1PETERU 4:10 - Lacid Common Language Bible

¹⁰ Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.

1PETERU 4:10 교차 참조

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MATHE 24:14

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

MATHE 24:45

«Loem loug ziyo' phajhi" bo da" deizoo: gi hang" nghoid la". hau: yug gi nya: yhoem: seing: da" deizoo: gootu: ri vhoeb' khang" lho: ayo, ju" lang" zoo: shug thug byid: wa shid re" yhoem: seing: wigi khyen: nhang: too" su: nghoid.

MATHE 25:17

Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye.

MATHE 25:44

Houg: lang" houg: bang: gi ‹Aseing we"- Aseing zooyoid nyid zi gyid shid yen" ziri being" voo bue" yen" ziyo'- byimi avoid loo: nyid yen" ziri no, nyid da" ziyo'- thung: loung" jo, da" khyoo: ri ngoonu" khanham myang lho: wigi Aseing ri acoung: agoin loo: nyid boem lha"› ga: wigi phougtu" boem.

MARKU 10:45

Khasu" wim ga: ri byu nya: zoo: lang" ri subi" ri join, zoo: wa shid' mo ju" re" zi anghoid- subi" ri bo pang zei: wa ziyo' byu myoo" sho' khyoid' yu wa shid re" nya: kang: so' ri byid: pyam wa ga: ju" re" zi nghoid- ga: tid.

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

LUKA 19:13

Gyung: aso" loo" shi" ri nya: join daxi: yug ri khe: yu lho: dayug ri sheing: dakyab kyab byid: wigi ngoo doem ju" lo nyid" ju" sho' phaga: koid: nyid lang" ge" ga: tid.

LUKA 8:3

Herod khokham" da" yhoem: vhoeb khang" da" zoug: moo"- Kutha da" yhoem: seing: myhi'- Yohana- Susanna yo" myiyi: gootu: myoo" sho' mo, gi nyang: nya: joyoo jang: moo Aseing Yesu yo' nya: cangzoo: yi ri ca" moo ca" bo pang" thoug ago".

Roma 15:25

Nghoidloug we' akhid" lei lei zoo: ngoo gi - Mangso: da" phung: byu yi ri pang" thoug byid wa shid' re" Yerusalem voomoo" khyoo: yhi: ca".

Roma 15:27

Nyanu" hougsu" pang" thoug go" da" khyoo: gi - gootu: yoomo anghoid. Nyang: nheig myen: khyo" yoomo za: danghoid. Gyeing" nyang: ein: rigi hau: sho" jhen: mo ri pang" thoug wa zi gi Nyanu" moo yoovoin bo zi nghoid. Yuda byumyu" yi gi tungbau byumyu" yi yo" dage" Venyi: mainkaid jeju" joem' ri nyanu" ri gam byid: rigi tungbau byumyu" yi we' Yuda byumyu" yi ri zoo: wa void wa moozoo" moo pang" thoug eung: nyid.

1Korinthians 15:10

Hougsu" nghoid loug we'- Mangso jeju" yoomo- ngoo gi he: yam" nghoid nyid. Nyang: ngoori: byid: da" jeju" gi akoem: anghoid loo-gootu: lagyoo: yi tho' moo: ngoo moo" ri je" voin, vu, bye. Hougsu" yo" koid da" khyoo: gi nga" da" yoem: so' khyo" anghoid- ngoo yo' dage" moo" zei: nyid da"- Mangso jeju" yoomo za: date: nghoid.

1Korinthians 3:10

Mangsoo ngoori: byid: da" jeju" jhung: shug ri ci: lho: gye" se' da" yhoem: zhoug lag sama phoo yhang: ti" ngoo gi apoem: ayang: ri qei" too" byid: bye. Gootu: byu dayug yug gi hau: da" apoem: moo: doem bo zhang qei" do, lo" nyid nghoid loug we' zhang qei" do, loo" mo, dayug yo, dayug gi nyang: tu: nyang: khasu" zhang qei" do, lo" nyid ziri:- zid" lhid' nyid goo" baja".

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

2~KORINTHU 9:1

Yuda mung" mo Mangso da" byu yi yo" sen: da" bo pang" thoug khyoo" yo' sen: lho" wigi nanu" jhang khyoo: ngoo mougsoug" lhid" kaid anoo" loo.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

2 TIMOTHI 1:18

Aseing: gi nyang: ri hau: tarha" dang: phyed' da" bidnyid moo nheig khyeug khyoo: byid: baja"- Ephesu voogung moo nyang: gi ngoori khayhi' pang" thoug bye: khyoo: ri nanyang: goo" lhoo: si' bye.

TITU 1:7

Khasu" wim ga: ri phung vhoeb phoo gi Mangso moozoo" ri yoovoin yu lho: wigi voinvu, nyid su: nghoid yoomo yooboo aboo su: dage koid. Nyang: gi nheigloem: myhang: su:- nheig yo: phoin: su:- yhid" shug noug su:- myeing" myoo: yhoo: shi: su:- dang: nug nu: su: age nghoid ngi ri myo, no, vhoo: boo su: we' age koid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

1PETERU 5:12

Ngoo gi he: da" mougsoug" lhid" zoore"- Sila bo pang" byid: khyo" he: mougsoug" ri nanu" jhang khyoo: lhid" foin: kaid' sila gikyed da" Khristain mang nhung" dayug nghoid ein:- ngoo myid loem nyid. Nanu" ri yoem: byid: da" dang: tid wa ziyo' - nanu" shau" kham' zo: da" jeju" gi Mangsoo byid: da" jeju" gyeing" nyang: nghoid da" ziri sag si: kham' wa shid re" he: da" mougsoug" ri lhid" kaid. hau: jeju" moo geung: tung yab, jo, ge'.