1PETERU 1:7 - Lacid Common Language Bible

⁷ Hougsu" jham" ca, yu" da" gunglau" shau" khyoo: gi Mangsoo ri nanu" loem" jeung" khyoo: gyeung" ziri toin" shid khyoo: nghoid. byug thang loo" se' da" ngei sheing: ri lang" myi: yo' jham" ca, yu" zi shau" nyid Houg: yo' dakhyoo" ti"- sheing: tho' moo je phau" da" nanu" da" loem" jeung nheigloem: ri we' gyeungshang: lho: geung: teing wa shid re" myi: moo kyeung zi shau" nyid Hougsu" nghoid lang" nanu" gi Aseing Yesu doem gyoo" lo da" bidnyid moo myonhoo: bug thu' sheing" jhu" ziyo' coung" nghei zi shau" kham: yu boem wa zi nghoid.

1PETERU 1:7 교차 참조

YOBA 23:10

Nghoid loug we' Mangsoo gi ngoo so" yhe: da" khyid: byi khang" moo" ri se' da:. Nyang: ngoo ri joeb ca: yu" nghoid rigi ngoo gyeung" shang: ziri shau" myang wa.

YOBA 28:1

Ngei ri du: yu da" ngei duang: jo, da:. Sheing: ri phoid kyeing sain' da" joyoo joem jo, da:.

COUNG" NGHEI 17:3

Nang gi nga" nheigloem: emyed ri si su: nghoid. Nang gi myen" goug: sang" gam we'. Nga" jang" moo: ju" re" wigi nga" nheigloem: emyed ri bain sho re" jham" ca: yu" uri akhyeung" da" myid soin: khyoo: abo ziri nang myang bye:.

DANG: ZHOEM 16:16

Sheing: yo' ngei ri yo" yu wa tho' re" phajhi" juyhi: yo' lasi laleug yo" yu zigi je" ge nyid.

DANG: ZHOEM 17:3

Sheing: yo' ngei ri myi: moo: phoid kyeung yu" yhang: ti" byu dayug da" nheigloem: rigi Aseing wigi jham" ca yu" nyid.

DANG: ZHOEM 8:19

Nanu" nga" jang" mo yo" kham: yu da" phajhi" gi gyeung" thang da" sheing: yo' ge thang da" ngei tho' moo: je ge zi nghoid.

PHAJHI" DANG: 5:14

Hau: thang: age da" phaga: ga: jang" moo dangain" soem" pyam wigi nyangnu" da" zooshang: yiri byid: too" khoo' wa ci: we adeing loo goo" nghoid da:.

ESAIA 48:10

Ngei ri myikhyoem' moo kyeung sain' pyam yhang: ti" kyi" khyeug kham zo: da" myi: moo ngoo nang ri jham" ca: too" bye:. Nghoid loug we' nang ce: phoug" adab ziri ngoo myang bye:.

YEREMIA 48:36

«Houg: yoomo nga" nheigloem: gi Moba yo' Kira Heresa byu yi shid re" byu shid: yhoem: moo dayug yug wigi khoolhang moid ziyo' dayhang: ti" koug ngau da:. Ciwim gari nyangnu" seing: gu: ja: khang" moo" gi bei: byug bye:.

YEREMIA 9:7

He: gang mo myhang: thang Aseing tid zigi «Ngoo gi nga" byumyu" yiri to' joem ri yhang: ti" kyeing shang: pyam wa. Houg: lho: nyangnu" ri jham" ca: yu" wa. Nga" byumyu" yigi akhyeing" ashoeb khyoo: koid bye:. Ngoo gi nyangnu" ri gootu: khasu" yo" koid shi" wa la".

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MALAKHI 3:3

Nyang: gi ngei gyeung" ri kyeing su: kyeing yhang: ti" dang: phyed loo wa zi nghoid. Ngei yo' sheing: ri nghe' kyeung yu yhang: ti" Aseing lagyoo: gi khainjung yiri kyeung loo wa zi nghoid. Hougsu" koid lang" she' Aseing jhang khyoo: deingmain" da" xoin" ri ci: re" boem wa zi nghoid.

GYUNG: SOO" 5:28

Nghoid loug we' nyang: ce: yooboo ayoo" nghoid rigi ce: dam we' adab wa wigi nyang: gi zoonu" yo" khu: loo wa.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 25:21

Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid.

MATHE 25:23

Nya: yhoem: seing: gi «gi bye:. Loemloug da" nga" deizoo: gi, we" nang gi nge da" moo" moo loemloug su: nghoid yoomo gyi: da" moo" zing ri ngoo ab byid: wa. Ri" we' ngoo yo" dage" gau yi ngei pyo: nyid loo: shang» ga: tid.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 17:30

He: khyo" wigi Byu nya: zoo: da" bidnyid moo khasu" bue" loo wa ziri toin" shid nyid zi nghoid.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

ACTS 8:20

Nghoid loug we' Petru gi nyang: ri nang gi Mangso da" jeju" ri ngei yo' yo" qei yu wa ga: jho: nyid yoomo nang yo' re" da" ngei gi myithoem" khyoo: vang loo" goo" baja" - ga: phoug tu.

Roma 2:10

Xang: shid" ri Yuda byumyu" yi houg yo" dakhyoo" ti" tungbau byumyu" dangain" mo yo' ge da" moo" zei: mo rigi - myonhoo: ngeilang: we' - myenjham" ngeipyo: khyoo: we' - kham: zoo: nhang: wa zi nghoid.

Roma 2:29

Gyeing" da" Yuda koem' gi - nheigloem: khoug; mo sho" yid thang: yham" ci: su: nghoid nyid. Hau yug ri Yuda byumyu" bue" loo nhang: da" zigi - lhid" to" da" tarha" khyo" anghoid - Hau yug gi byu yi wi coung" nghei byid: zi shau" su: anghoid. Mangso: wigi coung" nghei" too" su danghoid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

YAKU 1:12

Jhu, phyo' khyoo: thoung" shau" nyid uri aleung loo" su: gi ngi lho, nyid. Khasu" wim gari houg: su" yo" kham: zeung: nghoid rigi Mangsoo ri jheddab mo, ri byid: wa ga: da" kangso' bidmug ri shau" zhoung" boem wa.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".

1PETERU 2:4

Houg: yoomo Aseung: jhang khyoo: tain" tab loo ge' nyang: gi kangso' dei nyid da" lung moo" beom nghoid. Hau: lug moo" boem' gi ce: phoug" adab ga: byu yi gi khyen: pyam' too" nghoid loug we' Mangso wigi phoug" dab, ga: khyen: yu bye.

1PETERU 2:7

Loem" jeung" mo, nanu" shid re" gi hau: lug moo" boem, gi gye" phau" zi nghoid. Nghoid loug we' aloem" ajeung" mo, shid re" gi lug yhoem: zhug mo, khyen: lhei" to" da lug loem" gi yhoug: gyen: thang da" yhoem: jhoin: mo geung: teung da" lug. Loem: bue" loo bye.

1PETERU 4:12

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

2PETRU 1:4

He: khyoo: yoomo gye" gyi: sheung: wigi phoug" dab da" jeju" jhung: shug yo' sen: lho: wigi-dang: soo" khoin" joem nyhang" ri byid: too" bye. Hougsu" nghoid yoomo he: da" jeju" joem khoug: moo-ngoonu" gi moug myed tho' moo lhu: phyo' lhu: shoin' se' da" vhoo: boo loug gyi: khyoo: mo loid byoin lo" lho: Mangso aved' ri yo" wang zhoug" yu goo" baja".

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.