1PETERU 2:21 - Lacid Common Language Bible

²¹ Hid: yhang: ti" kham zeing: wa shid re" Mangsoo gi nanu" ri khyen: yu too" bye- khasu" wim gari Khirstu da" khyid: khoo: moo yo" cang loo" wa shid' re" nya: gung nyang: nanu" shid re" kyi" khyeug kham lho: nanu' shid re" khoo" shid: koid too" bye.

1PETERU 2:21 교차 참조

COUNG" NGHEI 85:13

Deingmain" da" khyoo: gi Aseing da" shid khyoo: yhe: lo" wigi nya: shid re" khyoo: nyheung byid: wa zi nghoid.

MATHE 10:38

Hang" nghoid loug- nyang: nya: da" pyang" zeing ri vu, lho: nga" thang: acang rigi hau: yug gi ngoo yo" amoin: yi.

MATHE 11:29

Nga" da" kyoug: ri voin ge'. Nga" jang" mo jhau" yu ge'. Khasu" wim gari ngoo gi nu" nham' su: yo' nheigloem: nyhoem: su: nghoid. Houg: su" lang" nanu" doug shau" noo: wa zi nghoid.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

LUKA 24:26

Meshia gi myonhoo: phung" yoeb akham: yu shi" ri hid: yhang: te" da" kyi" khyeug yau: khe" khyoo: ri kham: zo: ca" nyid anghoid goo" la"» ga: tid.

YOHAN 13:15

Houg: yoomo nanu" nghoid loug we' nyang: cang" nyang: khyid: ri cid" byid: goo" lho,- nanu" ri ngoo koid; yhangti"- nanu" nyang: cang" we' houg: su" koid; wa khyo" akhyoo" ri ngoo shid' too" bye.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

ACTS 17:3

Meshia gi dayam, dayoo: kham' zoo: ca" wa ziyo' - shid: jang" mo doem, dei to'' loo wa"- ga: da" khyoo: joem ri jhoem: mougsoug" moo shid' lho: nyangnu" ri phyed' phyed' kho' kho' tid kyo" nyid. Polu gi nyangnu" ri hid: ngoo tid kyo" nyid da- Yesu gi Meshia nyang: nghoid bye"- ga: tid kyo.

ACTS 9:16

Nga" myeing yoomo nyang: dayam, dayoo: kham, zoo: ca" gu: ri dangain" ngoo, Nyang: ri toin" shid' wa nghoid- ga: tid.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

1Korinthians 11:1

Hougsu" nghoid yoomo- ngoo gi Khristu da" khoo" shid: ri cang lo yhang: ti" nanu" we' nga" da" khoo" shid: ri cang nyid ge'.

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

PHILIPI 2:5

Khristu Yesu moo bo da" nheigloem: nyang:- nanu" moo we' boo ge'.

1THESALONI 3:3

Nanu" mo hang" nghoid loug we' hid: akhid" thoung shau" nyid da" shen" yhen jam, jau khyoo: yoomo loem" jeung" khyoo: moo adei aloeb, goo" baja"- nanu" ri nheig teing ung: teung yoem: byid: wa shid re" nanu" jhang khyoo: nyang: ri nhang: kaid' boem- hid: su" shen" yhen nyid da" khyoo: joem ri ngoonu" thoung" shau" nyid boem zigi yha" shid' re" Mangsoo nyang: myid' soin: to" da" khyoo:- dakhyam" dayam, nghoid nyid ein: wigi nanu" nyang: se' nyid boem bye.

1THESALONI 4:2

Khasu" wim ga: ri khate" da" khyoo" shed' dang: joem ri Aseing Yesu da" akho: akhang" yo' ngoonu" byid: too" bye: ziri gi nanu" nyang: se' nyid boem bye.

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

HEBRE 2:10

Nya: zoo: yi myoo" sho' we' myonhoo: phung" yoeb, ri shau" kham: yu wa shid re" Jo, moo jo, ri phain" to" lho: yu goin yu" coung: zung" loug nyid da" Mangsoo gi Yesu Khristu ri kyi" khyeug jamjau shau" nhang: khyo" wigi joeb, byeung" su: bue" loo nhang: da" khyoo: gi yu" du, jo eung: da" khyoo: nghoid. Khasu" wim gari Yesu gi nyangnu" ri khyoid yu da" khyoo: khyoo"- shu" yhe: loo" su: nghoid nyid.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

1YOHAN 2:6

Khristu zei: so' kangso' dei lo yhang: ti"- zei: so' kang: so' dei su: za: Mangsoo yo' dadeing: daloem: za: bue" wigi kangso' dei nyid su: nghoid ein: dayo" tid.

1YOHAN 3:16

Khristu gi yha" da" gung leig xoin" khyo" - nya: kangso' ri xoin" to' pyam byid: bye yoomo jheddab nheigloem: gyeung" zigi cite" zi nghoid ein: ziri gi ngoonu" se' boem bye. Houg su" nghoid yoomo ngoonu" we' mang nhung" yi shid re" ngoonu" kangso' xoin" to' pyam wa zi gi ge byid bye.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".