1PETERU 3:8 - Lacid Common Language Bible

⁸ Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.

1PETERU 3:8 교차 참조

COUNG" NGHEI 103:13

Nya: phoo gi nya: zoo: yiri nheug khyeug shoo" myen: nyid yhang: ti" Aseing we" nyang: ri phau" myhang: nyid bang: ri nheug khyeug shoo" myen: nyid.

DANG: ZHOEM 28:8

Subi" gooyug ri mhau' fain" lho: atu" amyaid yo' ngei jhid" zo: khyo" wigi yo" loo de, lo nghoid rigi re" da" ziyoo jonu" joem gi sho" jhen: bang: ri nheig se' khyeug su: da" lo, khoug: khyoo ju" lo" byug wa zi nghoid.

ZEKHARIA 7:9

Yoem: moo" bo da" Aseing tid zigi «Nanu" gi deingmain" da" tarha" dang: kho' lho: yugkhang" moo" nya: mang: nya: nhung" ri nheig khyeug go" wigi hau: nheig khyeug nheigloem: toin" shed go" nyid we'.

MATHE 18:33

Nang ri ngoo nheig khyeig yhangti"- nang we re" da" byen cang" ri nheig ge khyeig anghoid rhe" ga: tid.

LUKA 10:33

Nghoidloug we' Samari byu dayug gi gyung: so" lo" ri hau: da" byunoo jang" moo ju" loo" lang" hau: noo su: ri myang wigi nheig khyeig myid boo.

ACTS 2:1

Pentikoti bidnyid ju '' loo lang-loem'' jeung" da'' byu yi dangain'' mo joyoo da loem: moo za: zeung: phoung nyid boem ago".

ACTS 27:3

Hau: thang: nyid ri ngoonu" gi Sidon voogung khyoo: ju" yhe: lo" boem bye. Gyizoug: phoo Yuli gi Polu ri nheig yu" khyeug wigi Nya: da" bidnoem byen cang" yi jhang khyoo: yhe: shau" goo" nhang: lho: Nyang: moo ca" yo, da" khyoo: dangain" ziri yu" coung: wa da" akhang: byed.

ACTS 28:7

Houg: mo wigi athei" ve: da" joyoo moo hau: gugyoo: kang: mo da" agyi phoo bobli ga: su: seung: ci: da" moug: myed jo, da. Hau" agyi phoo gi ngoonu" ri nyeing" za: being" lhoem: tau, yu lho: soem" nyid" nyang: being" did" byid: bye.

ACTS 4:32

Loem" jeing" bang: dangain" mo, gi nheigloem: e" myed dakhaid za: nghoid ago". Hang" we' nyang: nya: da" soid gain ziyoo joem ri Hid: nga" zi nghoid ga: atid boem loo- Nyang: nu" yo" da" zi joem dangain" ri dage" soin" ci: shoin" vho, nyid boem ago".

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

Roma 15:5

Nanu" dangain" mo gi - Khristu koid' shug aved asam" ri cang lho: wigi nheigloem: ung: khoug: daloem: za: boo wa shid' re" kham' zeing: yoem: vhoo" yo" geing: teing nheigloem: ri kaid' byid: da" Mangsoo: gi Nanu" ri pang" thoug nyid baja".

1Korinthians 1:10

Mang nhung yi we"- ngoonu" da" Aseing Yesu Khristu da" amying" akhang" yo' nanu" dangain" bang: ri ngoo mho' sang: kaid. Nanu" moo: emyid, aveing" goo" wigi- byo, sain" lo" zi abue" loo wa shid re nanu" ji, sang: da" khyoo: moo- nyang: cang" nyang: sham" shoin" goo" ge'. Nanu" da" myid soin: lo" khyoo: moo- nheigloem: dadeing: dakhaid za: koid nyid ge'.

1Korinthians 12:26

Houg: yhang" te" da" akung: ako'" daloem: gi noo, phyoo" jam, jau gye" shau" nyid uri- akung: ako'' gootu: we' houg: yo' dage" bo no nyid bye. Akung: ako' daloem: ri coung nghei, byid: zi shau" nghoid rigi- gootu: akung: ako'' joem dangain" we'- hau: da" gau yi ngei bu: khyoo: ri bo, shau" kham: yu nyid boem.

Ephesu 4:2

Khanham we' khyo' nyhoem: lho: wigi nu" nham, ziyo' kham, zeung: nyid ge'- nanu" nyang: cang" zeung: kham, go" lho: jheddab emyid ri toin" shid go" nyid ge'.

Ephesu 4:31

Houg: yoomo nheigloem: moo no khyoo: nheig khoo" yo: khyoo: nyho: yoid phau: nheung" ziyo' aphoug" akhyoid koid zi anoug angei da" nheigloem: aja: ja: yo' houg: yo' du go" da" khyoo: joem dangain" ziri shoem" shoung: pyam ge'.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

PHILIPI 3:16

Kha: khyo" nghoid loug we' ngoonu" gi akhid" nyid" ju" sho' ngoo nyang: cang lid loo bye: da" akhyoo" aved, joem yo" dakhyoo" ti"- shid' khyoo: jhen" yhe: lo" nyid boem shang.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

HEBRE 13:1

Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

YAKU 3:17

Nghoid loug we' tho' khyo" ju" gyoo" lo da" phajhi" ju yhi: koem gi xang: shid" re young" gyeung"- hau: thang: moo myenjham" ngei pyo: khyoo:-nu" nham, khyoo: young" du, nyeung veung" khyoo: ri bue" thu loo nhang:- hau: tho' moo gootu: nheig khyeug khyoo: yo' joeb byeung" wigi ge thang moozoo" ein: da" aboo" bo" lho: ashi" zei: loo nhang: se' nyid. hau: zigi myonhoo: ase' khyen:- nghoid boin: da" khyoo: aboo - akug ase' void.

YAKU 5:11

Nyangnu" gi yo" kham: zeing: mo, nghoid yoomo nyangnu" ri ngi: lhoo' mo, ein: ngoonu" tid boem bye. Yoba khasu" kham, zeung: khyoo: ri we' nanu" shau" gyo: yu" boem bye. Lo" thang moo Aseing: gi nyang: ri khasu" coung: goin, khyoo: ri nanu" si' bye. Khasu" wim gari Aseing: gi nheig khyeug wigi athang agoin myed yo' byeung" su: nghoid nyid.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 2:17

Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".

2PETRU 1:7

Tarha" phau" cang jang" moo mang: nhung" ri jheddab zi mang: nhung" ri jheddab tho' moo" - athang agoin zi dakaid loung: nyid ge'.

1YOHAN 3:14

Ngoonu" gi mang nhung" yi ri jheddab nyid bye yoomo ngoonu" gi shid: jo, jang" mo dei nyid shoid khyoo: yo" rhue, lid loo" bye: ziri ngoonu" se' boem bye nya: mang nya: nhung" ri ase' jheddab su: gi hau: shid: lo" da" yoem: so' khoug: moo danyid nyid shi" su nghoid.