1PETERU 2:24 - Lacid Common Language Bible

²⁴ Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 2:24 교차 참조

APOEM AYANG: 22:6

Abraham gi Isag ri xoin" ngei" wa da" thang" ri vu, nhang: lho: nyang: gi shamcoin" yo' myi: ri ci: nya: phatang: dage" do, lo" nyid da" uri.

COUNG" NGHEI 147:3

Nyang: gi nheigloem: gyau: moin" loo" mo, ri ze: gi byid: lho: nyangnu" da" dam, noo joem ri thoeb byid.

COUNG" NGHEI 38:4

Ngoo gi ngoonya: da" yooboo gyid ji: zoo" moo bo noeb lo" nyid bye:. hau: khyoo: joem gi atho' oung: kham' sho' lid: da" yoolid: daloem: nghoid nyid.

THU' LO" MOUGSOUG" 28:38

Israela byumyu" yi ngoo ri ga: byid: da" alu moo shoid vhang: yooboo bo nghoid loug we' ngoo Aseing hau: alu dangain" ri yo" khab yu wa shid re" Arun gi hau: ziri ngilang: moo tab ci: wa zi nghoid.

DANG: ZHOEM 20:30

Dalheing: lheing: yha" da" khyoo: ri tid wa shid re dam no zi thoung" shoug" ca" nyid.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

XOIN" NGEI" 16:22

Coidbaid gi byu anyid mung" khyoo: nyang: yo' dage" nyangnu" yooboo dangain" ri voin yhe: loo" wa zi nghoid.

XOIN" NGEI" 22:9

«Khainjung yi dangain" gi ngoo byid: to" da" thung" ri: joem ri cang nyid ca" wa zi nghoid. Hougsu" anghoid lang" nyangnu" gi yooboo yo" wigi shid: loo" goo" wa. Ciwim gari: nyangnu" gi younglho' da" thung" ri: joem ri atam" gyoo: acang yoomo nghoid ago". Ngoo gi Aseing nghoid- nyangnu" ri ngoo gyeung" shang: nhang: bye:.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

GYUNG: SOO" 18:22

Gootu: Israela byumyu" yigi Zoem" khyoo: age tain" yhi: wa. Hougsu" khyo" nya: shid: khyoo: nyang: sho: zi nghoid.

MATHE 27:26

Houg: thang: Pilaid gi Baraba ri nyangnu" shid re" pyoin kaid lho: Yesu ri gyoem thung" dam kaid wigi pyang" zeing moo baid jen" said pyam wa shid re" ab byid: kaid bye.

MATHE 5:20

Khasu" wim gari ngoo nanu" ri tid da" zigi nanu" da" deung byeung" khyoo: ri toung: to" da" tarha" ri jhoug" byid: da" sara: yi yo' Pharishe yi da" deung byeung" tho' moo aje gyi: rigi Mougkhung: mungdain: moo nanu" deung" deung ayo" vang lo" boem wa.

MATHE 8:17

Hau: khyoo: gi «nya: gung nyang ngoonu" da" noophyoo" ri yu pyam' byid: wigi ngoonu" da" amyen akhyoid da" khyoo: ri voin vu, pyam' byid:» ga: Esaia tid to" dang: zung: loo baja: ga: bue" loo bye.

MARKU 15:15

Houg: lang" Pilaid gi byu phung: moo" ri nheug deig nhang: noug yoomo-Baraba ri nhang: kaid byid:-Yesu rigi baid lho: pyang" zeing moo baid jen" said pyam wa shid re" ab byid: kaid bye.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

YOHAN 1:29

Thang: nyid" ri nya: jang" moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso: yang nu" ri yu" yu" ge'.

YOHAN 19:1

Hau: thang: ri Pilaid khokham" gi Yesu ri khe: shu" loo" nhang: lho: gyoem thoung" wigi yug nhang.

ACTS 10:35

Ce: noem byumyu" nghoid sho" loug we' Nyang: ri coung" nghei lho: deingmain" da" khyoo: moo cang loo su: rigi Mangsoo lhoem: kham: yu nyid.

