1PETERU 4:14 - Lacid Common Language Bible

¹⁴ Nanu" gi Khristu da" thang: cang mo, bui' yoomo gei sang: shang pyang: zi shau" da" uri ngi lho, boem bye. Khasu" wim ga: ri houg: yhang: ti" thoung" shau" nyid da" uri Mangso venyi ein: da" myonhoo: phung" yoeb, yo' joeb byeung" da" venyi gi nanu' da" atho' moo ju" nyid bye: yoomo nghoid.

1PETERU 4:14 교차 참조

1 KHOKHAM 10:8

Re" yhoem: seing: myhi' yigi gye" gam ge nyid da:. Re" nam moo khanham we' nyid da" re" dei zoo: yi yo' re" phajhi" dang: ri shoug" gyoo: wa da" akhang" yoo" bang gi gye" gam ge nyid da:.

2 KHOKHAM 2:15

Yerikho mo Lapi: wim: xi: yug gi nyang: ri myang wigi «Elia da" yoem so' gi Elisha adang moo jo, jo, abye:» ga: tid ago". Nyangnu" gi nya: jhang yhe: wigi nya: shidkhoin" moo yhe: goeb pid lho:

COUNG" NGHEI 146:5

Yaku da" Mangso pang" thoug khyoo: yo" yu su: yo' Aseing nya: Mangsoo moo: khau: nge: nyid su: gi ngilhoo' su: nghoid nyid.

COUNG" NGHEI 89:51

Aseing we"- nang khyen: nyheung to" da" khokham phoo ri re" da" gyivoo joem aphoug" akhyoid, koid nyid boem. Nyang so" lo" joyoo khyi khang" moo" moo: «Nyang ri nyangnu" gi aphoug" akhyoid koid nyid boem.

ESAIA 11:2

Aseing da" Venyi: gi nya: byumyu" yiri vhoeb wa shid re" Phajhi"- Lasi phajhi" yo' se' jhang: khyoo: ri nyang: ri byid: loo wa. Nyang: gi Aseing da" myid vho: khyoo ri se' wigi nyang: ri phau" myang: byid: loo wa.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

MATHE 5:11

«Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

YOHAN 9:28

Houg: bang: gi nang za: nya: cangzoo: danghoid. Ngoonu" gi Moshe da" cangzoo: yi nghoid ga: nyang: ri juang" ago".

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

ACTS 13:45

Yuda byumyu" yi gi hau: mung" byu yi ri re" zheung: myang lang- nyangnu" gi myid yu" nau: boem yoomo-Polu kho" kyo" da" mungdang: ri ngeug pyam' boem lho: wigi nyang: ri aphoug" akhyoid ga: rue" da" dang: ri tid ago".

ACTS 18:6

Nyang: nu" gi nyang: ri aphoug" akhyoid tid ngeug lo nyid lang" Polu gi nya: byimi, joem mo phei" lhoug: joem ri ko: khyo, pyam' lho: nanu" joem: lo" boem lang" gi nanu" nya: yooboo za: danghoid loo: wa Nga" vhudi tho' moo gi ce" yoovoin, we' ajo, loo:- akhid " nyid" mo thei: gu: ngoo gi tungbau byumyu" yi ri mungdang: kho" kyoo" wa shid re" yhe: loo" zi nghoid bye- ga: tid.

ACTS 28:22

Khasu" wim gari nang bo da" phung: ri khyi, khang" moo mung" byu yi ngeug thoug shang" nyid ziri ngoonu" se. Nghoid loug we' nang myed khyoo: ri ngoonu" we' tam" gyoo: nau- ga: tid ago".

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

2~KORINTHU 12:10

Hougsu" nghoid yoomo ngoo gi Khristu yoomo kham zeing: da" yoem: nu: khyoo joem- zeing:-kyi" khyeug khyoo:- pyishoo: lug lheung: khyoo: yo yau: khe" khyoo: yoomo gau yi nheig deug nyid.

2~KORINTHU 4:10

Aseing Yesu gi ngoonu" da" gungdu: moo dei loeb kangso' kaid byid: nyid ziri bang bang se' loo wa shid mo ngoonu" da" shid: se' da" gungdu: joem gi Yesu kham zo: lid loo bye: da- shid: gyoin noogyoin, kyi" khyeug jam jau khyoo: ri khanham we' kham zo: nyid boem.

2~KORINTHU 4:16

He: da" khyoo: joem yoomo ngoonu" gi khanham we' nheung loem: ayoin"- yoem: agyau: boem. Ngoonu" da" nghizain shoid khyo" yo' shau" myang nyid da" xangsu alhoo: gi yen, yen, za: byo, yoin" lo" nyid bye Nghoid loug we' akhoug: mo Venyi alhoo: gi nyid: khang" moo"- Aseig doem soin' nyeung byid: nyid ziri yo" shau" kham: yu nyid boem.

GALATI 1:24

Houg su" nghoid yoomo nyangnu" gi nga" khyoo: gang mo Mangsoo ri coung" nghei nyid boem ago".

HEBRE 11:26

Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 3:14

Nghoid loug we' gyeing" nyang: nanu" gi deungmain" deing byeung da" moo" zei: yoomo shid: gyoin, noo gyoin yo' shen" yhen zi: shau" nyid rilang"- nanu" gi khayhi' ngi lho, boem bye lha". hang" ri we' agyug nyid goo"- myid' we' amyo: nyid goo".

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1PETERU 4:16

Nghoid loug we'-Khristain byu dayug nghoid yoomo shen" yhen zi shau" nyid nghoid rigi ce: sho' cang aboo. Khristu da" myeing voin, su: yo" bui' yoomo Mangsoo ri jeju" boin: nyid ge'.

2PETRU 2:2

Hougsu" danghoid sho' loug we' byu myoo" sho' bang: gi nyangnu" da" age aved asam" khyoo: moo bo cang lo" boem wa zi nghoid. Nyangnu" houg: su" koid boem yoomo hau: deungmain" da" akhyoo" ri byu gooji bang: gi age khyoo" gei sang: juang" yi pyam boem wa nghoid.