1PETERU 2:6 - Lacid Common Language Bible

⁶ Khasu" wim ga: ri jhoem: mungdang: moo ngoo gi phoug" dab, da" lug daloem: ri khyen: yu lho: Zi-on boem tho' moo yhoem: jhoin: mo geung: teung lug moo" boem- khyo" zhoug too" bye- nyang: ri loem" jeing" mo, hang" we' gyoug sho' zi shau" wa anghoid- ga: wigi lhid" to".

1PETERU 2:6 교차 참조

APOEM AYANG: 49:24

Nghoid loug nya: lid: gi sam: sam: deing jo, kho' wigi nya: gyi zi joem gi Yaku da" myhang: thang Mangsoo yoem: so' yo' we' Israela ri goem loem nyid su: da" yang zung" su: khyo" we' yoem: boo nhang: wa.

COUNG" NGHEI 40:14

Ngoo ri: said wa soin nyid bang: dangain" joem: lo" wigi zoid phang: lo" zi shoug" goo" baja". Nga" kyi" khyeug khyoo: yoomo gau yi nyid bang: gi nungthang khyoo: zuid phang: lo" wigi asho' ashid: zi shoug" goo" baja".

COUNG" NGHEI 89:19

Goonham' dalheung: ri re" da" yoeb myang daloem: moo re" nheigloem: zung" da" dei zoo: yiri nang tid zigi hid: su" nghoid. Myeung gye" fu" da" gyizoo: dayug ri ngoo khyen: yu wigi khokham zhungtang ab byid: bye:.

ESAIA 28:16

Akhid" gyi: sheung: da" Aseing tid zigi «Ziun moo geing: teing yoem: gyi: da" apoem: ayang: daloem: tam to" da:. Houg moo ‹Geing teing da" loem khau: myid gi nheigloem: we' sheing: da› ga: lhid" tab to" da" ajhoin: lugzeing daloem: ri ngoo kaid to" da:.

ESAIA 41:11

Nang ri nheig yo: da" bang: gi soem" wigi sho' phu" ziri se' loo goo" wa. Nang ri gyi koid thougtheung bang: gi shid: boem wa.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

ESAIA 46:13

Ngoo gi oung: doid da" bidnyid ri jhang lo nhang: nyid hau: zigi dajhi' we' avi: loo. Nga" oung: doid khyoo: gi thang: agyoo" wa. Ngoo gi Yerusalem ri khyoid yu lho: Israela ri ngoo ngi: shab byid: wa» ga: tid da:.

ESAIA 50:7

Nghoid loug we' yoem: moo" bo Aseing wigi ngoo ri pang" thoug byid: yoomo nyangnu" rue" zigi ngoo ri dam ayo" tab nghoid da:. Ngoo hau: joem ri yo" zeing: kham: wa ngoo nya: gung ngoo nyang: zeing: ci: da:. Ngoo ngi: ayoem" wa ziri ngoo se'.

ESAIA 54:4

Agyug- nang ngi: yoem" zi doem shoug" wa zi anghoid. Nang nyhoem: khyo' pyam zi shoug" wa zi anghoid. Apyaid nge da" yhoem: seing: myhi' yo' dakhyoo" ti" re" da" jhug azug ziri yo' Cougmoo" myhi' yhang: ti" re" da" nheig kyoo" nheig nge bue" ziyo' nheigloem: gyau: ziri nang to" myhid pyam wa.

ZEKHARIA 10:4

Nga" byumyu" ri vhoebkhang" wa da" mung" zoug: yi vhujhung: yi yo' gyizoug: moo" yigi nyangnu" khoug: mo nyid thu loo goo" wa nghoid.

MATHE 12:18

«Ngoo khyen: yu da" nga" dei zooshang:- Ngoo vho: ngei da" jheddab su: nghoid. Nga" Venyi: nya: da" tho' moo ngoo kaid byid: to" wigi Tungbau byumyu" ri nya: da" deung main" da" mungdang: ri kho" kyoo" wa zi nghoid.

MARKU 12:10

Hougsu" wigi yhoem: zhug mo, khyen: khyo, pyam da" lug zeing gi dangain" tho' mo je" yhang: gyid: thang da" yhoem: jhoin: lug zeing bue" loo bye.

LUKA 20:17

Yesu gi byu yi ri yu" lho: lug yhoem: zhug mo, khyen: lheig to" da" lugloem: gi dangain" tho' moo je" akhyag thang da" yhoem: jhoin lug zing bue" loo bye: ga: da" jhoem: dang: mo dangkang gi ce: noem nghoid? na? ga: myed:.

LUKA 23:35

byu phung: yi gi yab jo, lho: yu" nyid boem. Yuda byumyu" da" vhu" jhung: yi gi he: yug gi byu goo" ji ri yo" khyoid yu gyeing" nyang: Mangso khyen: to" da" Meshia nghoid rigi nya: gung ri we' khyoid yu yu" baja". Ga: tid juang" yi nyid ago".

YOHAN 7:38

Ngoori loem" jeung" sugi jhoem: mungdang: moo bo ziyo' dakhyoo" ti"- nya: da" nheigloem: khoug: mo we' dei kangso' gyid gyung: joem myoo" sho' yau thu' lo nyid wa zi nghoid.

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

Roma 10:11

Hau: jhoem mungdang: moo hang" nghoid loug we' - Aseing Yesu ri loem" jeung" mo, gi nheigloem: byo yoin loo" wa khyoo: aboo loo: ga: tid to".

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

2 TIMOTHI 3:16

Hau: jhoem: mungdang: dangain" gi Mangsoo nyang: yoem: foin: byid: ziyo' lhid" to" zi nghoid yoomo deingmain" khyoo: ri jhoug" byid: wa ziyo' shoid vhang; khyoo: ri we' yoobo toin" shid' gyikoid lho: jhoug" byid: nyid. Shoid vhang: lo" khyoo: ri so' koid so' nyheung wa ziyo' jo da" kangso' dei khyoo: moo jhoug" byid: mhoo, byid: wa shid re" akyu" bo.

1PETERU 2:4

Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

2PETRU 1:20

Hang" nghoid sho' loug we"- nyang: tu: nyang: myed vho: khyo" jhoem: mungdang: mo lapi: dang: khoin" da: dang kang: ayo" koid: yu ziri dangain" da" shid moo xoem" too" ca" nyid.

2PETRU 3:16

Polu gi he: khyoo: yo' sen: lho: nyang: lhid" da" mougsoug" jhoem moo houg yo' dakhyoo" ti" lhid" shed nyid. Nya: mougsoug" moo bo da" akhyoo" dayham" gi-se' gyoo: wa zi youg; yoo mo akoo" afang: bang: yo' nheig loem: khyeing" khyang: avim bang: gi shoid' vang ago" khyo" dangkang: phoid: yu ago". Gootu: da" Jhoem: mungdang: ri we' hougsu" shoid yoomo nyangnu" da" byo, yoin ‹ lo" khyoo: ri nyangnu" nyang: koid yu boem ago".