1YOHAN 1:9 - Lacid Common Language Bible

⁹ Nghoid loug we' ngoonu" da" yooboo joem ri Mangso shid moo toin" shid' yhen: yu mho' tung" pain: boem nghoid rigi nyang: gi nya: da" dangsoo" khoin" ri ci: lho: wigi deingmain" da" moo" ri zei: nyid su: nghoid ziyo' dakhyoo" ti"- ngoonu" da" yooboo ri khyoid pyam byid: wa ziyo' shoid vhang: peig rhue, lo" khyoo: dangain" jang" mo ced" khyoid' ced" shang: yu byid: wa zi nghoid.

1YOHAN 1:9 교차 참조

1 KHOKHAM 8:30

Nga" akyu" mho' dang: yo' re" byumyu" yi he: joyoo khyoo: shu: wigi mho' da" nyangnu" akyu" mho' dang: ri tam" gyoo: byid: we' o". Mougkhung: mungdain: mo re" yhoem: moo: ngoonu" da" akyu" mho' dang: ri tam" gyo: wigi ngoonu" yooboo ri khyoid byid: we' o".

1 KHOKHAM 8:47

Re" byumyu" yi da" akyu" mho' dang: ri tam" gyoo: byid: la o". Nyangnu" khayhi' yooboo koid wigi akhyeing" ashoeb bue" nyid nghoid loug we' hau: mung" moo nyangnu" nung myid yo" wigi re" jang" moo akyu" mho' uri o" Aseing we" nyangnu" da" akyu" mho' dang: ri tam" gyoo: byid: we' o".

NEHEMIA 1:6

Aseing we"- Ngoo ri yu" yu" we' Houg: lho: re" dei zoo: yi nghoid da" Israela byumyu" yi shid re" myen" ri nyid" ri ngoo akyu" mho' nyid da" uri nga" akyu" mho' dang: ri gyoo: byid: la. Ngoo gi ngoonu" Israela byumyu" yi yooboo shoid bye: khyoo: ri yhen: yu nyid. Nga" phoug" phyid" yo' ngoo gi yooboo shoid bye:.

COUNG" NGHEI 19:12

Hang" nghoid loug we' nyang: shoid da" yooboo ri ayo" myang Asi, amyang da" shoid vhang: khyoo: mo ngoo ri khyoid yu we'.

COUNG" NGHEI 32:5

Houg: yoomo ngoo gi ngoo nya: yooboo joem ri re" jang" moo: yhen: yu lho: ngoo shoid vhang: khyoo: joem ri azau" too" loo. Hau: shoid vhang: yooboo joem ri re" jang" moo: yhen: yu wa shid re" ngoo myid phyed pyam bye:. Houg: yoomo nang gi nga" yooboo joem dangain" ri khyoid pyam byid: we'.

THU' LO" MOUGSOUG" 34:7

Ngoo gi byuxeig khyeing" khyeing" moin moin shid re" nga" dangsoo" ri cang su: nghoid. Yooboo yo' akhyeing" ziri khyoid pyam byid: su: nghoid. Nghoid loug we' ngoo gi soem" myid: xeig ju" sho' nya: zoo: nya: myid: yiri nyangnu" myhi' phoo yi da" yooboo shid re" dam byid: su: we' nghoid» ga: tid.

DANG: ZHOEM 28:13

Re" yooboo ri zau" to" nghoid rigi re" pyaid goin" moo: oung: doid khyoo: yo" yu wa zi anghoid. Hau: yooboo ri yhen: yu lho: wigi she: pyam, nghoid rikoem gi Mangso wigi nheig khyeug shoo myen: yu zi shoug" wa nghoid.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

YEREMIA 3:13

Nang yooboo yoo" bye: ein: ziyo' re" Aseing Mangsoo ri nang thougtheung gyi koid bye: ein: ziri za: kham: yu we'. Nyoug yung" da" seiggam yoeb khang" moo" moo tungbau yu phara" joem ri re" jheddab myid byid: pyam bye: ein: ziyo' nang gi nga" amyeing" dang: joem ri atam" gyoo: ein: ziri yooboo yhen: yu we'. Ngoo Aseing tid too" bye:.

YEREMIA 33:8

Nyangnu" ngoo ri gyi koid wigi shoid loo bye: da" yooboo joem mo nyangnu" ri ngoo kyeing sain' pyam byid: wa. Nyangnu" yooboo joem ri yo' nyangnu" goemlu to' da" khyoo: ri ngoo yooboo khyoid byid: wa.

