1PETERU 1:6 - Lacid Common Language Bible

⁶ Nanu" gi jham" ca, yu' da" gunglau aja: ja: thoung" shau" yoomo akhid" daso' dadam myid myoo: ung: loug zi shau" nyid boem nghoid loug we' tid lid loo bye: da" khyoo: yoomo gau yi ngei pyo: nyid ge'.

1PETERU 1:6 교차 참조

COUNG" NGHEI 119:28

Ngoo gi kougshu: ziyo' zeung" lhoung to" zi shau" nyid. Re" da" dangsoo" khoin" yo' dakhyoo" ti" ngoo ri yoem foin byid: we'.

COUNG" NGHEI 119:75

Aseing we"- re" da" tarha" dang: phyed nyid khyoo: gi deingmain" nyid ziri ngoo se' nyid. Nang gi dang: zung" su: nghoid yoomo ngoo ri shen" yhen nyid zi nghoid.

COUNG" NGHEI 34:19

Byu yigi yau: khe" khyoo: myoo" sho' shoug" nyid nghoid loug we' Aseing gi houg: yhang: te" khyoo: dangain" jang" mo nyangnu" ri khyoid yu nyid.

COUNG" NGHEI 35:10

«Nang yo' du goo" su: dayug we' anyid- nang gi yoem: boo mo, khoug: mo doin: zeig zo: zi shoug" nyid mo, khoug: mo sho" jhen su: ri coung: goem nyid.» ein: nga" da" ung: khoug: nheigloem: bain sho' yo' ngoo gi Aseing ri tid nyid.

COUNG" NGHEI 69:20

Aphoug" akhyoid koid da" khyoo: gi nga" nheigloem: thang bye:. Nheug se' khyeug da" byu ri ngoo nheug byu lang" nyid. Nghoid loug dayug we' anyid. Nheug teing ung: teing byid: wa shid re" nheug byu lang" nyid nghoid loug we' ngoo hang" ri we' amyang.

COUNG" NGHEI 9:14

Houg: lang" ngoo gi Yerusalem voo byu yi shidkhoin" moo yo" yab jo, lho: ngoo nang ri coung" nghei khyoo: dangain"- nyangnu" ri yo" tid kyoo" wa zi nghoid.

COUNG" NGHEI 95:1

Ri" ge'- Mangsoo ri nyhangnu" coung" nghei nyid boem shang. Nyhang" ri lhoug zung" nyid da" Mangsoo ri gau yi jihkoin" khoin" shang.

ESAIA 61:10

Aseing koid bye: da" lo, moo" yoomo Yerusalem ngei pyo: da:. Nyang: gi nya: lo, xo' pui" shid re" soin' shoung: void ci: da" myhi' seig yo' du loo wa. Mangsoo gi nyang: ri khyoid yu ziyo' oung: doid zi wigi foid too" abye:.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

MATHE 26:37

Petru yo" Zebedi nya zo: eig yug ri khe: shu" wigi Yesu gi nheigloem: amyen, akhoid wim loo yoomo nheig gye" koug nyid.

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

LUKA 1:47

Khyoid yu Aseing: Mangsoo koid: to" moozoo" yoomo nga" Venyi: gi gau yi ngei pyo: nyid.

LUKA 10:20

Nghoidloug we' nanu" moo yu join: joem ri yo" khaid thu' pyam yoomo agoug yi goo. Mougkhung: mungdain: moo nanu" da" myeing lhid" too" bye: yoomo za: dagoug ge" ga: wigi tid.

LUKA 2:10

Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

ACTS 14:22

Nya: eig yug gi loem" jeung" loo bang: ri yoem: byid: lho: loem" jeung" da" khyoo: moo- dain: dain: dayab, jo, boem wa shid re we' - nyangnu" ri tid poin" tid kyeing" byid: wigi Ngoonu" gi Mangso mungdain khyoo: vang loo" wa shid re" yau: khe" da" khyoo: myoo" sho' ri yo" lid phyed' loo" ca" - ga: kho" kyo" ago".

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

Roma 5:11

Hid: kyeing" za anghoid - Mangsoo: gi ngoonu" Aseing Yesu Khristu khyo" wigi Mangso: da" bidnoem bue" nhang: bye yoomo gau yi cang bo boem bye.

Roma 5:2

ngoonu" gi Aseing Yesu ri loem" jeung" bye: yoomo Yesu gi ngoonu" ri Mangsoo: jeju" bid shoem: khoug: khyoo: shu" vang loo" bye. Hau: jeju" ri akhid" ngoonu" kham zo: nyid boem bye. Hougsu" nghoid yoomo ngoonu" gi Mangso: da" myonhoo: phung" yoeb ri yo" thoin" pang wam: bye: ein: nheig byu zi yo" phau: khuang myid boem bye.

Roma 9:2

Nga" da" nheigloem: gi nga" byumyu" - nga" suid" shoo" yi da" shid' re" - myid myoo: ung: loug nyid. Atho' tid sho' nheig moo no nyid.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

2~KORINTHU 6:10

Koug shu" zi shau" boem nghoid loug we' ngoo gi khanham we' dagau yi nyid sho" jhen" bang: yhang: ti" nghoid loug we' byu myoo" sho' ri yoo: zoo: yo" shug nhang" mo, nghoid- ci" ayoo" mo, yhang: ti" nghoid loug we' ngoonu" gi gyeung" nyang"- jo, moo jo, ri seung: ci" mo, ngoid.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

PHILIPI 2:26

Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

PHILIPI 4:4

Hau" Aseing: yo' deung: shoin" da" khyoo: moo nanu" khanham we' gau yi ngei pyo: nyid goo" baja"- ngoo deom tid ba- gau yi ngei pyo: nyid goo" baja".

1THESALONI 1:6

Nanu" gi ngoonu" da" khoo" shid: yo' Aseing: da" khoo" shid: ri yu" yu cang lo" nyid boem bye- nanu" gi kyi" khyeug shen" yhen da" jam jau, myoo" sho' shau" boem nghoid loug we' hau: ngei bu: lu dang: ri gyeungshang: venyi khyo" yo" yu da" gau, yi ngei bu: kang: lung bu, ziyo' lhoem: yu boem abye:.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

YAKU 1:9

Khristain mang nhung" dayug yug gi sho" jhen: nyid jang" mo Mangso wigi tu: to' kaid uri gau yi nyid baja".

YAKU 4:9

Myed kug myed shu: lho: ngoug myeing" shoo" thui: to" nyid ge' -nanu" da" gau yi khyoo: gi kug myeing" shoo" thui: yo' thid' go" lho: nanu" da" gau yi khyoo: gi nheig koug nheig shu: khyoo: yo' thid' go" nyid ge'.

1PETERU 3:17

Mangsoo vho: khyo" nghoid rigi akhyeung" da" moo" zei: wa tho' moo gi ge, da" moo" ri zei: yoomo shen" yhen shau" zi gi je" ge, nyid.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".