1PETERU 4:7 - Lacid Common Language Bible

⁷ Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 4:7 교차 참조

APOEM AYANG: 19:35

Houg: yoomo hau: myen ri nya: tang: gi nya: phoo ri yhid: jhug lho: nhung" yug gi nya: pho yo' vang yhoeb. Hau: myen we' nyang: gi yhid: sung yid yoomo hau: khyoo: ri nyang: aboin:.

APOEM AYANG: 6:13

Mangsoo gi Noa ri «Ngoo gi xangsu: byu yi dangain" ri thang loo" nhang: wa myid phyed too" bye:. Ngoo gi nyangnu" ri jhoid phyo' shoin' pyam loo wa. Khasu" wim gari moug: gyab goin" gi nyangnu" da" pyi: joem: sho: moo" za: byeung" jo, bye:.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

EZEKIEL 7:6

Hau: zi dangain" bain bye:. He: zigi lo" thang nghoid. Nang gi thang abye:.

MATHE 24:42

Houg: su" nghoid yoomo zed" lhid zoore" lang" nyid ge'. Nanu" da" Aseing: gi kha: yo, khakhyeing: moo gyoo" loo wa zi nanu" asi.

MATHE 25:13

Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 21:36

Gyeing: gyeing: soo" soo" koid: nyid ge' ju" gyoo" loo wa da" myo, dain' dei: da" shid: gyoin noo gyoin ri yo" kham: zeing: yab jo, lho: wigi Byu nya: zoo: da" shid' khoin" moo dain: dain: yo" yab lho: tarha" dang: kho" ziri yo" kham: wa shid' re" khanham we akyu" damho, nyid ge'.

LUKA 22:46

Nyang: tid zigi nanu" ci: koid: yhoeb jo, goo" lha"- too ge'- jhu, phyo' mhoid" shu" lo" jang" moo- abo loo" wa shid' re" akyu" mho' nyid ge' ga: tid.

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

1Korinthians 15:24

Khristu gi Venyi soobyoo, dangain" ri vhoeb khang" mo, yo' yoem: zeing so' moo" boo bang: dangain" ziri- oung: doid' pyam lho: hau: mungdain ri nya: phoo Mangso da" lo, moo: ab byid: pyam wa. Hau: thang: ri she' lo" thang da" bidnyid ju" loo wa zi nghoid.

1Korinthians 7:29

Hau: lho: wigi: Mang: nhung" yi we"- ngoo tid nau nyid da" khyoo gi hidsu" nghoid- ayo, bidnyid myoo" sho' aboo loo- akhid" mo wigi: loxo' bye: da" byu yi gi lo, axo, shi" da" yuggi yi yhang: ti" nyid loo" goo" baja"

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

PHILIPI 4:5

Nanu" da" sam" dab, nu" nham, da" nheigloem: ri byu dangain" bang: da" shid khoin" moo toin" shid' nyid ge'- Hau" Aseing: ju" ri" wa da" ayo, gi jhang lo nyid bye.

KOLOSE 4:2

Anoo: loo- atheing: loo: akyu" damho, nyid ge'. hau: tho' moo gootu: nanu" akyu" mho' khyoo: moo zed" zoore"- Mangsoo ri jeju" daboin: nyid ge'.

2 TIMOTHI 4:5

Nang koem gi khayhang: te" da" akhyoo: again thoung" shau" loo nghoid loug we' re" da" gung du: ri zei: zeung" ci: lho: wigi kyi" khyeug khyoo: ri kham' zeung: nyid we'. Hau: ngei bu: lu dang: ge ri kho" kyo" da" sara: moozoo" ri voin, vu, nyid wigi Mangso dei zoo: dayug khyo" wige- re" da" yoovoin, jo, moo jo, ri joeb, byeung" sho' voin, vu, nyid we'.

TITU 2:12

Ngoonu" gi ngoonu" nya: da- gyi: myhang: da" Mangsoo ein: da" khyoid yu Aseing Yesu Khristu da" myonhoo: phung yoeb, doug bang thu loo wa ngi lho, da" bidnyid ri dalang" nyid Tarha" ri aphau" cang nau da" nheigloem: yo" mougmyid ri vhoo: boo: myo, no, da" nheugloem: ri she: pyam' wa shid re" we' sam" dab, ri young" ziyo' phyoo: phyoo: nghoid nyid wa khyoo:- deingmain" wigi tarha" phau" cang da" kangso' dei khyoo: yo' he: da" mougmyid tho' moo shau" nyid wa shid re" we: hau: jeju" tarha" gi ngoonu" ri jhoug" byid: nyid.

HEBRE 10:25

Nyhang" nyang: cang" zeung: foem: da" thung" ri ri dayham" gi she: pyam' nyid boem ago". Nyhang" gi houg: su" akoid boem loo: za: hau: Aseing: doem ju" ri" wa da" bidnyid jhang loo bye: ziri se' nyid boem bye: yoomo nyang: cang" nyang: je" wigi yoem: byid: go" nyid boem shang.

HEBRE 9:26

Houg: su" xoin" myo" sho' lheing: dato' nyid ca" shi" nghoid rigi mougmyid' ri phain" shed" jang" mo nyang- myo" sho' lheing: doem: shid: kham: kham: koid nyid wam: bye. Akhid" koem' gi mougmyid pyaid thang wa zi jhang lo nyid uri pyaid didu shid mo dalheing: dam, bain sho' nya: gung du: ri xoin" to' pyam' bye: ziyo' youg: noo yooboo ri shoem" shoung: pyam byid: bye.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

1PETERU 3:7

Houg: yo' dakhyoo" ti"- yhoem: seing: pho we"- nanu" da" yhoem: seing: myhi' yi gi nanu" tho' moo yoem: neing: mo, nghoid ziri se' lho: nyangnu" yo' zoem" khau: nyid ge'- nyangnu" gi apyaid' ato: kangso yo' sen: da" jeju" ri nanu" yo' da khyoo" ti" yo" yu wa mo, nghoid yoomo nanu" gi nyangnu" ri phoug" phoug" myang myang zoem" khau: nyid ge'- hougsu" nghoid lang" she' nanu" da" akyu" mho' thui: gi khanham we' dakhyoo" ti"- yo' mho' nyid boem wa zi nghoid.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

Pang Shug 16:15

Gyo: yu" ge'. ngoo gi khoug" su: ju" re" yhang: ti" ju" ri" wa Houg: yoomo byimi avoid shoo" cen: doem: nghoid nyid ziyo' sube" da" shid khoin" moo sho' athu' wa shid re" gyeung: boin: nyid wigi nyang: nya: da" byimi, ri zung" nyid su: gi ngi: lhoo' wa zi nghoid.