1YOHAN 1:2 - Lacid Common Language Bible

² Hau: da" kangso' gi thu' myhang lo da" uri ngoonu' hau: ziri myang yu" boem bye- houg: yoomo nanu" gi hau: khyoo: ri sagsi: kham, byid: boem bye. Nya: phoo yo' dage" nyid yu" bye- hau: apyaid ato: da" kangso' gi ngoonu" jang" moo thu' lo wigi ngoonu" gi hau" kangso' da" khyoo: nanu" ri sho' kyo" boem bye.

1YOHAN 1:2 교차 참조

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 1:4

Hau: mungdang: gi kangso' ajhung nghoid- hau: da" kangso' gi Byu yi da" bidbang nghoid.

YOHAN 10:28

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 15:27

Nanu" we' xang: shid" mo nyang:- ngoo yo" dage" nyid boem yoomo nga" da" khyoo: ri sagsi: kham: boem wa zi nghoid.

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 17:5

O" nga" phoo we"- he: mougmyid ajo, aboo shi" re- phoo yo" ngoo dage" kham: yu nyid da" myonhoo: phung" yoeb ri akhid" uri pho da" shid' khoin" moo ngoori byid: we'.

YOHAN 19:35

(He: khyoo: ri nanu" we' loem" jeing" loo wa shid' re" myojid" myang da" sagsi: dayug gi tid kyoo" bye. Houg: su" tid kyo" da" khyoo: gi deingmain" da" khyoo: nghoid. Hau: yug nyang: nya: dang: main" da" khyoo:- ri nyang: se.)

YOHAN 21:14

He zigi nyang: shid: jang mo doem dei to'' lo thang ricangzoo: yi ri gung thu' shed da" zigi he: lheing: yo" ri soem" lheing: nghoid bye.

YOHAN 3:13

Mougkhung: mo gyoo" lo da" byu nya: zoo: mo gootu: hang" we' Mougkhung: khyoo: ado, lo" yu.

YOHAN 7:29

Nghoidloug we' ngoo gi hau: Aseng: jang" mo ri" yoomo ngoori nhang: kaid su: ri nyang: ngoo se' nyid.

YOHAN 8:38

Ngoo gi nga" pho, jang" mo, yo" se' yu gu: dangain"- nanu" ri tid kyoo" bye: houg: nghoid loug we' nanu" gi nanu" da" nya: phoo tid ziri za: da cang nyid ago".

ACTS 10:41

Yug khang" moo" ri anghoid loo: za: sag si: joem ga: Mangso wigi khyen: yu too" mo ngoonu" ri za: toin" shid' lho: nyang: doem dei, to' lo thang: ri- nyang: yo' dage" zoo: noem shoin" zo: boem bye.

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

ACTS 5:32

Hau: da" khyoo: joem yo' sen: lho: wigi nyangnu" gi sagsi: yi nyang: nghoid boem bye- Mangso mungdang: phau" cang mo, ri byid: da- Mangso jhung: shug gyeungshang: Venyi gi sagsi: nghoid- ga: phoug tu" ago".

Roma 8:3

Byu xangsu: gung sho" nheigloem: yoem: neing: khyoo: yoomo - Moshe da tarha" wi ayo" voin vu da" moo" ri Mangsoo: gi voin vu pang" byid: bye. Mangsoo: gi byu xangsu: gungshoo" zei: shoid' moozoo" khyoo: tid yooboo dang: phyed' wa shid' re" nya: zooti" ri nhang: kaid' bye. Hau: nya: zooti" zoo: gi yoobo tarha" ri phyo' shoin' pyam' wa shid' re" xangsu: byugung re" void yu bye.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

2 TIMOTHI 1:10

Nghoid loug we' akhid" gi yha" Aseing: Khristu Yesu ju" gyoo" los ayo, mo nyang:- hau: khyoo: ngoonu" ri toin" shid' kaid' bye. Nyang: gi shid: loo" no lo" da" yoem: so' ri yoeb, shoung; pyam' lho: wigi hau" ngei bu: lu dang; khyo" wigi ashid: abyug lo da" kangso' khyoo: ri ci: shug kaid' bye.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

1YOHAN 2:25

He: khyoo: gi Khristu nyang: ngoonu" ri dang: soo" khoin" byid: too" khare" da" atoo: moo kang: so' ri yo" yu khyoo: nyang: nghoid bye.

1YOHAN 3:5

Khristu gi xang: su: byu yi da" yooboo ri ced" shang: pyam' byid: wa shid re" thu' myhang re" da" khyoo: ri nanu" se' nyid gu nghoid- nyang: moo gi ce" yooboo daja: we' aboo.

1YOHAN 3:8

Yooboo ri za: daxo, nyhen" zei: loo" su: hang" nghoid loug we' yu satan yo' sen: su: nghoid nyid. Khasu" wim gari yu satan gi xang: shed" mo nyang: yooboo koid su: nghoid nyid. Houg: yoomo yu da" moozoo" ri phyo' shoin, pyam wa shid re" Mangso da" nya: zoo: gi po" thu' loo bye.

1YOHAN 5:11

Hau: sagsi dang: koem gi he: zi nghoid- mangsoo gi ngoonu" ri athang agoin da" kangso' ribyid: bye: yoomo hau" kangso' da" apoem: ayang: gi nya: zoo: nyang: nghoid nyid.

1YOHAN 5:13

Nanu" gi apyaid atoo: mo dei nyid wa kangso' yo" yu bye: da" khyoo: ri khyag yo" si' goo" baja" Mangso nya: zoo: ri loem" jeung" nyid mo, nanu" jhang khyoo:- ngoo he: mougsoug" ri lhid" kaid.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.