1PETERU 2:17 - Lacid Common Language Bible

¹⁷ Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

1PETERU 2:17 교차 참조

APOEM AYANG: 20:11

Abraham doem phug tid zigi «He: joyoo moo Mangsoo ri gyoug phau" myang mo, hang" we' anyid wigi nyangnu" gi ngoo ri said pyam lho: nga" yhoem: seing: myhi' ri seing: yu boem goo" wa nghoid ein: ngoo jho:.

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

APOEM AYANG: 42:18

Soem" nyid" ein: wa nyid" moo nyangnu" ri Yoseb gi «Ngoo gi Mangsoo ri gyoug phau" nyid su: dayug nghoid wigi ngoo gi nanu" da" kangso' ri dakhyoo" ti" khyam" sa: byid: wa bye:.

1 KHOKHAM MHOOMYID: 29:20

Hau: thang: David gi byumyu" yiri "Nanu" Aseing Mangsoo ri coung" ge' ” ga: amyeing" byid: da:. Houg: lho: Shava phung: dangain" gi nyangnu" phoug" phyid" yi da" Aseing Mangsoo ri coung" boem ago". Nyangnu" gi goeb pid lho: Aseing ri ngi: shab byid: da:. Khokham phoo ri we' ngi: shab byid: da:.

COUNG" NGHEI 111:10

Aseing ri gyoug phau" nyid khyoo: gi ung: gyeing: phajhi" bo loo wa khyoo: nghoid- nya: da" dang: khoin" dangain" ri tam" gyo: cang loo" mo, dangain" ri nyang: gi deungmain" da" dang: phyed khyoo: ri byid: nyid. Nyang: gi apyaid atoo: moo coung" nghei khyoo: ri shoug" kham: yu wa zi nghoid.

THU' LO" MOUGSOUG" 20:12

Ngoo nanu" ri byid: wa da" mungdain: moo kangso' sheing: nyid goo" baja" nanu" da" nya: phoo yo' nya: myhi' ri phau" myang: nyid ge'.

DANG: ZHOEM 1:7

Nang gi lasi phajhi" yo" yu wa shid re" xang: shed" moo: Aseing ri gyoug phau" nheigloem boo ca" nyid. Byugang: yigi phajhi" ri ce" aphoug" ase' tab boem ziyo'-hau: ziri jhau" yu wa khyoo: ri ngeug pyam nyid boem.

DANG: ZHOEM 23:17

Yooboo yoo" bang: ri ayu" no" nyid re" da" pyaid moo: Aseing ri gyoug phau" khyoo: ri yhouggyen: too" we'.

DANG: ZHOEM 24:21

Nga" zoo: we" Aseing ri gyoug phau" nyid we' khokham ri we' phoug" tab, ngi: byid: nyid we' nya: eig yug ri tu: lhoin" wa shid re" abo soin, nyid.

PHAJHI" DANG: 8:2

Khokham tid ziri koid we'. Houg: lho: Mangsoo ri ahain: agyoin dangsoo" ciri" we pashau" byid:.

XOIN" NGEI" 19:32

«Mang: zoo: yiri phau" myang: byid: ge'. Nyangnu" ri ngi: shab byid: ge'. Phoug" myang: ziyo' nga" dang: ri tam" gyoo: ge'. Ngoo gi Aseing nghoid.

ZEKHARIA 11:14

Hau: thang: ri ngoo gi «sham: shoin"» ga: myheung to" da" lhamdung: ri khyau" pyam' byid: wigi Yuda yo' Israela sham: shoin" go" da" khyoo: gi byo, sain" loo" bye:.

MATHE 22:21

«Nyangnu" gi khokham" da" myonhoo: soolhoo: yo' myeing dab» ga: doem phoid: kyo" boem. Houg: lang" Yesu gi «Ketha khokham" yo" sen: gu: Ketha khokham" ri byid: ge'. Mangsoo yo" sen: gu: Mangsoo ri byid: ge'› ga: tid.

YOHAN 13:35

Nanu" nyang: cang" nyang: se' jheddab go' nyid rigi Byu dangain" mo, hau: jhed' kang: da" khyoo: ri yu myang lho: nanu" gi nga" da" cangzoo: yi nghoid da" khyoo: ri se' lo boem wa ga: tid kyo.

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

Roma 13:7

Houg yoomo Asuya zoug: yi ri byid: eung: da' zi ri byid: nyid ge'. Kheing" kaid' eung: su: kheing" - khang" dug kaid' eung: su: khain" dug kaid' nyid ge' - amyeing" a: na: yoo" mo dangain" ri gyoug phau" myang: nyid ge'.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

Ephesu 5:21

Nanu" gi Khirstu ri gyoug phau" da" nheigloem: yoomo nyang: cang" nya: vhoo: moo tam" gyoo: go" nyid ge'.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

1 TIMOTHI 6:1

Join, koid nyid bang: gi nyang: nya: d a" yhoem: seing: ri phau" myang: moin: bang: nghoid ein: kham: yu ca" nyid boem- houg: lang" hang" we' Mangso myeing khyang" yo' ngoonu" da" jhoug" myeing" jhoug" thui: ri age khyo" juang" yi goo" wa zi anghoid.

HEBRE 13:1

Nanu" gi khristain mang: nhung" nyang: cang" nghoid ziyo' dakhyoo" ti"- nyang: cang" nyang: jheddab go" nyid ge'.

1PETERU 1:22

Nanu" gi deingmain" da" tarha" ri cang so" loo" yoomo nanu" da" nheigloem: ung: khoug: ri ced" yung ced" lho, wigi nanu" nyang: cang" we' nheigloem: ung: khoug: bain sho' yo' jheddab go" nyid ge'.

1PETERU 2:13

Aseung: da" myonhoo: ri tu: yu" lho: byu yi zhoug to" da" zoug: yi dangain" mo, da" vhoeb, khang" da" khyoo: ri tam" gyoo: byid: ge'. Gyi: thang da' amyeing" akhang" ci: da" khokham" zeing yo'

1PETERU 5:5

Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".

1 SAMUELA 15:30

Xo' lho: Sholu gi «Ngoo yooboo koid bye:. Nghoid loug we' nga" byumyu" yi da" vhujhung: yi yo' Israela byumyu" yi dangain" bang: da" shidkhoin" moo ngoo ri phau" myang: khyoo: khyalang" gi ci: shug shi" we'. Re" Aseing Mangsoo ri we' ngoo yo" noku baja" ngoo yo' dage" loo" shang» ga: doem phug tid da:.