhang: ti" ngoonu" we' Yuda byumyu" yi da" lo, moo thoung" shau" nyid boem bye.

2 SAMUELA 13:22

Absalom koem' gi nya: nhung" ri shoid vhang: bye: yoomo Amnon ri gye" yu" ngheung" pyam lho: nyang: ri khanham we' dang: aji loo: da:.

DANG: ZHOEM 27:4

Nheig yo: nyid da" khyoo: gi lam: ziyo' byo, yoin" loo" nhang: da" khyoo: nghoid, Nghoid loug we' no" zo khyoo: yo' age tu, goo.

MATHE 5:37

Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.

YOHAN 8:40

Mangso jang" mo shau" gyo: yu da" deingmain" da" moo ri nanu" ri kho" kyoo" nghoid loug ngoori- said wa shid' re" nanu" yoem kaid nyid ago". Abraham gi houg su" alhoung koid'.

YOHAN 8:41

Nanu" gi nanu" da" nya: phoo nyang: yhangti" koid; nyid boem ga: Yesu tid. nyangnu" doem phoug tid zigi ngoonu" moo Mangsoo ga: da" phoo dayug kyeing" date: nyid lho. Ngoonu" we' nya: zoo: gyeing" yi nyang: nghoid bye: ga: tid.