1PETERU 5:8 - Lacid Common Language Bible

⁸ Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

1PETERU 5:8 교차 참조

ESTHA 7:6

Estha gi «Ngoonu" da" gyivoo- ngoonu" ri shen" yhen wa su: gi he: akhyeing" da" byu Haman nghoid da lhe"» ga: tid da:. Haman gi khokham phoo yo' khokham myhi' shidkhoin" moo: gyoug dain ziyo' yu" zhug nyid da:.

YOBA 2:2

Aseing gi nyang: ri «Nang khayoo: lhung nyid yen" la"» ga: myid. Satan gi «Ngoo gi hid: khyoo: thu: khyoo: so" yen" lho: mougmyid ri koem" nyid» ga: tid da:.

COUNG" NGHEI 104:21

Khang khyi nu" joem gi nyangnu" shoo" ri lhoem nyid uri gyab, nyid boem ago". Nyangnu" gi Mangsoo byid: to" da" zoo: noem ri cang sho: yen" ago".

COUNG" NGHEI 109:6

Nga" da" gyivoo pho, ri dang: phyed byid: wa shid re" akyang yoin" da" tarha" agyi ri nyeung too" wa. Nya: gyivoo joem da" khoug: mo dayug yug gi nyang: ri yooboo foin: su: bui" nhang: nyid we'.

DANG: ZHOEM 19:12

Khokham nheig joem: yo: zigi khang khyi myeung ziyo' du nyid. Nyang: pang" thoug byid: zi koem gi ca" nyid uri vo, da" moug: gyid yo' du nyid.

DANG: ZHOEM 20:2

nheig joem: yo: nyid da" Khokham ri myeing myhu" nheig yo: nyid da" khang khyi yo' dakhyoo" ti" gyoug nyid we'. Nyang: ri ze" sho" kaid su: gi nyang: nya: gung nyang: said shed: yu zi nghoid.

DANG: ZHOEM 28:15

Myung shoo" mo, da" atho' moo athoug" akhyoug: vhoebkhang" nyid da" zoug: phoo gi myeung kyoug nyid da" khang khyi, yhang: ti"- anghoid lang" gi zoo: noem sho: yen" da" voem, yhang: ti" gyoug noem' nghoid nyid.

ESAIA 50:8

Ciwim gari Mangsoo gi jang" moo nyid wigi ngoo ce: yooboo ayo" da" khyoo: ri nyang: sagse: toin" shed byid: loo wa. Ngoo ri thougtheung su: yooboo hang" yo" zhug la". Tarha" yung" khyoo: dage" yhe: boem shang. Nya: da" yooboo zhug da" khyoo: joem nyang: ri ci: ri" nhang: we'.

YEREMIA 2:15

Nyangnu" gi nyang: ri khangkhyi joem yhang: ti" myeing ago". Nyangnu" gi nya: da" mougmyid ri dain" pyoid yoo koid pyam ago". Houg: lho: nya: da" voogung joem gi jhoid she: pyam zi shoug" lho: byo, yoin" jo, da:.

YEREMIA 51:38

Babelon byu yi dangain" gi khangkhyi joem yo' dayhang: ti" myeing wigi khang: khyi nu" joem yhang: ti" kyi: myeing boem wa.

EZEKIEL 19:7

Nyang: gi gyi pyuzung joem ri mhoin' pyam wigi voogung joem ri phyo' shoin' pyam da:. Nyang: myeung kaid khang" moo" hau: mougmyid moo nyid bang: gyoug boem ago".

EZEKIEL 22:25

Vhujhung: yigi nyangnu" said to" da" shoo" ri nyho: hung: nyid da" khang: khyi: joem yo' du ago". Nyangnu" gi byu ri said. Nyangnu" yo" yu nhoo' ngei yo' zi joem dangain" ri yu wigi nyangnu" da" byu said moo" gi myiyi: myoo" sho' bang: ri cougmoo" khyo" nyid deing nhang: boem ago".

DANIELA 6:24

Hau: thang: khokham phoo gi Daniela ri yooboo zhug da" mo, dangain" ri myheig wa amyeing" khyo' kaid lho: nyangnu" ri nyangnu" da" yhoem: seing: myhi' yi nya: zoo yi yo' dage" khangkhyi byeung" sho' bo da" thung: yhoem: khoug: khyo she: pyam khyo' kaid ago". Nyangnu" thung yhoem: athi" khyoo: lang" aju" gyoo" loo" shi" ri khangkhyi joem gi nyangnu" byam myhed yu lho: nyangnu" da" shooyoug: joem dangain" ri ngaid khyau" zo: pyam byid: ago".