ACTS 10:39

Yerusalem voogung yo' Israela mungdain goin" Yesu koid da" lo, moo" dangain" yo' sen: lho: wigi ngoonu" gi sag si: nghoid nyid. Hau: tho' moo nyangnu" gi Yesu ri pyang" zeing moo jen" said' pyam' abye: go.

ACTS 13:29

Nyang: nu" gi nyang: yo' sen: lho: jhoem: mougsoug" moo bo ziyo' dakhyoo" ti" dangain" nyang: ri bain' koid lang" gi nyang: gi nyang: ri pyang" zeing tho' mo phoid: khyo, yu lho: loeb, daloem: akhoug: moo yhe: kaid' to" ago".

ACTS 5:30

Ngoonu" phoug" phyid" yi da" Mangsoo gi nanu" wigi pyang" zeing tho' moo baid' jen" said' pyam da" Yesu ri shid: jang" mo doem dei to'' loo nhang: bye.

Roma 6:11

Houg: yo' dakhyoo" ti" nanu" we' yougnoo yooboo moo shid: lo" nghoid loug we' Khristu Yesu yo" dadeing: daloem: khyo" Mangsoo: shid' khoin" moo kangso' dei zoem" khoug: nyid bye.

Roma 6:13

Nanu" da gungdu akung: ako'' joem ri we' Khanham we' yooboo akoid' nhang: loogoo. Houg: yooboo koid wa tho' rigi nanu" gi shid: jang" mo doem dei loo mo agyeing" khyo" we' deingbyeing" moozoo" dagung goin" ci: yhung: nyid khyo" we' nyang: tu: nyang: gung ri Mangso: jang" moo xoin" to' pyam' ge'.

Roma 6:16

Byu dayoug nhang: zo zi shau" nyid sugi nhang: zoo: su: da" join nghoid zi nanu" goo" lhoo: si bye. Gyeing" nyang: nanu" ri yooboo wi nhang zo zi dashau" nyid shi" rigi - Nanu" gi yooboo join nghoid nyid shi" - Nanu" koid' da" yoobo aphoug" gi shid: lo" da" khyoo: nghoid. Gyeing" nyang: nanu" gi Mangso: da" dang: ri tam" gyo: da" aphoug" gi Mangsoo: da" shid moo deingbyeing" mo bue" loo wa.

Roma 6:2

Hougsu" anghoid o"- yooboo yoomo ngoonu" bain shid: bye: mo ngoonu" gi khasu" wigi yooboo khoug: moo daloung" jo, shi" wa la".

Roma 6:22

Nghoidloug we' akhid" nanu" gi yoobo da" lo, khoug: mo, loid byoin thu' lo lho: - Mangso: da: join yi bue" lo loem bye. Nanu" yo" yu da" akyu" gi Aseing: da" shid' re" nyang: nya: kangso' dei khyoo: bain" sho' xoin" to' pyam' bye yoomo lo" thang moo gi apyaid' ato: kangso' akyu" yo" yu wa khyoo: nghoid bye.

Roma 6:7

Khristu yo" dage" shid: kham su: gi yooboo yoemso' khoug: moo anyid loo.

Roma 7:6

Moshe da" tarha" gi ngoonu" ri tei" to" yu" bye. Nghoidloug we' akhid" ngoonu" gi hau: da" tarha" khoug: mo loid lo" boem bye. Akhid" uri ngoonu" gi lhid" to" da tarha" khyooxoug" khyo" anghoid looza: venyi: khyoo khyo" Mangso: moo" voin vu, nyid boem bye.

1Korinthians 15:3

Khasu" wim gari- ngoo kham: yu bye: da" akhyag thang da" khyoo: joem ri- ngoo nanu" ri tid kyo" kaid bye- Hau: khyoo: gi jhoem: mungdang: moo: lhid" to" ziyo' dakhyoo" ti" Khirstu gi ngoonu" da" youg: noo yooboo shid mo shid: kham: byid: bye.

