1YOHAN 2:1 - Lacid Common Language Bible

¹ Nga" zoo: yi we"- nanu" gi yooboo akoid loo: goo" baja" ein:- he: mougsoug" ri nanu" jhang khyoo: ngoo lhid" kaid' bye. Nghoid loug we' byu dayug yug gi yooboo doem shau" koid nghoid rigi hau: pho, da" shid khoin" moo ngoonu" shid re" mho' tung" pain: byid: su:- Yesu Khristu ein: da" deing byeung" Aseing: gi ngoonu" yoo" shi".

1YOHAN 2:1 교차 참조

COUNG" NGHEI 4:4

Gyoug nain" ziyo' yooboo koid da" khyoo: ri to" pyam loo ge'. Nanu" da" yhoeb cuang tho' moo sam" zoo: jhang" jo, uri hau: khyoo: ri no" no, myid yu" nyid ge'.

EZEKIEL 3:21

Nang gi byugi dayug ri yooboo akoid wa shid re" tid poin" wigi nyang: re" dang: ri tam" gyo: lho: yooboo akoid rigi yo" nyid shi" wa. Houg: lho: re" kangso' ri we' loid byoin nhang: wa» ga: tid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

YOHAN 13:33

Nga" zoo: yi we"- ngoo gi nanu" yo daso' date: nyid loo: wa. Nanu" gi ngoori sho: goo" wa. Nghoid loug ngoo yhe: lo" nyid da" khyoo: moo nanu" ayo" cang loo ga: wigi Yuda zoug: myeing" ci: mo, ri kho" kyo" yu" ziyo' dayhangti"- nanu" ri we' akhid" ngoo kho" kyo.

YOHAN 14:16

Ngoo gi phoo ri mho' lho: nanu" yo" khanham we' dage" nyid nyid wigi nanu" ri pang" thoug byid: wa da" yug- nanu" da" jhang khyoo: nhang: kaid wa.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 21:5

Hau thang: ri nyang:- nyangnu" ri zoo: lu: yi we"- nanu" ci: ayoo" shi" goo" rhe" ga myid:-. houg: bang: gi ‹‹Ci: ayo" boem o"» ga: phoug tid.

YOHAN 5:14

Hau: thang: ri Yesu gi hau: yug ri no ku" yhoem moo" khoug: moo myang yoomo nang gi akhid" yangzain: bye. thang: ri yooboo ashoid loo. Houg: su: anghoid lang" gi nang he: tho' mo je yau: da" noo thoung" shau" shi" wa"- ga: tid.

YOHAN 5:36

Nghoidloug we' Yohan da" sagsi: kham: khyoo: tho' moo je gyi: da" sagsi: ngoo moo daja: jo. Phoo Mangsoo ngoori ab byid: to" wigi akhid" ngoo koid; nyid da" moozoo" joem gi ngoori phoo Mangsoo nhang: kaid da" khyoo: ri sagsi: kham: nyid zi nghoid.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 8:11

Houg: lang" hau: da" myiyi: gi Aseing: we" dayug we' azheung: nyid khari" loo:- ga: phougtu. ‹‹Yesu gi Ngoo we' nang ri yooboo dam abyid: loo" we' yooboo adoem koid loo: lhe" ga: tid kaid.»

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

Roma 5:10

ngoonu" gi Mangso: gyivoo nghoid nyid loug we' nya: zoo: ri shid: kham: nhang: khyo" ngoonu" ri bidnoem bui" nhang: bye. Akhid" ngoonu" gi Mangso: da" bidnoem bui" loo bye: yoomo dei nyid da" Khristu khyo" wigi khyoid' yu khyoo: shau" yu wa zi deing bye.

Roma 6:15

Hougsu" nghoid yoomo ngoonu" gi Moshe da tarha" vhoo moo anyid loo yoomo ngoonu" gi ciwim yooboo koid' shi" wa go" la". Hougsu" koid' wa shid' re" dangkang: ajo, loo.

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 4:19

Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid.

Ephesu 2:18

Tungbau byumyu" yi yo' Yuda byumyu" yi zheung: nghoid da" ngoonu" dangain" bang: gi Khristu da" gung moo hau: venyi daloem: za: yo' Pho, da" shid khoin" khyoo: yo" vang lo" beom bye.

Ephesu 4:26

Nanu" nheig yo: ri hau: yoo: nau da" nheigloem: yo' yooboo akoid nhang: goo"- bidvang sho' we' nheig ayo: nyid goo".

1 TIMOTHI 2:5

Khasu" wim ga: ri Mangsoo gi dayug za: danghoid ziyo' byu yi ri tid nyheing tid feing" byid: su:- xang: su: byu re" bue" da" Khristu Yesu ein: zi we' dayug kyeing" danghoid.

1 TIMOTHI 3:14

Ngoo gi he: da" mougsoug" lhid" nyid da" ayo, moo kha: myhang amyang" ri re" jang" moo ju" ri" wa ein: wigi myid' byu nyid.

HEBRE 9:24

Khasu" wim gari Khristu gi gyeing" nyang: gyeungshang: joyoo gyeung" da" ladu nghoid - byu yi da" lo, wigi koid to" da" gyeungshang: joyoo moo avang loo" loo: za: moug: khung: khyoo: nyang: vang lo" wigi akhid" yha" da" gung thid' Mangso shid' khoin" moo thu' myhang loo" bye.

YAKU 1:27

Phoo Mangso: da" shid khoin" moo gyeungshang: ziyo' gyeung" da" laloem, lakhoug: ein: zigi jam jau jam, khi" shau" nyid da" coug" zoo: yi yo' cougmoo" myhi, ri yu" coung: da" khyoo:- nyang: nya: da" gung du: ri we' moug: myed, da" anyhoin: athoung" da" khyoo:- abo dab, nhang: da" khyoo: nhgoid nyid.

YAKU 3:9

Ngoonu" gi phoo Mangso: myeung ri coung" ngei nyid da" jang" moo yhoo: ri ci: boem, Mangso: da" aved alhoo: yo' dakhyoo" ti"- phain" so: to" da" byu xang: su: yi ri nheing" jang" moo we' hau: yhoo: ri ci nyid.

1PETERU 2:22

Nyang: gi ce: yooboo we' akoid yu"- nya: nhoid mo mhau' da" dang: dakhoin" we' atid' yu".

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

1YOHAN 3:18

Nga" zoo: yi we"- ngoonu" jheddab da" khyoo gi nhoid' yhoo: khoin" thui: yo' za: anghoid- moozoo" yo' yo" toin" shid da" jheddab nheigloem: nghoid ca.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.

1YOHAN 3:7

Nga" zoo: yi we"- nanu" ri hang" wigi we' khyoo: ayo" shu" vhang: loo" goo" baja"- Khristu gi deing byeung" nyid ziyo' dakhyoo" ti"- deing byeung" da" moo" zei: bang: hang Nghoid loug we' deing byeung" nyid.

1YOHAN 5:17

Adeung amain" da" moozoo" dangain" gi youg: noo yooboo nghoid nyid, nghoid loug we' shid: amoin: da" yooboo we' jo.

1YOHAN 5:21

Nga" zoo yi we"- mhau' da" phara" joem ri jang" pyam nyid ge'.

3 Yohan 1:4

Nga" zooyi- hau: deingmain" da" khyoo: moo cang so" lo" nyid ga: da" lu dang: shau" gyo: da" tho' moo gootu: je gau yi jang: gi ajo, loo.