1PETERU 4:8 - Lacid Common Language Bible

⁸ Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

1PETERU 4:8 교차 참조

DANG: ZHOEM 10:12

Ngheing" da" nheigloem: gi yau: khe" khyoo: ri lhu: nhoug" lhu: zhuang" byid: loug we'-jheddab nheigloem: gi shoid vhang: khyoo: dangain" ziri khyam" sa: yo" byid: nyid.

DANG: ZHOEM 12:16

Ashoeb su: gi nheig yo: lo ri houg: jang: subi" ri si' nhang: pyam. Shid khyoo: thang: khyoo: se' myid soin: yu" da" byu yigi aphoug" akhyoid koid da" khyoo: ri cishu: anhang: boem nghoid ago".

DANG: ZHOEM 17:9

Sube" wigi nang ri yu" ngei boem wa shid re" vho: ngei nyid nghoid rigi nyangnu" nang ri age zi koid lo da" uri nyangnu" da" yooboo ri khyoid byid: we'. Shoid go" to" da" yooboo xoem" ci: ri bidnoem gang: loo" se' nyid.

DANG: ZHOEM 18:13

Aphoug tu" shi" ri tam" gyoo: we'- hougsu" ase' koid ri nang gi nheig agyeung: ziyo' nanya: gung ri sho thu nhang: nyid zi nghoid.

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

1Korinthians 13:4

jheddab, da" nheigloem: gi nheigloem: sheung: nyid- nheig khyeug nyid- no" zo, zi aboo- phau: khuang nghoid boin- khyoo: aboo.

KOLOSE 3:14

Hau" yoem: so' dangain" da" atho' moo joeb, byeung" da" nheigloem: shikain" shoin" khyoo: bue" loo sho'-houg: dangain" tho' moo ziyoo jo, moo jo, ri yo" myeug deung: da" jhed' khyeing: kang: khyeing: ri pug void ci: ge'.

1THESALONI 3:12

Nyang: cang" nyang: da" atho' moo we' byu gooji yi dangain" bang: da" atho' moo we' nanu" to" to" da" jheddab nheigloem: gi je je gyi: lo wigi Hau: da" jheddab nheigloem: gi nanu" da" atho' moo ngoonu" to" to" da" jheddab nheigloem: yo' dakhyoo" ti"- gyi: loo wa shid' re" - Aseing: gi nanu" ri pang" thoug byid: baja" o.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

HEBRE 13:1

Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

YAKU 5:12

Nga" mang: nhung" yi we"- nanu" jham tang: go" khyoo: gi dajhi' we' akoid goo"- moug: khung: ri we' anghoid- myidjang: myeing yu lho: we' anghoid- ce" noem myeing ri lang: lho: we' jham atang: goo". Nanu" da" dang: gi nghoid ga: lang" gi nghoid bye- anghoid ga: lang" we' anghoid baja"- houg su: nghoid lang" gi nanu" ri Mangso dang: kho' zi ashau" boem wa.

YAKU 5:20

Hougsu" yooboo shoid su: dayug yug ri khyoo: vhang: lo" jang" mo doem yo" khe: shu" loo su: gi hau: yug da" kangso' ri shid: loo" bye: jang" moo deom yo" khyoid yu lho: nya: yooboo dangain" khyoid pyam byid: zi shau" wa shid re" voin, vu, zei: so' byid: su: nghoid ein: myid boin: nyid ge'.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

3 Yohan 1:2

Nga" da" jheddab mang nhung" phoo we"- re" da" venyi moo yang" zain" nyid ziri ngoo se' nyid ziyo' dakhyoo" ti"- nang gi khyoo: khaid gu: khang" moo" moo ngei pyo: oung: doid lo" lho: gung shoo" moo yang" zain" nyid wa shid re" ngoo akyu" mho' byid: nyid.