1PETERU 2:12 - Lacid Common Language Bible

¹² Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 2:12 교차 참조

COUNG" NGHEI 37:14

Asho" ajhen: bang: yo' ca" nyid bang: ri we' said pyam wa ga: akhyeing" ashoeb bang: gi nyangnu" da" sham ri she: lho: lid: joem ri we' thoung: ci: abye: go".

COUNG" NGHEI 50:23

Jeju" boin: so" khyoo: joem gi ngoo ri phoug" tab, ngi: shab xoin" nghoid. Nga" da" dang: tam" gyoo: bang: dangain" mo, ri ngoo gi gyeing" gyeing" nyang: khyoid yu wa zi nghoid.

ESAIA 10:3

Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

DANIELA 6:4

Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

MATHE 10:25

Cangzoo: gi sara: yhangti"- deizoo:, phoo gi nya: yhoem: seing: yhangti"- nghoid nyid rigi myid je pyoo: wa. Nyangnu" nyang: gi Bezebula ga: nghoid rigi nya: yhoem: byu yi ri hau: tho' re" je tid go" wa anghoid goo la" ga: tid.

MATHE 5:11

«Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye.

MATHE 5:16

Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

MATHE 9:8

Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.

LUKA 1:68

Israela da" Mangsoo ri coung" nghei nyid ge' Aseing: gi nya: Byumyu" jang" moo gyoo" lo lho: nyangnu" ri loid byoin nang bye.

LUKA 19:44

Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

YOHAN 13:31

Yuda thu' loo" khare" thang: ri Aseing: Yesu gi Akhid" byu da" nya: zoo: gi myo, nhoo: ngei: lang: bug thu' sheing" jhu" lo zi shau" bye. Mangsoo we' hau: yug: yoomo myonhoo: bug thu' sheing" jhu" lo zi shau" bye.

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.

ACTS 24:13

Nyang: nu" gi akhid" re" da" shid khoin" moo yooboo foin: nyid boem da" khyoo: ri we' sagsi: ayo" toin" shid' nghoid boem ago".

ACTS 25:7

Polu ju" vang loo lang" gi Yerusalem voomoo" mo ju" re" da" Yuda byumyu" yi gi Polu ri khyam, lheung ci: lho: wigi nyangnu" ce" sagsi: we' ayo" toin" shid' da- yooboo myo" sho' ja: ri foin: to" ago".

ACTS 28:22

Khasu" wim gari nang bo da" phung: ri khyi, khang" moo mung" byu yi ngeug thoug shang" nyid ziri ngoonu" se. Nghoid loug we' nang myed khyoo: ri ngoonu" we' tam" gyoo: nau- ga: tid ago".

Roma 12:17

nanu" ri akhyeing" ashoeb khyo" re" koid' su ri latoo: aphug goo. Byu dangain" mo yo" veing" goo" wa shid' re" yoem: kaid' nyid ge'.

Roma 13:13

Ngoonu" gi bidbang mo nya: zoo: yi yhang: ti" ge young" du khyoo: moo za: cang lo" boem ca. Yhid: shug foo" zo: lid khyoo: akyang byo yoin" khyoo: - shava myiyi: yug gi cang zo: khyoo: yo" aved avhu: khyoo - myeing" myo: yhoo she: zi yo" no" zo: da" khyoo: ri jang" pyam' lho: bidnyid" gung tu: yo, ti" nyang: daso" nyid shang.

Roma 14:18

Hid: khyo" wigi Khristu da" moozoo" ri voin vu su: ri Mangso: da' jheddab nheig shid: khyoo: yo" xangsu: byu yi da" coung" nghei" byid: khyoo: yo" yu wa.

Roma 15:9

Houg: yo' dakhyoo" ti" tungbau byumyu" yi gi Mangso: da nheig khyeig da" khyoo: ri shau" coung" nghei" wa shid' re" we' nghoid. Jhoem: mungdang: moo Houg: yoomo ngoo gi nghizain da" byumyu" yi da" khoug: moo Mangso: da" phung" yoeb ri coung" nghei byid wa. Nya: myeing" khyang" ri coung" nghei lid jhoem" kaid' wa - ga: tid to" zi yo" dakhyoo" ti" nghoid.

1Korinthians 14:25

Nyangnu" shoug" gyo: da" mungdang: joem yoomo- nyangnu" da" nheigloem: emyid, khoug: moo: tarha" dang: kho' nyid zi shau" wigi- nyangnu" zau" to" da" age, khyoo: gi bang thu loo wa nghoid wigi- nyangnu" gi boe, no" lho: Mangsoo ri loem, khau: ziyo'- Gyeing" nyang: Mangsoo gi ngoonu" yo' dage" he: khyi, moo: nyid nyid nhung ga: yhen: yu boem wa zi nghoid.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

2~KORINTHU 13:7

Nanu" gi yooboo adoem koid wa shid re" ngoonu" gi Mangso jang" moo akyu" mho' nyid boem. hau: zigi ngoonu" jham" ca: yu" khyoo: ri oung: loo" wa shid re" toin" shid khyoo: anghoid. ngoonu" koem gi gyo" soem" pyam mo yhang: ti" nghoid loug we' nanu" deungmain" khyo" koid nyid wa shid re" damho, byid: nyid.

