1PETERU 1:24 - Lacid Common Language Bible

²⁴ Xang: su: byu yi dangain" mo, gi vu, fu" myo, yhang: ti" we' nyangnu" da" myonhoo: ngeilang: gi siyo myid: vhoeb, bain: boo" yo' we' du nyid vu, fu" myo, gi kyoug nyhau" lo" lho: bain: boo" we' te: shoem: lo.

1PETERU 1:24 교차 참조

2 KHOKHAM 19:26

Houg moo: nyid bang: gi yoem so' aboo goo" nghoid da:. Nyangnu" gyoug dain wigi mo, byug ago". Nyangnu" gi bidthu shoid mo lid lung wigi lo hau' nyid uri da" pa: dain" mo myo, gam anghoid lang" yhoemkhung: mo myo, gam yo' du da:.

YOBA 14:2

Ngoonu" gi bain: joem yhang: ti" myab myab yug wigi bo" shoem: lo" byug boem. Ngoonu" gi bid shoem: yhang: ti" lid lo" da:.

COUNG" NGHEI 102:4

Ngoo gi vu" fu" kyug ri yhang: ti" nang: zeug ci: zi shoug" nyid wigi zoo: noem ri: zoo: nau myid lang" aboo loo.

COUNG" NGHEI 103:15

Ngoonu" da" apyaid kangso' koem gi vufu" ti" nghoid nyid siyoo mo bain: joem yhang: ti" youg gyi: lo lho: bo" young" jo, da:.

COUNG" NGHEI 129:6

Nyangnu" dangain" bang: gi yhoemkhung: tho' moo: youg jo, lho: ayo" youg gyi: loo shi" ri kyoug shid: lo" da" vufu" myo, joem yhang: ti" bue" loo" goo" baja".

COUNG" NGHEI 37:2

Kyoug lo" byoug da" vu, fu" kyang: yhang: ti" nyangnu" gi khamyhang amyang" ri bei: lo" boug boem wa nghoid. Nyhau" lo" da" mhain" nyoug joem yhang: ti" Nyangnu" shid: lo" byoug boem wa.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

COUNG" NGHEI 90:5

Nang gi ngoonu" ri gyid khyoid su" khyoid she: lo" byoug wigi ngoonu" gi yhoeb mo, yi, lang" amyang daso, kyeing" nghoid da" vufu" myo, yhang: ti" za: date: nghoid nyid. Dakhyo" ein: rigi ngoonu" gi nab kyoo' ri anyug toid re" wigi

COUNG" NGHEI 92:7

Akhyeung bang: gi vufu" myo, su" te: youg jo, wigi shoid vhang: moo" ri zei: lho: nyid ge nyid de, lo boem nghoid loug we' Nyangnu" dangain" gi bain sho' jhoid lhu: shoin' byo, yoin" pyam zi shau" boem wa nghoid.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

MATHE 6:30

Ade: loem" jeung" da" mo, we"- akhid" nyid" te: youg jo, lho: nab' yo nyid" gi myi: khyoem, moo du" zei pyam' wa da" vu, fu myo, ri lang" Mangsoo houg: su" zho" jhoug coung: goin nghoid rigi hau: tho' mo nanu" ri je zho" jhoug coung: goin wa anghoid goo" la".

YAKU 4:14

Nanu" moo nab, yo nyid" cibui" wa ziri asi - byu yi da" apyaid gi ci: za: te: nghoid lha".- houg: gi ce: noem, za: te: nghoid nyid lha". Houg: gi daso' za: te: thu' re" lho: doem, bei: lo" byug da" myikhoug" so yo' date: du nyid.

1YOHAN 2:17

Moug: myid yo' dage" houg: mo da" xang: su: byu yi vhoo: boo myo, no, da" khyoo: ja: khang" moo" gi lid lo" byug nyid bye. Nghoid loug we' Mangsoo vho: ngei khyo" cang: koid loo" su: koem gi apyaid' atoo: moo danyid nyid.