1PETERU 2:11 - Lacid Common Language Bible

¹¹ Ngoo jheddab da" bidnoem yi we"- nanu" ri he: da" mougmyid moo gyung: so" nyid da" tungboug yi yo' phang: yen" mo, ri yhang: ti"- ngoo nanu" ri mho' kaid, nanu" gi khanham we' kangso' ri meing: zain: nyid da" gung shoo" vho: khyoo: moo nanu' da" gung du: ri meing: zain: nyid da" gung shoo" vho: khyoo: moo nanu" da" gung du: ri ab, pyam' ge'.

1PETERU 2:11 교차 참조

APOEM AYANG: 21:34

Abraham gi Philisti mung" moo myoo" sho' zain nyid nyid.

APOEM AYANG: 23:4

«Ngoo gi nanu" da" khoug: moo nyid nyid da" tungbau dayug nghoid. Nga" yhoem: seing: myhi' ri myhoeb wa da" joyoo dacu' ngoo ri oung" byid: goo" la» ga: yhe: tid.

APOEM AYANG: 47:9

Yaku gi «Nga" da" kangso' gyung: khyoo: gi zain loem dasho: soem" xi: zain nghoid bye:. Hau: zain void gi aleing" kyeing" za: nghoid wigi ayoug: akhid" za: danghoid. Apyaid sheing: da" nga" phoug" phyid" yi da" apyaid rigi tho' oung: myhi: wa anghoid» ga: tid kyo".

1 KHOKHAM MHOOMYID: 29:15

O" Aseing we"- ngoonu" gi ngoonu" phoug" phyid" yi yhang: ti" pyoung" she: loo" shau" wigi being" voo yi su" ngoonu" nyid lai lo ziri: nang se' da:. Ngoonu" apyaid gi lid lo" byug da" bid yoeb yo' du wigi ngoonu" gi shid: jang" mo ayo" phang: loid nghoid da:.

COUNG" NGHEI 119:19

Ngoo gi: he: da" mougmyid tho' moo daso' dadam za: date: nyid nyid. Re" da" amyeing tarha" joem ri nga" jang" mo ayhoem" pyam byid.

COUNG" NGHEI 119:54

Nga" aleing" kyeung" da- mougmyid kang: so, gyung: khyoo: moo: ngoo gi re" amyeing" tarha" yo' sen: da" jihkoin" joem ri ngoo lhid" nyid.

COUNG" NGHEI 39:12

Aseing we" nga" da" akyu" mho' khyoo: ri tam" gyoo: byid: we'. Ngoo nyho: mho' yoid thui: ri shoug" gyoo: byid: we'. Ngoo ngougmyeing" shu: thui: to" nyid ri ngoo ri re" pang" yu we'. Nga" phoug" phyid" yi dangain" bang: yhang: ti" ngoo gi re" da" daso, kyeung" da" being" voo za: date: nghoid.

XOIN" NGEI" 15:18

Yuggi yo' myiyi: gung shoo" xoem" khau: thang: ri gung cid" pyam ca" wa zi nghoid lho: nya: tang: gi myen" thang: ju" sho' ayung" alho' nghoid da:.

XOIN" NGEI" 25:23

Nanu" da" mougmyid ri apyaid atoo: byid: pyam khyo" age oung" zoo: wa. Ciwim gari hau: ziri nanu" seing: nyid zi anghoid. Hau: ziri Mangsoo daseing:- nanu" gi hau: ziri seing: ci: wa da" akhang" yo" da" tungbau byu yi yhang: ti" danghoid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

ACTS 15:20

Hau: tho' moo phara" soolhoo: ri ngei" byid: ziyo' asain asen" ayung" alho, da" zoo: noem, ri abo zoo: wa shid re" gain: tho' zung" khyoo: acang wa shid re" leung zeung: mo, cu" said' da" shoo" yo' suid" ri azoo: goo" wa shid re" mougsoug" lhid" lho: nyangnu" ri kyo" kaid' ri gi, wa"- ein: ngoo myed yu".

ACTS 15:29

Nanu" hau: khyoo: ri jang" pyam' boem nghoid rigi gi, bye: - yang" zain" nyid goo" baja" o" ga: zheung: lhid" kaid' ago".

Roma 12:1

Hougsu" nghoid yoomo Mang: nhung" yi we" - Mangsoo: gi ngoonu" ri gye jheddab nheig khyeug yoomo Mangso: moo" bo voin zi yo" dei nyid da" xoin" du: yhang: ti" bue" wa shid' re" nanu" da" gungdoem: ri xoin" to" ab noung" pyam' ge'. Houg lang" she' nanu" gi Aseing: ri deingbyeing" khyo" yo" noku boem wa.

