1PETERU 4:11 - Lacid Common Language Bible

¹¹ Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

1PETERU 4:11 교차 참조

COUNG" NGHEI 145:13

Re" da" vhoeb khang khyoo: gi pyaid moo: too" moo: dageung: jo, lho: wigi apyaid atoo: mo khokham phoo nyang: nghoid bye:.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

YEREMIA 23:22

Ngoo zau" to" da" myid soin: khyoo: ri nyangnu" se' gyo: nghoid ri nyangnu" gi nga" mungdang: ri nga" byumyu" yiri yo" tid fu" lho: nyangnu" akhyeing" da" kangso' dei khyoo: ri yo' nyangnu" koid da" akhyeing" moo" zoo" joem ri nyangnu" yo" to" pyam nhang: goo" wa nghoid da:.

DANIELA 4:3

«Ngoonu" ri Mangso wigi toin" shed byid: da" moug" pho" zigi khayhi' gyi: sheung: nyid la". Nyang: koid da" mau" pho" alhoo: again joem gi khayhi' yoem: so' gyi: nyid la". Mangsoo gi apyaid atoo: mo Khokham nghoid da:. Nyang: gi ayo, byeung" sho' moo vhoeb nyid wa.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

YOHAN 13:31

Yuda thu' loo" khare" thang: ri Aseing: Yesu gi Akhid" byu da" nya: zoo: gi myo, nhoo: ngei: lang: bug thu' sheing" jhu" lo zi shau" bye. Mangsoo we' hau: yug: yoomo myonhoo: bug thu' sheing" jhu" lo zi shau" bye.

ACTS 7:38

Nyang: gi dain" pyoid yoo moo Israela byumyu" yi yo' dage- shoin" nyid lho: houg: moo ngoonu" phoug" phyid" yi yo' dage" Sina boem tho' moo nang yo' dang: tid go" da" moug: lagyoo: yo' dage" nyid loo su: nyang: nghoid bye. Ngoonu" ri lhid" kaid' da" kangso' dei nyid da" Mangso jang" mo mungdang: we' yo" kham: yu su: nghoid.

Roma 11:36

mangsoo: gi - jo, moo jo, ri phain" to" lho: hau: zi joem gi Mangsoo: khyo" wigi we' Mangso: shid' re" nghoid loug we' dageing: teing" jo boem. Mangsoo: gi apyaid' atoo: myonhoo: phung" yoeb doug bang nyid baja" o" Amen.

Roma 12:3

Nanu' gi nyang: nyang: te: nghoid da tho' mo jain" lho: nghoid aboin: goo" wa shid' re" - ngoori Mangsoo: byid da" Venyi jhe" ju" jhung: shug ri yu" lho: - nanu" dangain" mo jhang khyoo: ngoo tid pyeing: kyo" kaid'. - Nanu" yug khang" moo" gi nyang: nya: gung doem: ri phung yau shang apyang: wa khyo" myid yu" nyid boem ge'.

Roma 16:27

Dayug kyeing" nghoid lho: dangain" ri yo" myang se' da" Mangsoo: gi Aseing Yesu Khristu khyo" wigi apyaid' atoo: moo bug thu' sheing" jhu" da" myo nhoo: phung" yoeb dajo jo nyid baja" o" Amen.

Roma 3:2

Akyu" gi shoid' khang" moo" bo. Xang: shid" mo yuda byumyu" yigi Mangso: da" mungdang: ri loem" khou boem.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

1Korinthians 12:4

Akhid" Venyi jeju" jhung shug aja" ja: boo nghoid loug we'- hau" jeju" jhung: shug joem ri- Venyi dayoug wigi: kyeing byid: nyid zi nghoid.

1Korinthians 3:10

Mangsoo ngoori: byid: da" jeju" jhung: shug ri ci: lho: gye" se' da" yhoem: zhoug lag sama phoo yhang: ti" ngoo gi apoem: ayang: ri qei" too" byid: bye. Gootu: byu dayug yug gi hau: da" apoem: moo: doem bo zhang qei" do, lo" nyid nghoid loug we' zhang qei" do, loo" mo, dayug yo, dayug gi nyang: tu: nyang: khasu" zhang qei" do, lo" nyid ziri:- zid" lhid' nyid goo" baja".

1Korinthians 6:20

Hau: Aseing gi nanu" ri aphoug" phyed' lho: qei yu too" mo, nghoid- Hougsu" nghoid yoomo- nanu" da" gung doem: yo' Mangso da" myonhoo: phung" yoeb, ri thu ri" nhang: wa shid re" ci: yhoung: nyid ge'.