2~KORINTHU 6:17

Houg: su" nghoid yoo mo Aseing: gi Nanu" gi nyangnu" ri to" pyam' kho' wa ziyo' nyangnu" mo nanu: da" gungdu: ri goo" zu: xen' gam, gang: goo" loo: ge'. Anyhoin: athoug" zi ce" ja: ri we' azang" thung" go". Houg: lang:" she, ngoonanu" ri lhoem: kham: yu wa zi nghoid.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

KOLOSE 2:14

Mangsoo gi yha" da" yooboo dangain" ri khyoid pyam' byid: wigi. Nyang: gi yha" da" anghoid akhuang da" yoobo jhen: zhayen" ri we' houg: yo' sen: da" tarha" joem ri we' pyang" zeing tho' moo ten" zei: yo' baid' jen" tab' wigi shoem" shoung: pyam' byid: bye.

KOLOSE 2:20

Nanu" gi Khristu yo' dage" shid: byug boem bye: nghoid yoomo jo, moo jo, ri seung: nyid da" venyi joem khoug: mo lhoid pyoin, kaid' ziri shau" boem bye- houg: su" nghoid rigi ci: yoomo nanu" gi he: mougmyid da" join, yi yhang: ti"- kangso' dei nyid go" la".

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

HEBRE 10:10

Yesu Khristu gi Mangsoo myid vho: lho: koid nhang: ziyo' dakhyoo" ti"- nya: gung du: ri pyaid mo too: mo shid re" dalheing: za: yo' bain' sho' xoin" ri to' pyam byid: bye: yoomo nyang: nu: dangain" bang: gi youg: noo yoo boo mo yo" ced" kyeing ced" shang: yu zi shau" boem bye.

HEBRE 10:5

Hougsu" nghoid yoomo Khristu gi he: mougmyid mooju" ri" wa ga: soin' nyid da uri Mangsoo ri Nang gi xoin" du: joem yo' jhung: shug ri vho: ngei nyid zi anghoid, nga" shid re" gung du: ri nang nyheung too" byid: abye:.

HEBRE 12:13

Dain: da" khyoo: moo daso" nyid ge'- houg: lang" gi yoin" jo, da" khyid: age so" yen" zi abui" loo: za: ge, yang" zain" lo boem wa zi nghoid.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

YAKU 5:16

Hougsu" nghoid yoomo nanu" gi nyang: cang" nyang:- nyang: nya: da" yooboo ri tid thu toung" pain go" lho: dayug shid re" dayug- akyu" mho' byid: go" nyid ge'. Houg: su" koid lang" nanu" da" noo phyoo" jamjau mo ge yang" zain: loo wa zi nghoid. Deungmain" su: da" akyu" mho' yoid thui: gi yo" bue" loo" nhang: da" yoem: myoo" sho' bo nyid.

1YOHAN 2:29

Khristu gi deing byeung" su: nghoid ziri nanu" se' nyid boem nghoid rigi houg: su" deing byeung" khyo' zei: so' nyid yab, yen" bang: gi Mangso da" nya: zoo: nghoid nyid ziri si' eung: nyid boem bye.

1YOHAN 3:7

Nga" zoo: yi we"- nanu" ri hang" wigi we' khyoo: ayo" shu" vhang: loo" goo" baja"- Khristu gi deing byeung" nyid ziyo' dakhyoo" ti"- deing byeung" da" moo" zei: bang: hang Nghoid loug we' deing byeung" nyid.

Pang Shug 22:2

Hau" da" gyid moo" lang gi voogung kang mo fu" moo" khyoo: cang yau, gyoo" lo nyid. Hau: gyid yam, shoid khang" moo" moo lham" moo" khyab, khang" moo" dazain moo daxe: eig lheing: ashi" zei: da" kang: so' shi" gam youg jo.hau: shi" gam, da" afu' joem we' byumyu" yi da" noo boug: ri ze: gi byid: wa shid re" - moocid" moo" nghoid nyid.