1PETERU 2:15 - Lacid Common Language Bible

¹⁵ Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

1PETERU 2:15 교차 참조

YOBA 2:10

Yoba gi «Nang ci: dang: kang: abo da" dang: ri tid nyid da:. Mangso wigi ngoonu" ri ge zi daja: ja: byid: uri ngoonu" lhoem: khab yu da:. Nyang: wigi yau: khi" bui" nhang: kaid ri ngoonu" khasu" yo" myeing" myoo: wa la"» ga:. Yoba gi nyang: yau: khi" shoug" kham zoo: nghoid loug we' Mangsoo ri thougtheung khyoo: daja: we' atid nghoid da:.

YOBA 5:16

Nyang: gi myung bang: ri myid byu joyoo byid: wigi akhyeing" bang: ri shoem: loo" nhang: da:.

COUNG" NGHEI 107:42

Deungbyeung" da" byu yigi hau: khyoo: joem ri myang wigi gau yi nyid boem nghoid loug we' akhyeing ashoeb bang: dangain" ri koem gi no: jham" loo" nhang: pyam bye:.

COUNG" NGHEI 5:5

Phau: khuang nghoid boin: nyid mo, gi re" shidkhoin" moo ayo" yab jo. Nang gi akhyeung" byu yi dangain" ri ngheung" nyid.

DANG: ZHOEM 9:6

Aboin: agyeung: da" byu phung: ri too" kho' lho: kangso' dei nyid we'. Lasi, phajhi" moo: cang so" loo" ge'.» ga: nyho: yoid nhang:.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

MATHE 25:2

Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid.

MATHE 7:26

«Hid: nga" da" dang: ri shau" gyo: lho: wigi acang zei: mo, hang" nghoid loug we' nyang nya: da" yhoem: ri midcoo: dam moo koid: to" da" adu: adam: foin" da" byu yo" du nyid.

Roma 1:21

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

GALATI 3:1

Akoo" apyoid' da" Galati byu yi we"- pyang" zeing tho' moo Yesu Khristu shid: Kham: bye: da" khyoo: ri nanu" da" myonhoo: moo bang bang yo" myang sho' ngoo tid shid kyoo" bye: ri-nanu" ri hang" wigi mhoug cid" zho" lho: jhu, phyo' zi shau" go" la".

TARHA" TID POIN" 32:6

Koo" bang: yo' nheig agyeing: da" byumyu" yi nanu" gi Aseing ri nanu" hid: su" koid eung: go" re". Nyang: gi nanu" da" nya: phoo- nanu" da" phain" so: Aseing nghoid da:. Nyang: gi nanu" ri byu damyu" bui" nhang: too" bye:.

1THESALONI 4:3

Ngoo gi nanu" ri gyeungshang: mo, bue" loo nhang: nau, ziyo' nyam, da" moozoo" mo bain' sho' yo" loid loo" wa shid' re" vho: ngei nyid.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

TITU 2:8

Nang ri thougtheung loo mo, gi ngoonu" ri ce: khyoo: moo we' ce: yooboo we' ashau" shoo: lo: yoomo sho' thu goo" baja" nang gi sube" wigi yooboo foin: zi ashug" loo: sho' deingmain" da" dang: joem yo' jhoug" byid: mhoo, byid: nyid we'.

TITU 3:3

Khasu" wim gari shid' phyang" gi ngoonu" nyang: we' myid fang: boem- atam" gyo: ziyo' shoid vhang: khyoo: dam: dam: bang: nghoid nyid boem. ngoonu" gi aco' ajhoid ziyo' mougmyid pyo: da" khyoo: aja: ja: ri cang lo yu" boem bye. Hau: khyoo: mo join, we' nghoid nyid boem bye. Ngoonu" moo khanham we' anoug angei go" ziyo' noo" goo" zoo go" ziza: bo nyid boem- gootu: byu yi ngoonu" ri anoug angei ziyo' dakhyoo" ti"- ngoonu" we' subi" ri anoug angei bang: nghoid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1PETERU 3:17

Mangsoo vho: khyo" nghoid rigi akhyeung" da" moo" zei: wa tho' moo gi ge, da" moo" ri zei: yoomo shen" yhen shau" zi gi je" ge, nyid.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

2PETRU 2:12

Nghoid loug we' he: da" byu yi gi kuang myheug yu lho:-said' pyam wa shid re" nyid yen" da" goug: nyhoug lam: joem yhang: ti"- nyangnu" lang" ase' da" khyoo: ri ung: khoug: nheugloem: yo' juang" yi rue" nyid moo" zei: ago". Nyangnu" gi kyang: da" goug: nyhoug lam" joem ri yhang: ti"- lhu: phyo' lhu: shoin' pyam zi shau" boem wa nghoid.

YUDA 1:10

Nghoid loug we' byu hid: bang: gi nyangnu" asi ashug" gyo: yu" da" khyoo: dangain" ri rue" ziyo' yooboo foin: pyam' boem. Kyang: da" gougnyhoug joem yhang: ti"- nyangnu" nya: da" nheigloem: khoug: moo akhang: re boo gu ri te: se' gyo: da" khyoo: joem gi nyangnu" lhu: phyo' lhu: shoin' loo" nhang: da" myid' nyain, za: nghoid.