NGOUG JI: 3:23

Hau: zigi nab soin: zoo" moo myenjham" wigi bidxain" re" yhang: ti" deing nyid.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 37:23

Nyangnu" gi nyangnu" da" gung ri aco' ajhoid yu soolhoo: joem khyo" ayung" alho' bui" nhang: loo: wa anghoid. Nyangnu" nya: gung ri yooboo wigi we' byo, yoin" nhang: loo wa anghoid. Ngoo gi nyangnu" ri nyangnu" yooboo shoid da" khyoo: dangain" mo yo' ngoo ri gyi koid jang" mo loid byoin nhang: wa. Ngoo gi nyangnu" ri kyeing sain' yu wa. Nyangnu" gi nga" da" byumyu" yi bue" lho: ngoo gi nyangnu" da" Mangsoo nghoid wa.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 3:6

Nyang: nya: youg noo yooboo ri thoid shed boem wigi Yohan da" lo, moo Yodan gyid lang mo baptisma ri zheung: kham: yu boem.

MARKU 1:5

Yerusalem voobyu yi dangain" mo, yo' Yuda meing: goin" jang: mo byu yi Yohan jang khyoo: yhe: lho: nyang nya: yooboo joem ri xoo: yhen: yu ziyo' nyangnu" gi nya: lo, moo Yodan gyidlang mo Babtisma ri kham: yu.

LUKA 22:57

Nghoidloug we' Peteru gi myiyi: zoo: nang we"- hau: yug ri ngoo asi lhe"- ga: ngeig pyam.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

ACTS 19:18

Loem" jeing" bang: myoo" sho' ju" re" boem wigi nyangnu" zei: shoid lo da" yooboo joem ri mung" byu yi da" shid khoin" moo bang bang za: yhen: yu boem ago".

Roma 3:26

Nghoidloug we' akhid" da" pyaid ayo moo Mangsoo: gi nya: deingmain" khyoo: ri toin" shid' wa shid' re" xangsu: byu yi da yooboo ri xoem" too" bye. Mangsoo: gi nyang: nya: gung nyang: deingmain" su: nghoid da" khyoo: ri we' Aseing Yesu ri loem" jeung" loo mo dangain" ri deingbyeing" mo, nghoid ein: kham: yu wa da" khyoo: ri we' toin" shid.

1Korinthians 1:9

Ngoonu" da" Aseing: ein: da"- nya: zoo: Yesu Khristu yo' shau" zoem" khoug: goo" baja" ga- nanu" ri khe: yu da" Mangsoo koem gi:-loem gi" su: nyang: nghoid nyid.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

Ephesu 5:26

Nyang: hougsu" koid da" khyoo: gi phung ri gyid yo' bain ced" kyeung pyam thang: moo nya: mungdang: yo' hau" phung: ri Mangso jhang khyoo: ab, nung" byid: khyoo: nghoid.

TARHA" TID POIN" 7:9

Nanu" Aseing Mangsoo gi Mangsoo nghoid ziyo' nyang: gi dang: zung" nyid ziri boin: nyid ge'. Nyang: gi nya: dang: theing ri ci: wa nghoid wigi nyang: ri jheddab lho: nya: amyeing" dang: joem ri tam" gyo: mo, ri byuxeig khyeing" moin ju" sho' abei abyo, da" jheddab myid ri ci: shug wa zi nghoid.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

HEBRE 10:23

Ngoonu" yhen: yu lho: loem" jeung" da" loem, khau: nheig byu khyoo: moo aloeb, adei loo: nyhang" geung: teung jo, loo: shang. Khasu" wim gari Mangsoo gi nyang: dang: soo" to" da' khyoo: moo kyed, da" dang: zung" su: nghoid khyoo: ri ngoonu" loem, jeung" nyid boem.

HEBRE 11:11

Abraham gi gye" mang: hau: loo" bye- Sa: ra nyang: we' apyaid bain' lid loo" bye: yoomo zoo: age yoo" loo. Nghoid loug we' Abraham da" loem" jeung" nheigloem: yoomo zoonu" nya: ba" doem, yo" bue" loo bye. Mangsoo gi Nya: dang: soo" khoin" byid: to" ziyo' dakhyoo" ti"- kyed' da" Aseing: nghoid nyid ziri Abraham gi loem, khau: nyid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

1YOHAN 1:7

Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.