1PETERU 5:13 - Lacid Common Language Bible

¹³ Mangsoo khyen: yu da" jeju' ri nanu" yo' dakhyoo" ti" shau" kham: yu da" Babelon voo mo-nanu" da" mang nhung" phung: byu yi we' nanu" ri vhu" kaid' ago"- nga" zoo: Marku we' nanu" ri vhu" kaid.

1PETERU 5:13 교차 참조

COUNG" NGHEI 87:4

Nga" dang: ri tam" gyo: mungdain: joem da- zhayhen" ri koid uri Egutu yo' Babelon ri ngoo bo kaid byid: wa zi nghoid. Philisti- Turu yo' Sidon byumyu" yiri Yerusalem voogung byu zhayhen" moo ngoo soin: kaid byid: wa zi nghoid.

ACTS 12:12

Nyang: moo khasu" bue" lid lo ziri nyeing" za: boin: loo lang" Nyang: gi Yohan Marku da" nya: myhi' yhoem: moo vang yhe: lo. Hau: yhoem: moo gi byu, myoo" sho' mo, - zeung: foem: lho: akyu" mho' phung koid nyid bom.

ACTS 12:25

Sholu yo' Barnaba eig yug gi nya: eig youg da" moozoo" ri bain, zei: lang" Yohan Marku ri shu" lho: Yerusalem voomoo" mo doem, phang: thu' lo" ago".

ACTS 15:37

Barnaba gi nya: eig yug yo' dage" Marku ga: da" Yohan ri we' bo lhoung: shu" loo" nau, da.

ACTS 15:39

Nya: eig yug gi he: da" khyoo: yo' sen: lho: gyi" sho' ngeug go" wigi gang: go" lo" ago". Houg: lang" Barnaba gi Marku ri shu" lho: wigi Kupro gugyoo: kang: khyoo: lhid' zhoung: lho: yhe: lo" ago".

KOLOSE 4:10

Nga" da" thung: loung" luzoem" cang"- Aristaku we' nanu" ri vhu" kaid- hau: lho: Barnaba da" zoo: oug: Marku we' nanu" ri vhu" kaid' (Nanu" jhang khyoo: Marku ju" re" lo uri lhoem: tau, yu byid: ge' ein: tid kaid' da" khyoo: joem ri) nanu" yo" yu too" gu nghoid bye.

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

2 Yohan 1:13

Mangso wigi khyen: yu shau" da" nang jheddab myhi, be: da" zooshang: yi gi nang ri vhu" kaid' boem ago".

Pang Shug 17:5

Nya: ngeilang: tho' moo gi shava myhi, yi yo' " Moug: gyab, goin" ziri khyoo: shu" vhang: lo" da" nya: myhi' - gyi: thang da" Babelon - ga: wigi gau: thang dang: kang: yo' lhid" to".

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.