HOSEA 11:10

Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.

HOSEA 13:8

Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

YOELA 3:16

Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.

AMO 1:2

Amo tid zigi «Aseing gi Ziun mo wigi thui: zeing yo' yoid nyid. Nya: thui: gi Yerusalem mo thu lo da:. Mhain" nu" yoo gi kyoug lo" lho: Kharmela boem tho' moo vufu" yoo we' yhau" loo" khari" bye:.

AMO 3:4

Khangkhyi gi siyoo moo shoo" amyang shi" ri lhoung myeing yu" la". Khangkhyi nu" we' khyung: khoug: moo daja: ja: ri ashoug" ngaid ci: shi" ri lhoung myeung yu" la".

AMO 3:8

Khang khyi myeung kaid ri agyug mo, hang" boo wa la". Myhang: thang Aseing tid kaid lang" nya: mungdang: atid fu" kaid loo: za: hang" yo" nyid wa la".

ZEKHARIA 11:3

Zoug: yi da" phung" yoeb ci: phyug pyam' boem yoomo nyangnu" koug ngau nyid abye: go" Khang khyi joem myeing myhu" nyid ziri tam" gyoo: we'. Yodan gyid yam cang mo nyangnu" da" siyoo joyoo joem we' pyo, sain" pyam' zi shoug" bye:.

ZEKHARIA 3:1

Gootu: da" yoeb myang moo Aseing da" moug: lagyoo: shidkhoin" moo yab jo, da" khainjung moo" Yoshua ri Aseing gi ngoo ri toin" shid. Satan gi nyang: ri yooboo foin: wa shid re" Yoshua da" anam moo yab jo, ziri myang.

MATHE 13:39

Soo" yo myo, shi" ri re" sain" da" gyivoo gi yu satan: nghoid. Gug yed nam" gi he: mougmyid thang loo" yo' nghoid. Gug yed mo, gi Mouglagyoo: yi nghoid.

MATHE 24:42

Houg: su" nghoid yoomo zed" lhid zoore" lang" nyid ge'. Nanu" da" Aseing: gi kha: yo, khakhyeing: moo gyoo" loo wa zi nanu" asi.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 4:1

Houg: lang" yu satan: jhu' phyo' zi shau" baja" ga: gyeungshang: da" Venyi: gi Yesu ri dain pyoid' yoo: khyoo: shu" lam" loo" bye.

MATHE 4:11

Houg: lang" yu satan: gi Yesu jang" mo phang: loo" bye. Hau: thang: ri mau lagyoo: yi Yesu ri re" doo" zho" boem.

MARKU 4:15

Byu dayham" gi khyoo: cang gung moo gyo" lo" da" myoug: shi": yo' du nyid boem da. Mangso mungdang: ri shaug" gyoo: lang" - satan ju" re" wigi nyangnu" moo sain" to" da" hau: mungdang: ri yu pyam' byid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

LUKA 22:31

Simun we"- Simun we"-tam" gyoo: we' yoothung" gug soem: yo" gug moo, ge ziyo' age ziri khyeung yhangti"- nanu" dangain" mo, ri khyeung yu" wa shid' re" satan gi amyeing" yoo" bye.

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

2~KORINTHU 2:11

Ngoo hidsu" koid da" khyoo: gi-satan gi nanu" tho' moo xang: shid" aoung: loo" baja"- phajhi" khyo" koid zi nghoid. Khasu" wim gari ri-zhandan gi phajhi" khyau" nyid ziri ngoonu" se' nyid boem zi nghoid.

Ephesu 4:27

Yu ri we' vang wa akhang" abyid: nyid goo".

Ephesu 6:11

Yu wigi mo" da" age khyoo: dangain" ziri nanu" lhoem: oung: doid pyam baja"- Mangsoo nanu" ri byid: to" da" gyikhin" dangain" ziri yu void zhoung ci: loo: ge'.

1 TIMOTHI 2:15

Nghoid loug we' myiyi: zoo: gi asam" a void, ge lho: loem" jeung" khyoo: jheddab khyoo: moo gyeungshang: khyoo: moo xo' lho: yoem: kaid' lo nghoid rigi myiyi: gi zoo: ri khu: kaid' su: nghoid yoomo nyang: gi khyoid yu zi shau" wa nghoid.

