1PETERU 2:5 - Lacid Common Language Bible

⁵ Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

1PETERU 2:5 교차 참조

1 KHOKHAM 7:11

Aphyoo" tho' moo: we' ke' baid to" da" lug yho' gootu: yo' shamu thi" khungloem: joem nghoid da:.

COUNG" NGHEI 141:2

Nga" da" akyu" mho' thui: ri nam, pyo: da" xoin" yo' dakhyoo" ti" ngoo tu: ci: da" lo, ri myen" ri ngei" byid: da" xoin" yo' dakhyoo" ti" lhoem: kham: yu byid: we'.

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

THU' LO" MOUGSOUG" 19:6

Nga" shid re" za: shugbyid: to" da" byumyu" yi nghoid wa. Houg: lho: khainjung yi khyo" nanu" gi ngoo ri dei byid: loo goo" wa ein: tid we'» ga: nyang: ri tid da:.

DANG: ZHOEM 9:1

Phajhi" juyhi: gi nya: yhoem: ri zeing bung: moo" nyhed loem: zhoug lho: koid to".

ESAIA 61:6

Houglho: nanu" gi Aseing da" khainjung yi khyo" we' Ngoonu" Mangso da" dei zoo: yi khyo" we' myeing fu" loo goo" wa. Nanu" gi byumyu" yi da" jonu" joem ri yo" yhung: zo: wigi Hau: ziri nanu" zi khyo" langi: koid loo goo" wa.

ESAIA 66:21

Ngoo gi nyangnu" mo dayham" ri khainjung yo' Levi byu yi koid nhang: wa.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

1Korinthians 3:16

Nanu" koem gi Mangso da"- noku yhoem: nghoid nyid wigi- Mangso da" Venyi gi nanu" moo: bo ziri nanu" asi' loo: goo" la.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

1Korinthians 6:19

Nanu" da" gung doem: gi nanu" moo: bo nyid da" Mangsoo byid: hau: gyeungshang: da" Venyi noku yhoem: nghoid ziri- nanu" asi' loo goo" la"

2~KORINTHU 6:16

Mangsoo da" noku yhoem: gi goug ngu shoolhoo joem yo' khasu" koid lho" e" myed se' zhung" goo" wa lha"., Khasu" wim gari ngoonu" gi dadei nyid da" Mangso noku yhoem: moo" joem nghoid nyid boem. Mangsoo nyang: tid zigi-Ngoo gi nga" byumyu" yi moo nga" yhoem: koid wigi nyangnu" moo bo nyid wa zi nghoid. Ngoo gi nyangnu" da" Mangsoo bue" nyid a zi nghoid wigi nyangnu" gi nga" byumyu" yi bue" lo boem wa nghoid- ga: wigi tid nyid.

GALATI 6:10

Hougsu" wigi ngoonu" gi ayo, akhyeing: bo jo, shi" uri ge bue" da" ayo, yoo" khang" moo"- byu dangain" mo, shid re" ge lho, da" moo" ri zei: nyid boem shang nghoid loug we' loem" jeung" da" ikoin deungkhu: yi shid re" je" wigi zei: nyid boem shang.

TARHA" TID POIN" 18:2

Nyangnu" gi gootu: kung: bang: yhang: ti" mougmyid age seing: nghoid da:. Nyangnu" da" gamboem gi Aseing wigi dangsoo" byid: to" bye: ziyo' dakhyoo" ti" Aseing da" khainjung aya: ri goo" ki" lid yo" bui" bye: zi nghoid da:.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.

HEBRE 3:6

Khristu gi Mangso yhoem: ri zung" da" nya: zoo: deung byeung" su: yo' kyed' su: nghoid nyid. Ngoonu" gi yoem: boo so' bo ziyo' nyhang" nya: da" gau yi nheig byu joyoo ri lo" thang moo ju" sho' nheig shid: nheig deug ziyo' geing: geing: teing teing nghe: khau: nyid boem nghoid rigi Mangso yhoem: byu yi nghoid boem wa.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".

Pang Shug 1:6

Nya: phoo Mangso da" moozoo" ri yo" voin, vu, wa shid re" ngoonu" ri khainjung aya ab, byid: da: Yesu Khristu gi moug: khathang myid khathang moo myonhoo: phung" yoeb zoug: myeing" zoug: thui: gi pyaid moo too: moo dabo jo, baja" o"- Amen.

Pang Shug 20:6

Xang: shed" doem dei to'' lo phung: moo yo" boo su: gi ngi: lhoo' su:- gau, yi zi shau" su: nghoid- eig lheing: shid: da" khyoo: gi nyangnu" ri ayo" vhoeb, khang" loo. Nyangnu" gi Mangso da" khainjung yi yo' Khristu da" khainjung yi nghoid boem wa nghoid wigi hau' zain nyid dakhyeing" Khristu yo' dage" yo" vhoeb, khang" nyid boem wa zi nghoid.

Pang Shug 3:12

Oung: doid loo" su: rigi nga" Mangso noku yhoem moo" khoug: mo khung: voin, zeing bung: daloem: bue" jo, nhang: wa nyang: gi houg: mo khanham we' thu' loo" loo: wa zi anghoid. Moug: khung: tho' nga" Mangso jang" mo ju" gyoo" lo da" Yerusalem voo gung seig ein: da" voo myeing ri we' nga" Mangso myeing ri we' ngoo nya: da" myeing seig ri we' nya: da" tho' moo lhid" tab too" byid: wa xo' lho: nya: da" tho' moo ngoo nya: myeing seig ri we' lhid" tab too" byid: wa.

Pang Shug 5:10

Nang gi nyangnu" ri ngoonu" da" Mangso mungdain: moozoo" ri zei: wa da" shid re" Khainjung aya ri ab, byid: bye- Hau: lho: wigi nyangnu" gi he: da" mougsoug" ri yo" vhoeb, khang" boem wa zi nghoid- ga: wigi khoin" nyid boem.