Roma 7:23

Nghoidloug we' nga" gungdu: khoug: moo hau vhoo ngei khyoo: yo" shai" lho: khaid zain: lu: khang nyid da nheigloem: gootu boo shi. Hauda" nheigloem: gi ngoo moo khaid zain: lu khang nyid lho: - ngoori yoobo tarha" khoug; khyoo: doem doin: jhoin" kaid.

Roma 8:13

Gyeing" nyang: nanu" gi nyang: nya: gungshoo" vho: da" khyo" za cang lho: kangso' dei nyid rigi shid: lo" boem wa. Nghoidloug: we' nanu" gi nyang: nya: da" akhyeing" ashoeb' da" asam" aveid ri Venyi wigi bo pang" thoug khyo" bain' sho' she: pyam' boem nghoid rigi dei da" kangso' yo" boem wa.

2~KORINTHU 5:20

Houg: su" nghoid yoomo ngoonu" gi Khristu da" khyoo: tid led: loo bye: da:- Lagyoo: yi nghoid wigi Mangsoo nyang ngoonu" da" nhoid khoin" thui: khyo"-nanu" ri khe: lhoung nyid zi nghoid lho: Mangsoo gi nanu" nya: gyivoo yi bue" nyid jang" mo nya: da" bidnoem yi bue" loo nhang: baja" ga: Khristu da" gungxung ngoonu" mho' sang: nyid boem.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

2~KORINTHU 7:1

Jheddab da" bidnoem yi we"- he: da" dang: soo" khoin" yi dangain" gi nyhang" ri byid: to" zi nghoid. Hougsu" nghoid yoomo nyhang" gi gung shoo" yo' Venyi ri anhyoin: athung" byui" nhang: da" aco' ajhoid khyoo: dangain" mo nyang: tu: nya: gungdu: ced" yung" ced" lhoo, nhang: lho: wigi Mangsoo ri gyoug phau" myang: zoo re" gyeungshang: thang khyo" kangso' dei nyid shang.

GALATI 5:24

Khristu Yesu yo' sen: bang: koem gi nyang: tu: nya: gung sho" nheigloem: yo' aco' ajhoid khyoo: ri vhoo: boo myo, no, khyoo: yo' dage" pyang" zeing moo bo baid' jen" too" bye.

Ephesu 2:19

Hougsu" nghoid yoomo akhid" nanu" gi tungbau byumyu" hougsu" anghoid lang" gi nghi: zain' byumyu" yi anghoid boem loo- akhid" nanu" gi Mangso byumyu" yi moo bo da" moug: seung: byumyu" yi nyang: nghoid wigi Mangso da" ikoin deungkhu: byu yi nyang: nghoid bye.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

HEBRE 11:13

He: da" byumyu" yi dangain" bang: gi hau: loem" jeung" khyoo: moo shid: lo" boem abye: go. Nyangnu" gi Mangsoo byid: da" dang: soo" khoin" yo' sen: da" agyid asoo: ri ashau" kham: yu boem- nghoid loug we' nyangnu" gi hau: khyoo: ri vi" vi: mo yo" yu" myang boem bye: ziyo' lhoem: yo" tau, yu nyid boem bye. Nyangnu" gi he: moug: myid tho' moo lam" yen" da" tungbau, being" voo joem yhang: ti"- te: nghe: khau: nyid mo, date: nghoid nyid boem ziri bang bang za: yhen: yu khare" boem bye.

HEBRE 6:9

Jheddab, bang: we"- ngoonu" hid: su" ein: da tid nyid nghoid loug we' nanu" yo' sen: lho: ngoonu" gi gye" myid loem, nyid nanu" gi hau: khyoid yu khyoo: yo' sen: lho: je" ge, da" khyoid yu khyoo: ri yo" yu ziri ngoonu" se' nyid bye.

YAKU 4:1

Nanu" moo ciwim myeing" myo: nyid go nheig yo: byo, go" khyoo: gi khayo, thu' lo ein: jhoo: go" Nanu" da" gung shoo" myo, no, loug gyi: vhoo: bo-zain goo" said' go" nyid da" nheigloem: mo thug lo nyid zi anghoid goo" la".

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

1PETERU 4:12

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

2PETRU 3:1

Nga" da" jheddab byen cang" yi we"- he: zigi ngoo nanu" jhang khyoo: eig lheung: ein: lhid" kaid da" moug soug" nghoid. He: da" mougsoug" eig pug moo nanu" da" yung" lho' nheug loem: yo' se' gyoo: wa shid re" vhoo: moo lhid" to" da" khyoo: yi yo' tid poin" tid kyeung" kaid.