1PETERU 1:19
31 교차 참조
Nyhed xi: zain nyhed lheing: gi re" byumyu" ri yo' re" da" gyeung" shang: voomoo" ri yooboo yo' akhyeing" ashoeb jang" mo loid byoin nhang: wa shid re" Mangsoo xoem" too" byid: da" ayo, akhyeing: nghoid da:. Yooboo ri khyoid pyam byid: lhoo apyaid atoo: moo tarha" nyeung veung" ziri zhug to" loo wa. Houg: lho: yoeb myang yo' lapi: dang: gi jo loo wa. Houg: lho: gyeung" shang: Noku Yhoem: Moo" we' doem shugbyid: loo wa.
Khristu shid: kham: khyoo: khyo" xangsu: byu yi gi yooboo mo yo" loid' loo" wa shid' re" Mangsoo: gi hau Aseing ri gung leig xoin" gyeing" khyo" nyang: soin' phyed pyam' bye. Xangsu: byu yi gi Khristu ri loem" jeung" khyoo: khyo" youg noo yooboo mo yo" loid lo" boem bye. Mangsoo: gi Khristu ri gungleig xoin" gyeing" ga: soin: pyam' da" khyoo: gi nya: shid' khoin" moo xangsu: byu yi deingmain" daingbyeing" mo agyeing" khyo" khasu" koid' lhoem kham: yu da" khyoo: ri toin" shid' wa shid' re" nghoid. He pyaid he yo, ju" sho' Mangsoo: gi nheigloem: sheing: sheing: zeing: kham nyid lho: byu yi shoid' da" yooboo ri we' khyoid' pyam' byid.
Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.
Phoo, Mangsoo gi nyang: myid to" ziyo' dakhyoo" ti"- Yesu Khristu ri tam" gyoo: wa ziyo' nya: suid" yo' ced" yung" ced" lhoo' wa shid re" phoo Mangsoo gi nyang: soin' nyheung ziyo' dakhyoo" ti"- nanu" ri khyen: yu bye: ziyo' nya: da" Venyi gi nanu" ri gyeungshang: da" byu yi bue" loo nhang: bye jeju" yo' myen, jham" khyoo: gi nanu" moo myo: tham: loo baja" o".
Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.
Nghoid loug- nyang: gi bidbang moo nyid nyid yhang: ti"- ngoonu" we' bidbang moo kangso' dei so" yen" boem nghoid rigi ngoonu" dayug yo' dayug nyang: cang"- zoem" khau: nyid mo, nghoid boem ziyo' nya: zoo: Yesu da" suid" gi ngoonu" mo youg: noo yooboo dangain" ziri yo" cid" yung" cid" shang: pyam' byid: bye.
Kyed' da" sagsi: phoo- shid: jang" mo xang: shed" doem dei to'' yu zi shau" da" mougmyid Khokham" yi ri vhoeb khang" nyid da" Yesu jang" mo nghoid loug we' jeju" yo' myenjham" khyoo: ri nanu" shau" kham: yu goo" baja"- nyang: gi nanu" ri jheddab yoomo shid kham: khyo" wigi ngoonu" da" youg: noo yooboo mo loid byoin loo" nhang: lho:
Hau: thang: ri yang nu" dadu: gi dei noem, gougnyhoug myid: ja: yo' Ludaid yi khyam, lheung to" da" zhung: tang mo agung moo yab, jo, ziri ngoo myang- said' pyam' shau" bye: da" yang nu" yo' du nyid da- nyang: moo khyoug: nyhed khyoug: yo' myojid" nyhed loem: dab. Hau: zigi mougmyid gyab, goin" jang" khyoo:- nhang: kaid' da" Mangso venyi nyhed yug nghoid.
Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.
광고