1PETERU 5:1 - Lacid Common Language Bible

¹ Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1PETERU 5:1 교차 참조

LUKA 24:48

Nanu" gi hau: da" moozoo" yo" sen: lho: wigi myo, moo gyo, bo myang da" sagsi: yi nghoid.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

ACTS 11:30

Hau: thang: ri nyangnu" gi pang" thoug da" ngei ri Barnaba yo' sholu da" lo, khyo" wigi phung: ludaid' yi da" lo, khoug: khyoo: foin: kaid boem ago".

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

ACTS 15:4

Nyang: nu" gi Yerusalem voomoo" moo ju" yhe: lo" boem uri houg: mo da" phung byu yo' dage" za: lagyoo: yi yo' phung ludaid yi gi nyangnu" ri lhoem: tau, yu boem bye. Houg: lang" Polu gi nyangnu" da" lo, khyo" wigi Mangsoo gi khayhang: te" da" moozoo" ri zei: nyid da" khyoo: nyangnu" ri tid kyo.

ACTS 15:6

Houg: yoomo Lagyoo: yi yo' phung ludaid yi gi he: khyoo: ri myed yu" wa shid re" zoeb, phung ri koid ago".

ACTS 2:32

Mangsoo gi he: da" Yesu ri dei to'' loo nhang: abye:- hougsu" ngoonu" dangain" gi he: khyoo: yo' sen: da" sagsi: nghoid bye.

ACTS 20:17

Polu gi Melitu voogung mo wigi phung ludaid' yi nyang: ri re" shau" wa shid re" dang: pyeung: kaid.

ACTS 20:28

Houg: yoomo nanu" nyang: gung nyang: we' - gyeungshang: da" Venyi wigi nanu" da" lo, moo ab, byid: to" da" - yang kyung ri yu" goin, coung: nyid ge'. Nya: zo: suid" wigi yang seing: daphung: za: koid yu da- Mangso yang lhug mo, bue" nyid ge'.

ACTS 21:18

Hau: thang: nyid" ri Polu gi ngoonu" yo' dage" Yaku ri yhe: shau- phung ludaid' yi dangain" bang: we' houg: moo nyid ago".

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

2~KORINTHU 5:1

Moug: myid tho' moo ngoonu" nyid nyid da" zoem"- ein: da" yhoem: gungdu: gi byo, yoin" lo" uri Mangsoo gi moug: khug moug: di tho' moo ngoonu" nyid wa shid re" nyang: koid da" apyaid atoo: moo ngoonu" nyid wa shid re" nyang: koid da" apyadi atoo: moo dageung" jo, da" yhoem:- ngoonu" yo" ziri ngoonu" se' nyid boem.

2~KORINTHU 5:8

Ngoonu" gi yoem: moo" so' zeing yo' byeung" jo, boem yoomo gungdau: da" yhoem: ri to" pyam kho' lho: hau: Aseing: yo' dage" nyid nyid wa ziri je" vho: ngei nyid boem.

PHILIPI 1:19

Khasu" wim ga: ri nanu" akyu" mho' da" khoin" thui: joem yoomo we' Yesu Khristu da" venyi bo pang" thoug yoomo we' ngoo gi lhoid pyoin kaid' zi shau" wa nghoid.

1 TIMOTHI 5:1

Apyaid' gyi: bye: da" ludaid' phoo ri agyikoid' re" phoo ri yhang: ti": khyo, nyhoem: ji sang" nyid we' apyaid' ngi shi" da" zoolu: yi ri gi re mang: re" nhoung" ri yhang: ti"- zoem" khau: nyid we'.

1 TIMOTHI 5:19

Sagsi: kham, mo, atham: thang- eig soem" yug abo ri phung shu" vhu" shi: su: ri yooboo foin: dang: ri age loem".

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

TITU 1:5

Kreti moo zei: ca" shi" da" khyoo: khaid khang" moo" ri khyag joo sho' cang yu" so' nyheing wa khyoo: yo' voo khang" moo" mo phung joem ri vhoeb khang" yoovoin yu wa da" ludaid yi ri cang nyheung too" wa shid' re- ngoo nang ri nyhed: too" kho'. Akhid" ngoo tid kho da" dang: soo" khoin" joem ri xoem" too" we'.

PHILIMON 1:9

Ngoo giKhristu Yesu da" lagyoo: lamang: nghoid nyid ziyo' akhid" uri nyang: yoomo thung: lung" su: Polu nghoid nyid nghoid loug we' ngoo gi nang ri jheddab yoomo mho' tungpain: kaid.

HEBRE 12:1

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

1PETERU 1:7

Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

2 Yohan 1:1

Phung ludaid' phoo mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeung: kaid. Nang ri ngoo za: we' anghoid- deungmain" da" khyoo: ri se' ci: bang: dangain"- gyeing" nyang: jheddab nyid boem.

3 Yohan 1:1

Phung ludaid' phoo ngoo mo wigi gye" jheddab nyid da" Ge-u jhang khyoo: mougsoug" lhid" kaid'.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.