1YOHAN 1:8 - Lacid Common Language Bible

⁸ Ngoonu" moo yooboo ayoo" ein: tid nyid boem nghoid rigi ngoonu" nyang: nya: da" gung ri ngoonu" mhau' pyam mo, nghoid wigi deingmain" khyoo: aboo mo, ngoonu" nghoid nyid boem.

1YOHAN 1:8 교차 참조

1 KHOKHAM 8:46

Re" byumyu" yi nang ri yooboo koid wa nghoid. Hid moo dayug we' yooboo akoid zi anyid wigi nang nheig yo: ziyo' nyangnu" ri nyangnu" da" gyivoo yi oung: pyam nhang: wigi nyangnu" ri gootu: mung" khyoo: join joem khyo" shu" lo" lho: hau: mung" gi gye ve: zi nghoid loug we'

2 KHOKHAM 20:15

«Nyangnu" khokham kho" moo cimyang ago" lha".» «Nyangnu" ja: khang" moo" ri myang abye: go" da:. Jhi: moo jo, zi ngoo nyangnu" ri aci: shug zi ciwe' ajo, loo:.»

2 KHOKHAM MHOOMYID: 6:36

«Re" byu yi nang ri yooboo shoid wigi yooboo ashoid zi dayug we' anyid yoomo nang nheig yo: lho: nyangnu" ri nyangnu" gyivoo yi wigi nang khaid oung: pyam nhang: ziyo' nyangnu" ri gootu: mung" khyoo: thung: byu yi khyo" myheig yu loo" lang" hau: mung" gi gye" ve: nghoid loug we'

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

YOBA 15:14

Byu xangsu: dayug gi gyeing" nyang: yo" gyeung" shang: wa la". Byu dayug gi Mangsoo yo' yi" wa la"

YOBA 25:4

Mangso shidkhoin" moo khayug gi deingmain" wigi yo" gyeung" shang: su: nghoid la.

COUNG" NGHEI 143:2

Re" da" deizoo: ngoo ri tarha" dang: phyed khyoo: ashoug" nhang:- Re" shidkhoin" moo: yooboo ayo" zi dayug we' anyid.

DANG: ZHOEM 20:9

Nyang: nya: nheigloem: ung: khoug: gyeung" shang: lho: gyeing" nyang: yooboo ayoo" ga: hang" yo" tid wa lha".

PHAJHI" DANG: 7:20

Myid gung tho' moo ayo, byeung" sho' jo zi za: koid lho: khanham we' ashoid yu" zi hang" anyid nghoid da:.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

ESAIA 64:6

Ngoonu" dangain" gi yooboo yoo" bang: kyeing" bue" lid loo bye:. Ngoonu" ge thang da" avoid lo, moo" joem gi bain sho' aco' ajhoid nghoid da:. Ngoonu" da" yooboo yoomo ngoonu" gi lid wigi hau' tang" lo" da" seig fu' kyug yo' du da:.

YEREMIA 2:35

nanu" gi ‹Ngoo gi yooboo ayoo"- gyeing" nyang: Aseing gi ngoo ri nheig ayoo: loo: wa› ga: tid ago". Nghoid loug we' nanu" gi yooboo shoid bye: ga: ziri ngeug he: pyam yoomo ngoo Aseing gi nanu" ri yooboo dam byid: wa.

XOIN" NGEI" 13:12

Manggam gi je: lo wigi hau: yug da" vhuloem mo zi khyid: thang: ju" sho' joid lo nghoid rigi

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

Roma 3:10

Jhoem: mungdang: moo tid zigi - Mangso shid' khoin" moo deingbyeing" su: dayug we' anyid.

Roma 3:23

Byu yug khang" moo" gi yooboo yoo" mo, za: nghoid wigi Mangsoo: khyoid' yu khyoo: mo ve: gang: lo" byug boem bye.

1Korinthians 3:18

Hang" nghoid loug we'- nyang: gung nyang: ri amhau, nyid goo- nanu" mo byu dayug yug gi he: moug: myid da" zhang khyo" soin: lho: nyang: nya: gung ri phajhi" boo su: nghoid ga- si' boin" nyid nghoid rigi- gyeing" nyang: phajhi" boo su: bui" wa shid re" akoo" apyoid da" byu bui" ca" nyid.

GALATI 6:3

Byu yi dayug yug gi yhoug: gyen: da" byu gyeing" nyang: anghoid nyid da" zi yhoug: gyen: da" byu nghoid ga: nyang: nya: da" gung ri nghoid boin: su: gi nyang: nya: da" gung ri mhau' nyid su nghoid.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

YAKU 1:22

Nya: mungdang: ri houg: yhang: ti" shau" gyo: yu" khyo" nyang: nya: gung ri amhau, nyid goo. Mungdang: ri cang nyang: cang loo" mo, bue" nyid ge'.

YAKU 1:26

Nanu" mo byu dayug yug gi laloem lakhoug: byeung" su: nghoid ein: myid, nyid go" la". Nang gi nanya: da" yhoo: ri ayo" zei: ci: nghoid rigi re" da" laloem lakhoug: gi ce" phoug" we' adab ziyo' nang gi nanya: gung du: ri mhau' nyid su: nghoid.

YAKU 3:2

Ngoonu" dangain" mo, gi atheing: loo: shoid vhang" loo" se' nyid. Kha: uri we' ci: tid cang aboo: su: gi joeb byeung" su: nghoid- Houg: yhang: te" su: gi Nya: gungdu" dangain" ri yo" vhoeb khang" ung: su: nghoid nyid.

2PETRU 2:13

Nyangnu" gi soobi" ri thoung" shau" nhang: da" kyi" khyeug sho" jhen: khyoo: gi nyangnu" nyang: moo we' latoo: doem phug zi shau" zo: boem wa nghoid. Nyangnu" gi bidnyid" dang: gung rilang" nyangnu" da" gungshoo" nheugloem: yoo: pei" wa shid re"-nyangnu" nheug shid: jang: koid ago" Nyangnu" yo' dage" zo; shug mo, phung: moo dage" yhe: vang boo yoomo nyangnu shid re" asho' ashid: ziyo' myonhoo: ngilang: gyoeb khyoo: bue" nhang: nyid. Nyangnu" gi khanham fain" vo, khyoo: moo gye" pyoo: thui: gyo: boem.

1YOHAN 1:10

Ngoonu" gi yooboo akoid loo: ein: tid boem nghoid rigi ngoonu" gi Mangsoo ri mhoug su: nghoid ein: jho: khyo" nghoid wigi nya: mungdang: we' ngoonu" moo aboo loo.

1YOHAN 1:6

Ngoonu" gi nyang: yo' shau" zoem" khau: nyid bye- ga: lho: wigi moug: coid khoug: moo kangso' dadei so" yen" shi" nghoid boem rigi ngoonu" tid da" dang: moo we' ngoonu" zei nyid da" moozoo" moo we' mhoug mo, ngoonu" danghoid nyid boem shi.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

2 Yohan 1:2

Khasu" wim ga: ri deing main" da" khyoo: gi ngoonu" yo' dage" nyid nyid lho: houg: gi ngoonu" yo' dajo, jo, wa zi nghoid.

3 Yohan 1:3

Nang gi khanham we' deingmain" da" khyoo: moo nang khayhi' zed" lhed' lho: kangso dei nyid da" khyoo: ri Khristain mang nhung" yi dayham" zheung: ju" re" wigi tid kyo" da" uri ngoo atho' tid loo: sho' gau yi nyid.