1PETERU 1:25 - Lacid Common Language Bible

²⁵ Nghoid loug we' Mangso da" mungdang: koem gi apyaid' atoo: moo geung: teung jo, - ga: wigi jhoem: mungdang: moo tid to"- hau" mungdang: gi nanu" kho" kyoo" bye: da" ngei bu: lu dang: gi, nghoid bye.

1PETERU 1:25 교차 참조

COUNG" NGHEI 102:12

Nghoid loug we' Aseing we"- nang gi khanham we' dageung: teung jo, da" khokham nghoid nyid wigi byu nyid xe: yam: khang" moo" mo mo, gi nang ri daboin: so" nyid boem wa zi nghoid.

COUNG" NGHEI 102:26

Houg: bang: gi byoug shang loo" Nghoid loug we' nang gi dageung: jo Houg: bang: dangain" gi byimi joid yhang: ti" axoug" bue" lo" wigi byimi ri yhang: ti" nang hau: ziri thid pyam lho: bei: shoem: lo" byoug boem wa zi za: nghoid.

COUNG" NGHEI 119:89

Aseing we" re" da" mungdang: gi apyaid atoo: moo: dageung: teung jo. Hau: zigi mougkhung: tho' moo: apyaid atoo: dageung: teung jo.

ESAIA 40:6

Thui: dathui gi «Mungdang: ri tid fu" ge'» ga: nyho: da:. Ngoo gi «Ce: ja: mungdang: ri tid fu" wa la"» ein: myid. «Xangsu: byu dangain" gi myo, gam yo' du khyoo: ri tid fu" we'. Nyangnu" gi siyoo bain joem tho' myang" sho' ayo" myang" jo,.

ESAIA 40:8

Nghoid bye:. Myo, gam gi yhau" lo lho: bain joem gi shoem lo" byug da:. Nghoid loug we' ngoonu" da" Mangso dang: gi apyaid atoo: moo geing teing nyid, da» ga: tid da:.

MATHE 5:18

Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

LUKA 16:17

Nghoid loug we' hau: tarha" mo nge thang da" tarha" dakhoin" byo, loo" wa tho' moo Mougkhung: yo" myidjang: byo, loo" wa zigi je lei nyid.

YOHAN 1:1

He; mougmyid yoo soo" ri aphain" too" shi" mo Mungdang: gi jo, jo, gu nghoid bye. Hau: mungdang: gi Mangsoo yo" dage" nyid. Mungdang: we Mangsoo nyang: nghoid bye.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

1Korinthians 2:2

Khasu" wim gari- ngoo nanu" yo' nyid da" ayo, moo: Yesu Khristu da" khyoo: ri je" wigi- pyang" zeing tho' moo: Aseing shid: kham: tho' mo, jain" wigi- khyoo: goo tu: jo, moo: jo, ri to" myhed, pyam wa shid re" ngoo myid phyed' pyam bye.

Ephesu 2:17

Hougsu" Mangsoo yo' ve: gang: jo, da" nanu" tung bau byumyu" yi ri we' Mangsoo yo' jhang byid da" Yuda byumyu" yi ri we' Khristu ju" re" wigi hau: ngei pyo: myenjham" khyo: da" ngei bu: lu dang: gi, re" kho" kyoo" byid: bye.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

HEBRE 6:5

Hau: lho: nyangnu" gi Mangso mungdang: ge zi nghoid ziri we' thang: phyang" pyaid yo' sen: da" myonhoo: phung" yoeb ei: we' yoem: vhoo: ri we' nyang: tu: nya: gung du: nyang- shau" kham: zo: lho: se' yu bye: bang: nghoid nyid boem.

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

1PETERU 1:23

Khasu" wim ga: ri dadei nyid da" apyaid' ato: Mangso mungdang: mo nanu' gi dalheing: dam khu: lo boem bye- hougsu" nanu" gi shid: noo ase' myhi, pho da" nya: zoo: yi yo" bue" lo boem bye.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

2PETRU 1:19

Hougsu" nghoid yoomo ngoonu" gi lapi: yi tid fu" to" da" yoeb, myang mungdang: ri je" wigi nheug shid nheug deug nyid boem bye. Nanu" we' hau: mungdang: ri goo" lhoo: za: datam: gyo: nyid ge". Khasu wim gari hau: zigi nanu" da" nheugloem: ung: khoug: moo myo, myang: lo wigi-boo" myhu: thu' lo da" ayo' moo moug: coid' da" joyoo moo bang nyid da" myibung: yhang: ti" nghoid nyid.

1YOHAN 1:1

Xang: shid" mo nyid nyid bye: da" hau" kangso' dei da" mungdang: khyoo: ri nanu" jhang khyoo: ngoonu" lhid" kaid' boem. ngoonu" gi hau: ziri shau" gyo: yu" boem bye- myojid" yo' we' myang yu" boem bye- nghoid -ngoonu" myang yu" boem bye: yoomo ngoonu" da" lo, wigi we' shau" tain" yu boem bye.

1YOHAN 1:3

Ngoonu" gi nya: phoo Mangsoo yo' we' nya: zoo: Yesu Khristu yo' we' zoem" khau: nyid boem zi nghoid boem zi nghoid wigi nanu" we' ngoonu" yo' dage" shau" zoem" khau: nyid boem goo" baja" ein:- ngoonu" myang yu" gyo: yu" bye: da" khyoo: nanu" ri tid fu" kyo" zi nghoid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.