1PETERU 2:8 - Lacid Common Language Bible

⁸ Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

1PETERU 2:8 교차 참조

YOBA 23:14

Nyang: gi nya" shid re" ga: soin' to" ziri koid pyeing" loo wa. Hau: myid soin' to" da" zigi nya: jhang myoo" sho' jo, jang" mo daja: ja: nghoid da:.

THU' LO" MOUGSOUG" 9:16

Nghoid loug we' nga" phung" yoeb gi mougmyid gyab goin" jang" moo fu" nhang loo baja". Nga" yoem: so' nang ri ci: shug byid: wa ngoo gi nang ri dei nyid nhang: too" bye:.

ESAIA 37:26

He: gu: dangain" ri ngoo goonham' mo soin too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem: so' nang ri byid: bye:.

ESAIA 57:14

Aseing tid zigi «Nga" byumyu" yi nga" jhang doem lheing: loo ge'. Nyangnu" da" khyoo: moo kung" keig da" ja: khang" moo" ri yu pyam' ge'. Khyoo: phang wigi jen" jen" koid ge'.

ESAIA 8:14

Nga" gyoug pho" gyeung" shang: zi yoomo byumyu" yi khyid: vhu" thung" leung boem da" lug boem yo' dayhang: ti" ngoo bue" nyid da:. Ngoo gi Yuda mung" byu yi Israela mung" byu yi yo' Yerusalem byu yi dangain" mo, myi" boem wa zi nghoid da" lhid' yo' dayhang: ti" bue" nyid da:.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

Roma 9:22

Mangsoo: we' - houg: yo" dakhyoo" ti" koid. Mangsoo: gi - yo: phoin: myo nhoo: toin" shid' lho: nya yoem vhoo" phung" ri se' lo boem wa shid' re" - vho: ngei nyid. Nghoidloug we' nheig yo: zi thoung" shau" lho: byo yoin" shid: joem: loo" moin: mo ri gye kham zeing: yau: nyid.

1Korinthians 1:23

Ngoonu" koem gi pyeing: zeing tho' moo: shid: kham bye: Khristu da" khyoo: ri kho" kyo" nyid boem. Hidsu" kho" kyo" da" mungdang: gi Yuda yi shid re" nheigloem: thei, leung joyoo nghoid wigi- tungbau byumyu" yi shid re" ce" akhyoo" abo da" dang: za: nghoid nyid.

2~KORINTHU 2:16

Hau: da" shoem: gi soem:" joem: loo" shau" mo, shid re" gi shid: loo" nhang: da" shid" gyoem: noo gyoem: bui: lo" lho: Khyoid yu zi shau" bye: bang: da" shid re" gi kangso' dei loo nhang: da" ngei pyo: da" shoem: nghoid nyid. Houg: yoomo houg: yhang: te" moozoo" ri voin wu, wa shid re" gi khayug moin: yi" nyid lha".

GALATI 5:11

Nghoid loug we' mang nhung yi we"- athang: dayham" ca" ein:- ngoo daxo, kho" nyid nghoid rigi ci: yoomo shen" yhen khyoo: ri ngoo shau" zo: nyid shi" wa la". Hougsu" kho" kyo" ga: zi dadeung nghoid rigi Khristu da" pyang" zeing khyoo: ri ngoo kho" kyo" jang" moo ngoo yau: khe jam jau zi shau" loo wa anghod.

1THESALONI 5:9

Mangsoo gi nya: nheig khoo" yo" da" khyoo: ri kham, zoo: wa shid re" nyhang" ri khyen: yu t o" zi anghoid- Aseing Yesu Khyo" wigi khyoid yu da" khyoo: ri yo" seung: yu wa shid re" khyen: yu to" zi nghoid.

1PETERU 2:6

Khasu" wim ga: ri jhoem: mungdang: moo ngoo gi phoug" dab, da" lug daloem: ri khyen: yu lho: Zi-on boem tho' moo yhoem: jhoin: mo geung: teung lug moo" boem- khyo" zhoug too" bye- nyang: ri loem" jeing" mo, hang" we' gyoug sho' zi shau" wa anghoid- ga: wigi lhid" to".

1PETERU 2:7

Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YUDA 1:4

Khasu" wim ga: ri tarha" aci: da" byu dayham" bang: gi aboin: aso" shoid' khyo" lo vang loung" jo, boem bye- nyangnu" gi yha" phoo Mangso da" jeju" mungdang: ri nyangnu" da" akhyeung" khyoo: ri nghoeb, pyam' byid: wa shid re" ci: yhoung: zoore"-dayug kyeung" ngoonu" da" khyoid yu Aseing Yesu Khristu rigi ngeug pyam' bye. Houg: bang: kham' zoo: wa da" yoobo dam gi jhoem: mungdang: moo goo" nham, mo tid lheom: too" bye.