1PETERU 3:21 - Lacid Common Language Bible

²¹ He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

1PETERU 3:21 교차 참조

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

YOHAN 13:9

Houg: lang" Petru gi Aseing: we" nga" khyid: za: anghoid loo:- lo, yo" vhuloem ri we bo cid" byid: we' ga: tid.

ACTS 16:33

Hau: myen, nyang: thung: agyi phoo gi nya: eig yug ri shu" yu lho: nya: eig youg da" dam noo joem ri ced" san byed. Nyang: yo' nya: da" yhoem: byu yi dangain" mo, gi houg: lang" jang: Babtisma ri zheung: kham: yu boem bye.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

ACTS 22:16

Nang akhid" cenoem, wim, wigi nhe" nyid kha? to lho: Babtisma kham: yu re' - re" yooboo ced" shang: pyam' zi shau" wa shid' re" Aseing: ri Akyu" mho' we' ga: ngoori tid.

ACTS 8:36

Nya: eig yug gi hougsu" so" gyo" lo" da" uri gyid jo, da" joyoo moo ju" lo" ago". Houg: lang" zoug: phoo gi yu" we' hidmoo gyid yau, da- ngoo babtisma kham: yu wa shid re" toem, too" cang ce: noem bo la"» ga: myed: yu".

ACTS 8:37

Philib, gi nyang: ri nang gi re" da" nheigloem: ung: khoug: dangain"- Yesu khristu ri loem" jeing" bye: la". loem" jeing" bye: nghoid rigi nang babtisma ge, kham: yu bye- Houg: lang" hau: zoug: phoo gi Yesu Khristu gi Mangso nya: zoo nghoid ziri ngoo loem" jeing" bye" ga: tid. (Loem, ge" da" Grid" jhoem: mougsoug" " xoug" dayham" moo he: da" axeing zoo: gi aboo.)

Roma 5:14

Nghoidloug we' shid: lo" da tarha" gi Adam da" bidnyid mo wigi Moshe da" bidnyid ju" sho' byu dangain" ri vhoeb' khang" ci: bye. Hau: da byu dangain" mo gi Adam: yhang: ti" Mangso: da" tarha" ri rhoi lho: yooboo akoid' nghoid loug we' nyanu" ri nyang: shid: da" tarha" gi vhoeb' khang" zeing: ci bye. Hau: Adam: gi thang: phyang" ju" ri" wa Aseing: da" vhoid ri voin su: nghoid.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

1Korinthians 4:6

Mang: nhung" yi we"- nanu" shid mo, ge da" khyoo: ri myid yu" zoore- He: da" khyoo: moo: ngoo yo' Apolo da" khyoo: ri dang: tu, khyo" wigi- tid kyo" zi nghoid. Hougsu" tid kyo" zigi: young" du da" tarha" ri cang pyeung nyid ge ga: da" dang: khyang" mo da" dang: kang: ri- nanu" se' gyo: yu wa shid re" nghoid. Nanu" mo, dayug rigi: khyeig nghoid khyo" myid gyi: to" lho: dayug rigi: aphoug" akhyoid akoid nyid goo.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

GALATI 3:27

Nanu" gi Khristu yo' daloem: za: bui" wa shid re" Babtisma ri kham: yu boem bye: nghoid yoomo Khristu ri void byi: void mi yhang: ti"- void ci: abye: go.

Ephesu 5:26

Nyang: hougsu" koid da" khyoo: gi phung ri gyid yo' bain ced" kyeung pyam thang: moo nya: mungdang: yo' hau" phung: ri Mangso jhang khyoo: ab, nung" byid: khyoo: nghoid.

KOLOSE 2:12

Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

1 TIMOTHI 6:12

Loem" jeung khyoo: yo" sen: da" tang" shi, go" pui" moo yoem: bain' sho' kaid' lho: gei lo" wigi apyaid' ato: da" kangso' ein: da" jhung: shug yo" yu sho' tang" we'. Khasu" wim ga: ri hau: kangso' dei nyid da" khyoo: moo nang ri mangsoo khe: yu da" uri nang gi sagsi: myo" sho' bang: da" shid' moo yhen: yu abye:.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.

HEBRE 11:19

Mangsoo gi Isag ri shid: jang" mo doem dei to' loo nhang: wa ga: wigi Abraham myid soin: to" ziyo' dakhyoo" ti"- gyeing" nyang: Abraham gi Isag ri shid: da" jang" mo doem yo" yu bye.

HEBRE 13:18

Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.

HEBRE 9:14

Khristu da" suid" gi hau: tho' mo je" wigi yo" ced" yung" ced" lho, byid: zi anghoid goo" la". Khristu gi hau: apyaid' atoo: mo venyi yo' nya: da" gung du: ri ce" noo abo da" xoin" khyo" wigi Mangsoo ri ngei" byid: pyam bye. Dadei nyid da" Mangsoo ri ngoonu" yo" noku coung" nghei sho' Khristu da" suid" gi ngoonu" da" nheigloem: e" myed ri akyu" abo da" noku loem, khau: khyoo: moo cang lo" jang" mo yo" ced" yung" ced" shang: yu byid: bye.

HEBRE 9:24

Khasu" wim gari Khristu gi gyeing" nyang: gyeungshang: joyoo gyeung" da" ladu nghoid - byu yi da" lo, wigi koid to" da" gyeungshang: joyoo moo avang loo" loo: za: moug: khung: khyoo: nyang: vang lo" wigi akhid" yha" da" gung thid' Mangso shid' khoin" moo thu' myhang loo" bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.