1PETERU 2:20 - Lacid Common Language Bible

²⁰ nanu" gi nanu" nyang: koid shoid da yooboo yoomo kham' moin: da" yoobo dam ri kham' zo: nyid nghoid rigi nanu" ri hang wigi se' coung" byid: wa nghoid loug we' deingmain" da" moozoo" yoomo yaukhe" kyi" khyeug da" dam kham nyid nghoid rigi Houg: yoomo Mangsoo gi nanu" ri mainkaid jeju" byid: wa zi nghoid.

1PETERU 2:20 교차 참조

MATHE 26:67

Hau: thang: ri nyangnu" gi Yesu myonhoo: moo shi" kain" byi" gyoin: lho: baid ago". Nyang ri lo, zhoeb yo' we' thoin: lho:

MATHE 5:47

Nanu" da" nya: mang: nya: nhoung" yo" za: shau" doem go" nghoid rigi ci: je nghoid cang boo goo" wa lha". Mangsoo ri asi shi" mo, we" houg: su" lhung koid: boem anghoid goo" la".

MARKU 14:65

Dayham" gi Yesu ri shikain" byi" gyoin: boem ago" nya: myonhoo: ri thoeb pyam byid: lho: «nang ri thoin: kha: yug nghoid lapi: pe: yu" we» ga: tid ago". Goem loem gyizoo: yi we nyang: ri boopyug pyug youg ago".

LUKA 6:32

Nang ri jheddab mo, ri za: te: doem jheddab nghoid rigi Mangso da" mainkaid da" jeju" ri nanu" khasu" se' kham: yu wa lha". Yooboo shoid vhang: nyid mo, lang" Nyang: ri jheddab mo, ri za: date: se' jheddab boem.

1Korinthians 4:11

Akhid" da" ayo, moo: ju" sho'- ngoonu" gi zooyoid, gyid shid- shoo" cen: doem: baid' said' ziri: shau" nyid wigi- nyid wa joyoo we' ayoo" loo: za: dakhyi, mo zi dakhyi, moo: so" lam" yen" bang: nghoid nyid boem.

GALATI 4:18

Deungmain" da" soin' yeung khyoo: yo' ge, da" nheigloem: khyo" gung youg yau da" khyoo: gi ge zi nghoid- Ngoo nanu" yo' dage" nyid da" uri za: we' anghoid- khanham nghoid loug we' ge, lho, da" khyoo: ri gung youg yau, nyid wa zi nghoid.

Ephesu 5:10

Aseing: vho: ngei nyid zigi ce: noem nghoid nyid ziri yoem: kaid' lho: jhau" kham: yu nyid ge'.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

1PETERU 2:19

Nanu' gi Mangsoo vho: ngei nyid da" khyoo: joem ri si' byid: lho: athoung" shau" moin: da" yaukhe" kyi" khyeug da" khyoo:- nanu" thoung" shau" lo boem nghoid loug we' nyang: vho: khyo" myed boin: lho:-zeung: kham, nyid ri Mangsoo gi nanu" ri mainkaid jeju" byid: wa zi nghoid.

1PETERU 3:14

Nghoid loug we' gyeing" nyang: nanu" gi deungmain" deing byeung da" moo" zei: yoomo shid: gyoin, noo gyoin yo' shen" yhen zi: shau" nyid rilang"- nanu" gi khayhi' ngi lho, boem bye lha". hang" ri we' agyug nyid goo"- myid' we' amyo: nyid goo".

1PETERU 3:17

Mangsoo vho: khyo" nghoid rigi akhyeung" da" moo" zei: wa tho' moo gi ge, da" moo" ri zei: yoomo shen" yhen shau" zi gi je" ge, nyid.