1YOHAN 2:7 - Lacid Common Language Bible

⁷ Nga" jheddab bang: we"- akhid" hid: ngoo tid kaid' da" amyeing" tarha" gi aseig anghoid loo. xang: shed" mo nanu" yo" yu too" bye: da" amyeing" tarha" xoug" nghoid. hau: da" tarha" xoug" gi nanu" shau" gyo: yu" bye: da" mungdang: nyang: nghoid bye.

1YOHAN 2:7 교차 참조

XOIN" NGEI" 19:18

Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.

XOIN" NGEI" 19:34

Nyangnu" ri nanu" gi Israela byu dayug yhang: ti" nyang: zoem" nyid ge'. Nyangnu" ri nanu" gung nanu" nyang: jheddab yhang: ti" jhed nyid ge'. Egutu mung" moo nanu" tungbau dalheing: bue" yu" bye: ziri myid boin: ge'. Ngoo gi nanu" Aseing Mangsoo nghoid.

MATHE 5:43

«‹Re" byumyu" ri te: jheddab lho: re" gyivoo yi rigi anoug angei koid we'› ga: da" dang: gi nanu" shau" gyoo: goo" wam: bye.

YOHAN 13:34

Nanu" nyang: cang" nyang: jheddab goo" ge" ein: da" tarha" aseig ri nanu" ri ngoo byid: bye. Ngoo nanu" ri jheddab yhangti"- nanu" we' nyang: cang" nyang: jhed' dab, go" nyid ge'.

ACTS 17:19

Houg: yoomo nyangnu" gi Aripagu boug voogoung da" Kongsi: yung" shid' moo Polu ri shu" do, yhe: lho: nang tid kyo" nyid da" he: jhoug" byid: khyoo: aseig yo' sen: lho: ngoonu" si' nau.

TARHA" TID POIN" 6:5

Nanu" Aseing Mangsoo ri nanu" emyed nheigloem: dangain" yo' nanu" ung: khau: soozoo: dangain" yo' nanu" yoem: so' dangain" yo' jheddab nyid ge'.

HEBRE 6:9

Jheddab, bang: we"- ngoonu" hid: su" ein: da tid nyid nghoid loug we' nanu" yo' sen: lho: ngoonu" gi gye" myid loem, nyid nanu" gi hau: khyoid yu khyoo: yo' sen: lho: je" ge, da" khyoid yu khyoo: ri yo" yu ziri ngoonu" se' nyid bye.

1YOHAN 2:24

Nanu" gi xang: shed" mo nyang:- shaug" gyoo: bye: da" mungdang: ri nanu" da" nheig: loem: khoug: moo kaid too" loo: ge'- hau: mungdang: nanu" moo bo jo, nghoid rigi nanu" gi nya: zoo: yo' we' nya: phoo yo' daeung: daloem: za: khanham" we' bue" nyid goo" wam: bye.

1YOHAN 3:11

Xang: shed" mo nanu" shau" gyo: yu" bye: da" dang: soo" khoin" gi nanu" nyang: cang" jheddab goo" ge'. ga: da" mungdang: nyang: nghoid bye.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

1YOHAN 3:21

Houg: yoomo jheddab bang: we"- ngoonu" da" phug soo" lheug da" nheig leom gi ngoonu" ri juang" yi yooboo foin: khyoo: akoid nghoid rigi ngoonu" gi Mangso shid khoin" moo asho' agyug loo: yo" vang lo" boem wa zi nghoid.

1YOHAN 3:23

Nyang: ngoonu" ri byid: to" da" amyeing" tarha" khyoo: gi ngoonu" gi nya: zoo: Yesu Khristu ri loem" jeung" wigi Khristu gi ngoonu" ri byid: to" da" amyeing" tarha" yo' dakhyoo" ti"- nyang: cang" nyang: jheddab goo" ca" khyoo: nghoid.