1 TIMOTHI 2:9

Myi: yi: zoo: yi gi avoid' ge, sam" dab, nu" nham, ziyo' nyangnu" da" void, mi void byi: void, da" khyoo: moo young" du, phoug" dab, tung" void, ci: nhang: nau. Xam: ri vhuzung zung khyo" xam: zeig zeug lho: lhoo, yhoung" khyo" ngei sheing: Palhe" tab- hougsu" anghoid lang" gi atho' tid loo sho' phoug" dab, da" byimi yo' lhoo, yhoung khyo" anghoid loo: za:

1 TIMOTHI 3:11

Nyang: nu" da" myi: yi we' akyang" gi mo, nghoid ca" juang" yi gei sang: mo, a gi nyangnu" gi yhid: ayed ziyo' khyoo: khaid khang" moo" moo ding main" loem gi mo, nghoid ca".

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

TITU 1:8

Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

TITU 2:2

Apyaid gyi: bye: da" phoug" mang: yi ri yhid: ri nheig atei" loo: zed" lhid' nyid wa shid re" yug yoo sam" dab ri young" nyid wa shid re" nyang: nya: da" gung ri yo" vhoeb khang" nyid wa shid re" we' jo da" laloem, lakhoug: bo nyid a shid re" jheddab myid yo' kham zeung: da" nheigloem: bo jo, wa shid re" jhoug" byid: we'.

TITU 2:4

Mangso da" mungdang: gi juang" yi gei sang: zi ashug" baja"- nyangnu" ri we' nyang: tu: nyang: mo pyaid ngi shi" da" myhi' zeing yi gi nyang: nya: da" yhoem: seing: phoo yo' zooshang: mi" ri jheddab se' nyid wa shid re" we' nyang: nya: da" gung ri se' vhoeb khang" nyid wa shid re" we' nyang: nya: da" yhoem: seing: phoo yi vhoeb, khang" khyoo:- se' cang nyid da" yhoem: seing: myhi' zeing gi yo" bui" wa shid re" jhoug" byid: mhoo, byid: nyid we'.

TITU 2:6

Houg: yo' dakhyoo" ti"-zoolu: yi we' nyang: nya: gung du: ri se' vhoeb khang" lho: nyid goo" baja" tid poin" tid kyeung" nyid we'.

YAKU 4:7

Houg: su: nghoid yoomo Mangsoo: khasu" vho" ri hougsu" cang loo" ge". Zhadan ri lhoem: theing shang"- zain: oung: nyid ge". Hougsu" nghoid lang" nyang: gi nanu" jang" mo phang: loo" wa nghoid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

Pang Shug 12:10

Hau: thang: ri moug: khung: mo thui: zeing yo' tid nyid zigi " Akhid" Mangso khyoid yu khyoo: ju" ri" bye- Akhid" Mangsoo gi Khokham" yoem: so' ritoin" shid' bye- Akhid" nya:Meshia gi nya: amyeing" akhang" ri toin" shid' abye:- Khasu" wim gari ngoonu" da" mang: nhung" yi yo' ngoonu' da" Mangso shid' khoin" moo yab, jo, lho: nyid" ri nyen" ri yooboo foin: pyi: sho: nyid su: gi moug: khung: mo khaid khyo, pyam zi shau" bye.

Pang Shug 12:12

Houg: yoomo nang moug: khung: yo' houg: moo nyid bang: dangain" gi gau yi nyid loo: ge'. Nghoid loug myid jang: yo' nam mug dara koem gi gyoug dain' nyid loo: ge'. Khasu" wim gari main: yu gi nya: da" bidnyid dajhi' za: date: deing lo: ziri se' yoomo nheig khoo" yo: ziyo' nanu" jhang khyoo: ju" gyo" loo bye-,, ga: tid ziri ngoo shau" gyo:- ga: tid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 20:2

Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.

TARHA" AGYI 14:5

Houg: yoomo Samson gi nya: phoo nya: myhi' tang: yo' dage" Timna khyoo: gyoo" yhe: ago". Zabyid khyam: da khyam: khyo" so" lid: yhe: lo" boem uri Samson gi khangkhyi dadu: hung: thui: shau" gyo: da:.