1YOHAN 2:6 - Lacid Common Language Bible

⁶ Khristu zei: so' kangso' dei lo yhang: ti"- zei: so' kang: so' dei su: za: Mangsoo yo' dadeing: daloem: za: bue" wigi kangso' dei nyid su: nghoid ein: dayo" tid.

1YOHAN 2:6 교차 참조

COUNG" NGHEI 85:13

Deingmain" da" khyoo: gi Aseing da" shid khyoo: yhe: lo" wigi nya: shid re" khyoo: nyheung byid: wa zi nghoid.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

YOHAN 13:15

Houg: yoomo nanu" nghoid loug we' nyang: cang" nyang: khyid: ri cid" byid: goo" lho,- nanu" ri ngoo koid; yhangti"- nanu" nyang: cang" we' houg: su" koid; wa khyo" akhyoo" ri ngoo shid' too" bye.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

1Korinthians 11:1

Hougsu" nghoid yoomo- ngoo gi Khristu da" khoo" shid: ri cang lo yhang: ti" nanu" we' nga" da" khoo" shid: ri cang nyid ge'.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

1PETERU 2:21

Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

1YOHAN 3:24

Mangso amyeing" tarha" ri cang pyeing bang: hang" Nghoid loug we' Mangsoo yo' dadeing: daloem za: nghoid nyid wigi Mangsoo we' hau yug yo' dadeing: daloem za: danyid nyid. Houg: su" yo" bue" da" khyoo: gi Mangsoo nyang: byid: kaid' da" gyeungshang: Venyi yoomo ngoonu" se' nyid.

1YOHAN 3:6

Houg: su" nghoid yoomo Khristu moo nyid bang: hang" Nghoid loug we' yooboo ri axo, koid loo: nghoid da- yooboo ri daxo, nyhen" koid loo" su: hang" nghoid loug we' Yesu ri amyang asi shi" su: nghoid.