2~KORINTHU 2:17

Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.

2~KORINTHU 9:13

Hidsu" nanu" da" doo" zho" da" moozoo" ge da" aved alhoo: yoomo byu yi myoo" sho' gi Khristu da" ngei bu: ngeilho, da" ludang: ri nanu" loem" jeung" lhoem: yu ci: bye: yoomo we' nanu: da" jheddab emyed yo" nyangnu" ri we' gootu: byu yi ri we' agoin ayu: alu: byid: bye: yoomo we' Mangso da" myonhoo: phung" yoeb ri coung" nghei nyid boem wam: bye.

Ephesu 1:19

Khamyho, agoin ayu: nghoid nyid da" khyoo: ri we' Aseing: ri loem" jeing" bang: ngoonu" moo nya: yoem: so' gi khayhi' gyi: sheung: jo, ziri we' nanu" shau" myang se' lo boem baja"- nanu" da" nheigloem: ung: khoug:- soozoo: lheung: lo wigi nya: da" bidbang ri myang loo: baja"- ngoonu" moo moo" zei: nyid da" he: da" yoem: so' gi

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

Ephesu 5:20

Nanu" da" Aseing Yesu Khristu da" myeing ri lang: lho: khyoo: khaid gu: khang" moo" moo phoo Mangsoo gi khanham we' jeju" boin: coung" nghei nyid ge'.

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.

1 TIMOTHI 1:17

Akhe" apyaid' atoo: mo Khokham" nghoid wigi abyo, ayoin" lo: khyoo: ri myojid" yo' ayo" myang- dayug kyeung" da" Mangso jang" moo myonhoo: phung yoeb, bug thu sheing" jhu" khyoo: gi apyaid' atoo: moo dajo, jo, baja"- Amen.

1 TIMOTHI 6:16

Nyang: kyeing" za: ashid: abyug su: nghoid wigi nyang: gi hang" we' ayo" tain" tab yhe: da" bidbang moo loung" jo. hang" we' nyang: ri amyang yu" ziyo' hang" we' nyang: ri age myang. Nyang: moo myonhoo: phung yoeb, yo' apyaid' atoo: moo ashoem: apyang: zi dajo, jo, baja" o"- Amen.

TITU 2:1

Nghoidloug we' nang koem' gi jo da" loem" jeung" khyoo: yo" du veing" go" da" laloem lakhoug: nheigloem: sham: shoin" goo" wa khyoo: ri kho" kyo" jhoug" byid: ca" nyid.

TITU 2:15

Nang gi he: da" khyoo: joem ri kho" kyo" jhoug" byid: nyid we'. Nang yoem: byid: tid kyeing" tid poin" jhoug" byid: nyid da" uri - nang yo" da" amyeing" akhang" dangain" ri ci: we'. Hang" nghoid loug we' nang ri aphoug" akhyoid, ayu' nge pyam baja".

HEBRE 13:7

Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.

HEBRE 5:12

Ayo, akhyeing: khyo" soin: yu" rigi nanu" gi sara bui" moin: yo, nghoid boem bye- nghoid loug we' Mangso da" apoem: ayang: mungdang: ri lang" gi byu dayug yug wigi nanu" ri dajhoug" byid: ca" shi"- nanu" gi thain: da" zoo: noem ri zoo: wa shid mo noug" za: dashug ca" nyid boem shi".

YAKU 1:19

Jheddab da" mangnhung" yi we"- he: khyoo: ri xoem" too" ge'.Nanu" gi tam" gyoo: wa jang" moo myab, ge' dang: tid wa jang" moo nheig yoo: wa jang" moo gi ahain: goo".

YAKU 1:26

Nanu" mo byu dayug yug gi laloem lakhoug: byeung" su: nghoid ein: myid, nyid go" la". Nang gi nanya: da" yhoo: ri ayo" zei: ci: nghoid rigi re" da" laloem lakhoug: gi ce" phoug" we' adab ziyo' nang gi nanya: gung du: ri mhau' nyid su: nghoid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 4:10

Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.

1PETERU 4:16

Nghoid loug we'-Khristain byu dayug nghoid yoomo shen" yhen zi shau" nyid nghoid rigi ce: sho' cang aboo. Khristu da" myeing voin, su: yo" bui' yoomo Mangsoo ri jeju" boin: nyid ge'.

1PETERU 5:11

Nya: jang" moo apyaid' atoo:- myonhoo: phung" yoeb, bug thu' seing" jhu" jo, baja" o" Amen.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.