2~KORINTHU 8:21

Hau: Aseing: da" shid khoin" moo za: anghoid- byu da" shid' moo we' deungmain" du young" khyo" moo" zei: wa shid re" gi ngoonu" da" myid young nyheung soin to" a" khyoo: nyang: nghoid bye.

Ephesu 2:3

Gyeung" nyang: ngoonu" dangain" bang: we' nyangnu" yhang: ti" ngoonu" nya: da" gung sho" aco' ajhoid da" khyoo: moo cang lo" lho: gung shoo" vho: ngei da" khyoo: yo' nheigloem: da" khyoo: ri cang zei: lo yu" boem bye. Ngoonu" da" nyid yab, khyoo: gi gootu: byu yi yo' dakhyoo" ti"- Mangsoo nheig khoo" yo: da" dam shau" moin: mo, nghoid nyid.

Ephesu 4:22

Hougsu" nghoid nyid yoomo nanu" gi shid phyang" nanu" nyang: cang lo yu" bye: da" kangso' dei khyoo: mo byu xoug" ri we' mougmyid pyo: khyoo: ri vhoo: boo myo, no, yoomo mhoug zoo: fain" zoo: nau da" nheugloem: yoomo byo, yoin" loo" bye: da" byuxoug" ri she: pyam loo ge'.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

PHILIPI 4:8

Mang nhung" yi we"- ce: da" ge, lho, deingmain" khyoo: young" du khyoo: deing byeung" khyoo: gyeungshang: khyoo: vho: ngei khyoo: coung" ngei byid: ge" da" khyoo:- ngi lho, khyoo: yo' coung" nghei moin: da" khyoo: joem ri damyid' yu" nyid ge'.

1THESALONI 4:12

Khyoo: he: khaid khyo" wigi nanu' giloem" jeing" bang: phung byu anghoid mo, da" -phau" myang: khyoo: ri shau" kham: yu boem wa zi nghoid- hau: tho' moo gootu: nanu" da" ca" yo, khyoo: yo' sen: lho: hang" ri we' anghe: khoug ca" lo: boem wa zi nghoid.

1 TIMOTHI 2:2

Ngoonu" gi Mangsoo ri gyoug phau" khyoo: moo goolho: za: cang lo" wigi ge, da" young" du, du asam" avoid, bo lho: ngei pyoo: myen, jham" za: kangso' yo" dei nyid goo" baja"- Kho: kham yi yo' amyeing" akhang" ci: bang: dangain" shid re" akyu" mho' nyid ge'.

1 TIMOTHI 4:12

Nang gi apyad' ngi shi" ved yam" zoo: nghoid nyid shi" yoomo hang" we' nang ri gam vhoo: ayu" khyo, pyam' goo" baja"- ji, sang: da" khoin" thui: moo we' aved asam" moo we' jheddab jang" moo we' loem" jeung" loem, khau: khyoo: yo' nheigloem: young" khyoo: moo we' leom" jeing" bang: shid re" yu" yu wa da" khoo" shid: bue" nyid we'.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

HEBRE 13:18

Ngoonu" shid re" anoo: ayab, loo: akyu" mho' nyid ge'. ngoonu" gi ngoonu" nya: da' phug soo" lheig myid yu" e" myed gi gyeing" gyeungshang: shang: nghoid da" khyoo: ri loem" jeung" nyid boem. Khasu" wim gari ngoonu" gi ayo, loem: khang" moo" moo deingmain" da" moo" zei: nau nheigloem: bo nyid boem.

HEBRE 13:5

Nanu" da" kangso' gyung: khyoo: moo ngei ri myono, vhoo: bo jang" moo abo cang loo" loo: za: te: yo" gu: yo' nheig deug nyid gi bye- Khasu" wim gari Mangsoo gi " Ngoo nang ri khanham we' ato" pyam' ashe: pyam wa ga: tid nyid.

YAKU 3:13

Nanu" da" akhoug: moo se' yeug da" phajhi" boo su: dayug yug nyid nghoid rigi hau: yug gi nyang: se' da" phajhi" boo su: gi nyang: se' da" phajhi" khyoo: ri zei so' da" moozoo" khyo" we' khyo, nyhoem: khyoo: khyo" we' ge, da" moozoo" ri zei: so' khyo" we' sag si: kham, nyid baja".

1PETERU 2:15

Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1PETERU 4:11

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo Aseing Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

2PETRU 3:11

Zi yoo jo, mo: jo, hid: khyo" wigi phyo' shoin' pyam zi dashug" wa nghoid rigi nanu" gi khayhang: te" da" byu yi bui" ca" nyid boem lha". nanu" da" kangso' dei da" khyoo: gi gyeungshang: wigi Mangsoo moo xoin" to' pyam' da" kangso' dei khyoo: nghoid ca" nyid boem bye.

RUTHA 3:14

Rutha we' nab kyoo' ju" sho' nya: khyid: yang: moo bo yhoeb jo, lho: suloem: ade: si' shi" ri to' loo" bye:. Khasu" wim gari Bua gi Rutha nya: khyid: yang: moo re" yhoeb khyoo: ri hang" ri we' asi' nhang: noug: yoomo nghoid.