1PETERU 3:1 - Lacid Common Language Bible

¹ Houg: yo' dakhyoo" ti"- yhoem: seing: myhi' yi we"- nanu" da" yhoem: seing: pho, vhoeb, khang" khyo" cang nyid ge'. hid: su" koid khyo" wigi Mangso da" mungdang: ri aloem" jeing" shi" yhoem: seing: phoo yo" nghoid ri nanu" nyid yab, zei: so' da" aved, asam" yoomo loem" jeung" lo boem wa zi nghoid- nanu" da" nhoid mo wigi ci: tid anoo.

1PETERU 3:1 교차 참조

APOEM AYANG: 3:16

Xo' lho: myiyi: myhi' ri we' «Zoonu" gung moo re" da" yau: khi" je" myoo: nhang: lho: zookhu: uri noo nhang: wa. Nghoid loug we' nang gi re" yhoem: seing: phoo moo nheig nhei: nyid ca" wigi nang gi nya: da" vhu" she: akhoug: moo nyid wa zi nghoid» ga: tid.

DANG: ZHOEM 11:30

Deingmain" khyoo: gi kangso' ri byid: nyid nghoid loug we' athoug" akhyoug: koid da" khyoo: gi kangso' ri yu pyam byid: nyid.

DANG: ZHOEM 18:19

Re" mang: nhung" phoo ri pang" thoug we'-nang ri nyangnu" gi geung: jo, da" voogung vang khyam: yhang: ti" coung: goem' byid: loo wa nghoid. Nyang: yo' dabyo, go" nyid nghoid rikoem gi nyang: gi nang ri khoem" lhoem: dain" pyam wa nghoid.

MATHE 18:15

«Re" mang: re" nhung" nang ri shoid nghoid rigi nyang: shoid zi ri si wa da" shid re" nya: jhang khyoo yhi: we'. Nghoidloug we' re" eig yug za: shau" doem goo" ge' re" dang: ri tam gyo: nghoid rigi hau: mang: nhung" phoo ri nang yo" khyoid yu bye.

Roma 10:16

Nghoidloug we' hau ngei bu: lu dang: gi ri byu dangain" mo aloem" jeung" boem. Lapi: Esaia tid to" zi gi - O phoo Mangsoo: we" ngoonu" tid fu" da" ngei bu: lu dang: gi ri -hang" loem" wa lha"» ga: tid.

Roma 6:17

Nanu" gi dalheing: ri - Yoobo join koid' yu" nghoid loug we' akhid" gi jhau" mho' khyoo: ri tam" gyo: loem" jeung" da" deing byeung" khyoo: ri nheigloem: ung: khoug: dangain" yo" nanu" kham: yu bye: yoomo ngoo gi Mangso: da jeju" ri coung" nghei" nyid.

Roma 7:2

Dang: tu' tid shang ein: rigi Deingkhu: vang da myiyi dayug gi nya: yhoem: seing: phoo dadei nyid nyid gi hau: yug yo" loxo' to" tarha" khyo" nyid ca. nghoid loug we' yhoem: seing: phoo shid: thang: ri koem' gi loxo' to" da tarha" mo nyang: loid loo" bye.

1Korinthians 11:3

Nghoid loug we'- yuggi yi dangain" bang: da" vhuloem gi Khristu nghoid nyid. Myi yi: yi da" vhuloem koem gi yuggi yi nghoid. Khristu da" vhuloem gi Mangsoo nghoid nyid da" khyoo: ngoo nanu" ri se' gyoo: nhang: nau.

1Korinthians 14:34

Mangso da" byu phung: yi dangain" jang" moo- cang nyid da" akyoo" again yi: dakhyoo" ti" myiyi: yi gi hau: zoeb, phung: moo: sam" zoo: nyid nyid goo" baja" nyangnu" gi dang: tid wa da" akhang" ajo, Yuda be" da" tarha" moo: tid to" ziyo' dakhyoo" ti" nyangnu" gi shu" vhu" shi: mo, age, koid.

1Korinthians 7:16

Khristain yhoem: seing: myhi' we"- nang gi re" da" yhoem: seing: phoo, ri ayo" khyoid yu wa ein: khasu" yo" tid nyid lha" Houg: yo' dakhyoo"- Khristain yhoem: seing: phoo, we"- re" da" yhoem: seing: myhi' ri ayo" khyoid yu wa ein: khasu" yo" tid nyid lha"

Ephesu 5:33

Nghoid loug we' hau: zigi nanu" yo' we' sen: nyid yhoem: seing: pho, yug khang" moo" gi nya: yheom: seing: myhi, ri nya: gung ri yhang: ti" jheddab nyid ca" wigi yhoem: seing: myhi' yi yug khang" moo" we' nya: yheom: seing: phoo ri gyoug phau" nyid ca".

KOLOSE 3:18

Yhoem: seing: myhi' we"- nyang: nya: da" yhoem: seing: pho, tid khyo" cang nyid ge'- hau: khyoo: gi Khristain byu dayug khyo" wigi hau: Aseing: moo cang yhe: loo" wa du, da" khyoo: nghoid.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

HEBRE 11:8

Abraham gi Mangsoo nyang: ri byid: wa"- ga: da" dang: soo" bo nyid da" mung" khyoo:- thu' yhe: loo" wa da" shid re" loem" jeung" nheigloem: gi nyang: ri tam" gyoo: nhang: nyid. Houg: yoomo nyang: gi khakhyoo: yhe: loo" wa zi lang" ase' zi nya: mungdain: mo wigi thu' so" loo" bye.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 3:2

Khasu" wim ga: ri nanu" da" aved, asam" khayhi' gyeing" phyu: young" da" khyoo: yo' phau" myang: nheigloem: ri nyangnu" shau" myang lo boem wa zi nghoid.

1PETERU 3:7

Houg: yo' dakhyoo" ti"- yhoem: seing: pho we"- nanu" da" yhoem: seing: myhi' yi gi nanu" tho' moo yoem: neing: mo, nghoid ziri se' lho: nyangnu" yo' zoem" khau: nyid ge'- nyangnu" gi apyaid' ato: kangso yo' sen: da" jeju" ri nanu" yo' da khyoo" ti" yo" yu wa mo, nghoid yoomo nanu" gi nyangnu" ri phoug" phoug" myang myang zoem" khau: nyid ge'- hougsu" nghoid lang" she' nanu" da" akyu" mho' thui: gi khanham we' dakhyoo" ti"- yo' mho' nyid boem wa zi nghoid.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".